بوریس جانسون محافظه کارلار پارتیسی‌نین صدری وظیفه‌سینه نامیزد اولا‌جاق

بؤیوک بریتانیانین سابیق خاریجی ایشلر ناظیری بوریس جانسون حاکم محافظه کارلار پارتیسی‌نین صدرلیگی اوغروندا موباریزه آپاراجاغینی آچیقلادی.

بوریس جانسون محافظه کارلار پارتیسی‌نین صدری وظیفه‌سینه نامیزد اولا‌جاق

بؤیوک بریتانیانین سابیق خاریجی ایشلر ناظیری بوریس جانسون حاکم محافظه کارلار پارتیسی‌نین صدرلیگی اوغروندا موباریزه آپاراجاغینی آچیقلادی.

جانسون منچسترده تشکیل ائدیلن بیر تدبیرده محافظه کارلار پارتیسی‌نین لیدری اولماق ایسته‌یی ایله باغلی وئریلن سوالا:"البته کی، نامیزدلیگیمی ایره‌لی سوره‌جه‌یم. بونون بیر سیرر اولدوغونو دوشونمورم. لاکین بیلیرسینیز کی، حاضردا بو وظیفه بوش دئییل" دئیه‌رک جاواب وئردی.

دیگر طرف‌دن آوروپا بیرلیگی ایله باغلادیغی "برگزیت" موقاویله‌سی پارلامئنتده اوچ دفعه رد ائدیلن باش ناظیر ترزا می  پارتی‌نین لیدرلیک یاریشینی تشکیل ائدن 1922 کومیته‌سی ایله اؤتن گون کئچیردیگی توپلانتیدا ایستعفا وئرمک اوچون تضییقه معروض قالدی.

بریتانیا مطبوعاتیندا چیخان خبرلره گؤره، می‌دن ایستعفا اوچون معین تاریخ طلب اولونوب، باش ناظیر ایسه بوندان بویون قاچیریب.

قئید ائدک کی، می‌ین لیدرلیک ائتدیگی محافظه کارلار پارتیسی مایین 2-ده کئچیریلن یئرلی سئچکی‌لرده 1300-دن چوخ بلدیه مجلیسی عضو‌لوگو یئرینی ایتیرمیش و سس نیسبتی 28 فایزه دوشموشدو.

بعضی سورغولارا گؤره، کئچیریله‌جک سئچکی‌لرده موهافیزکارلار سس نیسبتینه گؤره اوچونجو پارتیا مؤوقئیینه دوشه بیلر.



ایلگیلی‌لی خبرلر