گوندم آنالیز:14

آنگلو ساکسون-روسیا گرگین‌لیگی و تورکیه‌نین سیاستی

گوندم آنالیز:14

اینگیلتره‌ده سابیق روس جاسوسو سرگی ایسکریپالین و قیزی یولیانین سینیر گازی ایله زهرلنمه‌سین‌دن سونرا آنگلو-ساکسون بلوکو کیمی تانینان امریکا و بؤیوک بریتانیا و باتی اؤلکه‌لری ایله روسیا آراسیندا جدی گرگین‌لیک یاراندی. اینگیلتره‌نین یؤنلندیرمه‌سی ایله تجاووزون آرخاسیندا روسیانین اولدوغونو ادعا ائدن اؤلکه‌لر رئاکسیا‌لارینی روس دیپلومات‌لارینی دپورت ائتمکله گؤستردی‌لر. روسیایا قارشی رئاکسیا سئلینده 25 اؤلکه (امریکا، کانادا، استرالیا، یئنی زلاندیا و آوروپا بیرلیگی اؤلکه‌لری) ان آزی 140 روس دیپلوماتینی دپورت ائتدی‌لر. روسیا خاریجی ایشلر ناظیرلیگی ایسه ادعا‌لاری رد ائده‌رک، ایسکریپال اولایی ایله علاقه‌دار اینگیلتره‌نین خصوصی قوه‌لرینی و اینگیلیس کشفیاتینی گوناهلاندیردی. ناتو روسیانی بیلاواسیطه هدف آلان سیاست یوروتدو. ناتو عضوو اولان تورکیه ایسه تؤره‌دیلن تجاووز آکتینی قینادی، لاکین نه روسیانی بیرباشا گوناهلاندیردی، نه ده دیگر اؤلکه‌لر کیمی روس دیپلومات‌لارینی دپورت ائتدی.

روسیا و باتی دؤولت‌لری آراسین‌داکی ایسکریپال گرگین‌لیگی سویوق محاربه دؤورونو خاطیرلاتسا دا، دونیانین یئنی کونژکتورونده سویوق محاربه‌دن بحث ائتمک چوخ دا مومکون گؤرونمور.

روسیانین اونا آرخا اولان دؤولت‌لردن بلوک یارادا‌راق باتی بلوکونا قارشی جبهه آچاجاغینی دوشونمک راسیونال بیر آنالیز اولماز. روسیانین کریمی ایلهاق ائتمه‌سی، اوکراینا بحرانی ایله گرگین‌لشن روسیا-باتی علاقه‌لری، ایقتیصادی محاربه‌یه قدر ایره‌لیله‌ین اقتصادی تحریملر ایکی طرف آراسینداکی گرگین‌لیگی آرتیریر. ایسکریپال اولایی ایسه کاسا‌داکی سویو داشیران سون داملا رولونو اوینادی. لاکین باتی دونیاسی‌نین داخی‌لی ضدیت‌لری و آلمانیا باشدا اولماقلا، بعضی اؤلکه‌لرین روسیا سیاستی ده دقت‌دن قاچماما‌لی‌دیر.

روسیا و باتی آراسین‌داکی گرگین‌لیک داوام ائتدیگی بیر زاماندا، تورکیه بالانس لاشدیریلمیش سیاست یورودور. تورکیه یارانمیش وضعیتده میللی ماراق و منافع‌لرینی نظره آلان بیر موناسیبت سرگیلییر. تورکیه ایسکریپال حادثه‌سی ایله باغلی باتی متفیق‌لری ایله هم رای‌لیک نوماییش ائتدیرسه ده، روسیا ایله دیپلوماتیک گرگینلیگین قارشی‌سینی آلیر. آک کویو آتوم الکتریک سانترالی‌نین تمل قویما مراسیمی‌نین تورکیه‌نین جمهور باشقانی رجب طیباردوغانلا روسیا پرزیدنتی ولادیمیر پوتی‌نین بیرلیکده حیاتا کئچیرمه‌لری تورکیه‌نین بو موناسیبتی‌نین باریز نومونه‌سی‌دیر. آک کویو آتوم الکتریک سانترالی 4 راکتوردان عبارت‌دیر و پلانا گؤره، بیرینجی راکتور 2023-جو ایلده فعالیته باشلاما‌لی‌دیر. آک کویو اتیم الکتریک سانترالی عمومی لیکده 4800MW  الکتریک اوره ته جک، تورکیه‌نین انرژی طلباتی‌نین 10%-نی اؤده‌یه‌جک.

عینی زاماندا، روسیا ایله بیرگه "تورک آخینی" لاییحه‌سین داوام ائتدیرن و ایلکین مرحله‌ده روسیا‌دان تورکیه‌یه، ایکینجی مرحله‌ده ایسه بالکان اؤلکه‌لرینه دوغرو اوزانا‌جاق بورو خطی لاییحه‌سی داوام ائدیر. تورکیه‌نین حیاتا کئچیردیگی دیگر انرژی لاییحه‌لری ایله برابر "تورک آخینی" لاییحه‌سی تورکیه‌نین انرژی مرکزینه چئوریلمه‌سی یولوندا اهمیت‌لی بیر آددیم‌دیر.

لاکین تورکیه یالنیز روسیا ایله دئییل، عینی زاماندا، آوروپا بیرلیگی اؤلکه‌لری و امریکا ایله ده امکداش‌لیق باغ‌لارینی محکملن‌دیرمک نیتینده‌دیر. روسیا‌دان اس-400 راکت لری آلماغا دایر موقاویله ایمضالایان تورکیه ناتو اؤلکه‌لرین‌دن ده مدافعه سیستم‌لری آلماق اوچون دانیشیق‌لار آپاریر. تورکیه فرانسا و ایتالیا ایله مدافعه سیستم‌لری‌نین اورتاق اوره تیمینه دایر اؤن موقاویله ایمضالاییب. بون‌لارا علاوه اولا‌راق، تورکیه ف-35 قیریجی‌لاری‌نین اوره تیمینده آکتیو رول اوینایان بیر اؤلکه‌دیر.

لاکین تورکیه‌نین ناتو متفیق‌لری ایله فتو و پ.کا.کا/ی.پ.گ گرگین‌لیگی داوام ائدیر. عینی زاماندا، روسیا ایله کریم، اوکراینا و غوطه مسئله‌لرینده پروبلئم‌لرله اوزلشن تورکیه بالانسلاشدیریلمیش خاریجی سیاست یوروده‌رک میللی ماراق‌لارینی ماکسوموم درجه‌ده قوروماغا چالیشیر.

ایقتیصادیات و جمعیت آراشدیرما‌لاری وقفی‌نین امکداشی جان آجونون "آنگلوساکسون-روسیا گرگین‌لیگی و تورکیه‌نین سیاستی " آدلی آنالیتیک یازی‌سینی تقدیم ائتدیک.



ایلگیلی‌لی خبرلر