جماله، یاخشی نیت ائلچیسی اولدو

یوروویزیون ماهنی یاریشما‌سیندا، قیریم تاتار سورگونو و ننه‌سی‌نین یاشادیغی فاجعه‌نی قونو آلان "1944" آدلی ماهنی‌سی ایله جماله، بیرینجی اولموشدو

جماله، یاخشی نیت ائلچیسی اولدو

یوروویزیون 2016 بیرینجی‌سی قیریم‌لی تاتار جماله، بیرلشمیش میللت‌لر اولوسلارآراسی کؤچمن هؤرگوتو یاخشی نیت ائلچیسی اولدو.

بیرلشمیش میللت‌لردن  وئریلن آچیقلامادا، جماله‌نین یاخشی نیت ائلچیسی اولا‌راق اینسان آلیش وئریشینه قارشی آپاریلان مباریزه‌یه قاتیلاجاغی بیلدیریلدی.

جماله‌نین مدرن کؤله‌لییه قارشی کئچیریله‌جک انفورماسیون کامپانیاسیندا یئر آلاجاغی ایفاده ائدیلن آچیقلامادا، مغنی‌نین معاصر کؤله‌لیک پروبلئمینه یؤنه‌لیک بیر کلیپده اوینایاجاغی قید ائدیلدی.

سوئدین باشکندی استکهلمدا اؤتن ایل 61.جی‌سی کئچیریلن یوروویزیون ماهنی یاریشما‌سیندا، قیریم تاتار سورگونو و ننه‌سی‌نین یاشادیغی فاجعه‌نی قونو آلان "1944" آدلی ماهنی‌سی ایله جماله، اوکراینانی تمثیل ائتمیش و 534 پوئنله بیرینجی اولموشدو.



ایلگیلی‌لی خبرلر