پ‌کاکا/کاج‌کا ترور هؤرگوتونون اویوشدوروجو تیجارتین‌ده‌کی رولو

افغانیستان‌دان تورکیه‌یه اوزانان اویوشدوروجو ترانزیتین‌ده بیر چوخ کورد و ایرانلی‌نین یاخالاندیغی، بونلارین پ‌کاکا/کاج‌کایا دستک وئردیکلری بیلدیریلمیشدیر

پ‌کاکا/کاج‌کا ترور هؤرگوتونون اویوشدوروجو تیجارتین‌ده‌کی رولو

تروریزم و اویوشدوروجو ایلیشکی‌سی

دونیانین قارشی قارشییا قالدیغی ان اساس تهدیدلردن بیری اولان اویوشدوروجونون بشریته قارشی تهدید و ریسک اؤلچوسو هر گئچن گون آرتماق‌دادیر. خصوصاً گنجلر و گله‌جک نسیللر اوچون بؤیوک بیر پروبلئم اولان اویوشدوروجو عینی زامان‌دا تجاری یؤنو ایله منفعت دایره‌لری اوچون رانت و تروریزم اوچون مالیه منبعی‌دیر.

سون ایللر اولوسلارآراسی قورولوشلار طرفین‌دن نشر اولونان اویوشدوروجو و ترور راپورلارین‌دا، خصوصیله ترور هؤرگوتلرینین اویوشدوروجو سوچلارین‌دان گلیر الده ائتدیگی و بو گلیری؛ سلاح، بارینما، بسلنمه، رابطه، تبلیغات و س. احتیاجلارینی رفع ائتمک اوچون مالی منبع کیمی ایستیفاده ائتدیگینه دایر معلوماتلارا یئر وئریلیر. دونیا اویوشدوروجو راپورلارین‌دا، دونیا میقیاسیندا اویوشدوروجو تیجارتی حجمینین تخمیناً ۳۲۰ میلیارد دلار اولدوغو و بو میقدارین متشکل سوچ و ترور هؤرگوتلرینین مالیه منبعینین اؤنملی بیر قیسمینی تشکیل ائتدیگی وورغولانیر. ۲۰۱۶ آوروپا اویوشدوروجو راپورون‌دا ایسه؛ آوروپا بیرلیگی میقیاسین‌دا اویوشدوروجو بازار دگرینین ۲۴ میلیارد یورو اولدوغو قیده آلینمیش‌دیر.

ترور هؤرگوتلری ایله اویوشدوروجو تاجیرلری آراسین‌دا قارشی‌لیق‌لی ماراق ایلیشکی‌سینین مؤوجودلوغون‌دان بحث ائتمک خطالی بیر تثبیت اولمایاجاق. اویوشدوروجو تاجیرلری تروریستلرین هؤرگوتسل یاپیلانما اصوللاری، سلاح تداروکلاری و گیزلی هؤرگوتلره گیریش ایمکانلارین‌دان ایستیفاده ائدرکن، تروریست هؤرگوتلر ده اویوشدوروجونو بیر گلیر منبعی کیمی ایستیفاده ائدیر و الده ائدیلن چیرک‌لی پوللارین یویولماسین‌دا اویوشدوروجو تاجیرلرینین اصوللاری و باجاریقلارین‌دان ماکسیموم درجه‌ده ایستیفاده ائدیر. اویوشدوروجو تیجارتی و ترورون بیر بوتؤوون آیریلماز حصه‌لری اولدوغو و اویوشدوروجو قاچاقچیلیغینین ترورون بیر نؤوع باتاق‌لیغی اولدوغو وورغولانیر.

آیدین گؤرونور کی، ترور هؤرگوتلری بیر طرف‌دن قانون‌سوز اویوشدوروجو اورتیمی و تیجارتی یولو ایله فعالیتلرینه مالی قایناق تامین ائتمک‌ده، دیگر طرف‌دن اویوشدوروجو باغیملیلیغینین آرتماسی سببی ایله میلی گوجون، اینسان عنصورونون تخریب ائدیلمه‌سینه خیدمت ائدیر.

 

پ‌کاکا/کاج‌کانین اویوشدوروجو تیجارتی فعالیتلری

گئچمیش‌ده و گونوموزده، تورکیه‌یه قارشی فعالیت گؤستره‌ن هؤرگوتلرین باشین‌دا گلن پ‌کاکا/کاج‌کانین دا اویوشدوروجو‌دان بؤیوک بیر مالی قایماق تامین ائتدیگی و اویوشدوروجو اورتیمی ایله تیجارتینین بوتون مرحله‌لرین‌ده یئر آلدیغی معین ائدیلمیش‌دیر. پ‌کاکا/کاج‌کا ترور هؤرگوتو، اویوشدوروجو اورتیمی و تیجارتینه دایر فعالیتلرینی اوزون زامان اؤلکه‌میز و دونیادان گیزلتمه‌یی باجارمیش‌دیر. بونونلا یاناشی، هؤرگوتون سؤزده رهبرلرینین یاخالاناراق اؤنملی اعترافلار ائتمه‌سی ایله سون ایللرده اؤلکه‌میز و دیگر اؤلکه‌لرده حیاتا گئچیریلن ترور ایلیشکی‌لی اویوشدوروجو عملیاتلاری نتیجه‌سین‌ده، پ‌کاکا/کاج‌کا ترور هؤرگوتونون اویوشدوروجو سوچلارینا قاریشدیغی اولوسال و اولوسلارآراسی اجتماعیت طرفین‌دن گؤرولموش‌دور.

هؤرگوت لیدئرلری، اویوشدوروجو اورتیم و تجارتی فعالیتلرینی هؤرگوتون میلیتان کادرلارین‌دان و توپلومدان گیزلتمه‌یه چالیشیرلار. چونکو اویوشدوروجو تیجارتینین حقیقت‌ده بیر اینسان‌لیق سوچو اولدوغونو، بونون هؤرگوتون تبلیغات فعالیتلرینه ضربه ووراجاغینی و یئنی میلیتان نامیزدلرینه منفی ایستیقامت‌ده تأثیر ائدجیینی بیلیرلر.

ترور هؤرگوتونون، ۱۹۹۰.جی ایلده حیاتا کئچیردیگی ایکینجی میلی کنفرانسین‌دا آلینان "سرحدلرده (سؤزده) وئرگی توپلاماق، داشیدیقلاری ماللارین توتوم و دگرینه گؤره قاچاق‌چیلاردان (سؤزده) وئرگی آلماق" شکلین‌ده‌کی قرار، هؤرگوتون ایلک دؤورلرین‌دن اعتباراً اویوشدوروجو سئکتورون‌دا یئر آلدیغینین اورتوک بیر ایفاده‌سیدیر.

ع. اؤجالان، ترور هؤرگوتونون اویوشدوروجو ایله ایلیشکی‌سینه دایر ۱۹۹۹.جو ایلده وئردیگی ایفاده‌ده؛ "اویوشدوروجو تیجارتینی شخصاً ائتدیرمه‌ییب، بو ایشله مشغول اولانلاردان خراج آلینماسینی سؤیله‌دیگی زاگرس و ماکو بؤلگه‌لرین‌ده قارداشی عثمان اؤجالان دا داخیل اولماقلا آدی چکیلن بؤلگه‌لره گؤندریلن هؤرگوت یؤنتیجیلرینین اویوشدوروجو تیجارتی حیاتا گئچیردیگی، بو اولای‌لارین کنترلو خاریجین‌ده اولدوغو" خصوصلارینی دیله گتیرمیش‌دیر.

ترور ائیلملرینی حیاتا گئچیرمک و گلیر الده ائتمک اوچون اویوشدوروجو ماده اعمال و تیجارتی ائتمه‌یی آسان و قازانج‌لی بیر یول اولاراق گؤره‌ن پ‌کاکا/کاج‌کا ترور هؤرگوتو، اویوشدوروجو ماده تیجارتینین هر ساحه‌سین‌ده حرفه‌ای شکیلده فعالیت گؤستریر. ایلک باشلاردا اویوشدوروجو هؤرگوتلرین‌دن، فعالیتلرینه گؤز یومما و گوونلیکلرینی تامین ائتمه قارشی‌لیغی پورسانت آلان هؤرگوت، اویوشدوروجو ماده تیجارتینین الده ائتدیگی قازانجین بؤیوکلویونو آنلایینجا شخصاً بو ایشین ایچین‌ده یئر آلماغا اوستونلوک وئرمه‌یه باشلادی.

اویوشدوروجو ایله مباریزه آپاران اورگانلاریمیز طرفین‌دن یئریدیلن عملیاتلار نتیجه‌سین‌ده گرچکلشدیریلن تثبیتلر بو آنالیزلری دستکلر کاراکترده اولوب، پ‌کاکا/کاج‌کانین یالنیز اویوشدوروجو ماده تیجارتینی آپاران شخصلردن گلیر الده ائتمکله قالمادیغی، اویوشدوروجو ماده تیجارتینین بوتون مرحله‌لرین‌ده رول اوینادیغی اورتایا قویولموش‌دور. یئنه ترورلا مباریزه اورگانلاری طرفین‌دن پ‌کاکا/کاج‌کا ترور هؤرگوتو هدفلنرک ائدیلن بیر چوخ عملیات‌دا اؤنم‌لی میقداردا اویوشدوروجو ماده اله گئچیرمیشدیر. بئله کی، ۱۹۸۰-۲۰۱۷ ایللری آراسین‌دا پ‌کاکا/کاج‌کا ترور هؤرگوتو ایله ایلیشکی‌لی ۴۱۴ نارکوترور عملیاتی آپاریلارکن، بو عملیاتلاردا ۱.۳۲۵ شبهه‌لی، اون مینلرجه کیلوگرام ماری‌جوآنا، هروین و س. اویوشدوروجو ماده و تخمیناً ۸۸ میلیون عدد چدنه بیتکی‌سی اله گئچیریلمیش‌دیر. بو وضعیت ترور هؤرگوتونون اویوشدوروجو ماده تیجارتی ایله نه قدر ایچ ایچه اولدوغونو آچیق شکیل‌ده گؤستریر.

پ‌کاکا/کاج‌کا ترور هؤرگوتونون؛

  • اویوشدوروجو اکیمی، اعمالی، نقلی و تیجارتینی هؤرگوتون اؤزو گرچکلشدیردیگی،
  • اویوشدوروجو اورتیجیلری، یا دا اؤلکه‌میز سرحدلری اوزرین‌دن اویوشدوروجو ماده داشییان و یاسادیشی گیرمه‌یه چالیشان بوتون شخص و هؤرگوتلردن وئرگی آدی آلتین‌دا پورسانت و خراج آلدیغی،
  • آوروپادا اویوشدوروجو ساتیشی و کوچه ساتیشلارین‌دا فعال اولدوغو،
  • پ‌کاکا/کاج‌کایا خبر وئرمه‌دن اویوشدوروجو ماده آلیش وئریشی ائد‌ن شخص و یا قروپلارا عاید اویوشدوروجو ماده‌لره هؤرگوت طرفین‌دن ال قویولدوغو،
  • اویوشدوروجو اعمالی آپاران هؤرگوتلره یئر تامینی و قوروما تامین ائتدیگی،
  • دوغو و گونئی دوغو آنادولو بؤلگه‌لریمیزده قانون‌سوز چدنه بیتگیسی  اکیمینده فعال رول اوینادیغی،
  • پ‌کاکا/کاج‌کانین اویوشدوروجو تیجارتی ایله باغلی عملیاتلارینی هؤرگوت ایچری‌سین‌ده اؤزل حجره‌لرین یئریتدیگی و دیگر تروریستلره بو باره‌ده معلومات وئریلمه‌دیگی

معین ائدیلمیش‌دیر.

هؤرگوت، یاسادیشی چدنه کولو اکیمینی، بو ساحه‌نین ان قازانج‌لی اوصولو اولاراق گؤرور. اؤزللیکله دوغو و گونئی دوغو آنادولو بؤلگه‌لرینده چدنه‌دن الده ائتدیگی ماری‌جوآنا تیجارتین‌دن بؤیوک گلیر الده ائد‌ن هؤرگوت، بو پروسه‌نی شخصاً تشکیل ائتمه‌نین یانی سیرا، کندلیلره و بؤلگه اینسانینا چدنه اکدیرمک‌ده و یا چدنه اکیمینه تشویق ائتمک‌ده، اورتیلن ماری‌جوآنادان پورسانت آلماقدادیر.

ترور هؤرگوتو بیر دؤور لبنانین بقاع دره‌سینده یئرلشن کمپ بؤلگه‌لرین‌ده (بعلبک و هرمل) چدنه کؤکو و خاشخاش اکرک قوردوغو لابراتورلاردا اویوشدوروجو اعمال ائتمیش‌دیر. ایندیلرده ایسه قوزئی عراق دوشرگه‌لرین‌ده و اؤلکه‌میز سرحدینه یاخین سرحد کندلرین‌ده اویوشدوروجو اعمال ائد‌رک نهایی بازارا سونماقدادیر. اؤزللیکله افغان افیونونو ایشله‌یرک الده ائتدیگی هروینین آوروپا بازارین‌دا عرضه‌سینه بؤیوک اؤنم وئریر. هؤرگوتون خراج توپلاما فعالیتینین باشیندا ایسه اؤلکه‌میزین دوغو سرحدین‌دن اویوشدوروجو تاجیرلری طرفین‌دن گتیریلن اویوشدوروجو‌دان کیلو باشینا معینلشن قیمتلرده "وئرگی" آدی آلتین‌دا خراج آلماسی و اویوشدوروجو ماده آلیش وئریشی ائد‌ن شخصلردن هده قورخو، شانتاژ و سلاح‌لی گوج تطبیق ائتمه و گیروو گؤتورمه یولو ایله پول آلماسی گلیر.

اؤلکه‌میز جغرافی مؤوقعیتی اعتباریله اویوشدوروجو ماده‌لرین اورتیلدیکلری بؤلگه‌لر ایله بو ماده‌لرین مصرف بازارلاری اولان بؤلگه‌لر آراسین‌دا کؤرپو دوروموندا‌دیر. اویوشدوروجو ماده‌لرین دونیا اوزرین‌ده‌کی ان باش‌لیجا اورتیم مرکزلری افغانیستان، پاکیستان و ایران اؤلکه‌لری‌دیر. اؤلکه‌میز بو اؤلکه‌لر ایله آوروپا آراسین‌دا ترانزیت بیر گئچیش نقطه‌سی‌دیر و اؤلکه‌میز اوزرین‌دن گئچن بو هروین مسیری گله‌نکسل اولاراق "بالکان مسیری" آدلانیر. پ‌کاکا/کاج‌کا ترور هؤرگوتونون تشکیلاتلانماسی گؤز اؤنونه آلیندیغیندا؛ یورددیشی تشکیلاتینین، اورتادوغودان باتی آوروپا اؤلکه‌لرینه قدر اوزاندیغی گؤرونور. بو گئنیش ساحه، "بالکان مسیری"نین هامی‌سینی احاطه ائدیر. چوخ مقداردا اویوشدوروجو ماده آخمینین گئچدیگی بو مسیر اوزرین‌ده تشکیلاتلانماسی اولان پ‌کاکا/کاج‌کا ترور هؤرگوتو، اورتدیگی و یا منبعین‌دن تامین ائتدیگی اویوشدوروجو ماده‌لری بو مسیر اوزرین‌دن آسان‌لیقلا نقل ائدیر.

پ‌کاکا/کاج‌کا ترور هؤرگوتو اویوشدوروجو فعالیتلرینه تاجیر و اورتیمچیلردن پورسانت آلاراق باشلامیش اولسا دا سون واختلار اویوشدوروجونون آوروپا کوچه‌لری بازارینی کنترل ائتمه‌یه قدر ایرلیلمیش‌دیر. هؤرگوت آوروپادا اویوشدوروجو داغیتیمینی اؤزو تشکیل ائدیر و ایداره ائدیر. اویوشدوروجو قیمتلرین‌ده‌کی یوکسک قازانج نیسبتلری هؤرگوتون کوچه ساتیشینا یؤنلمه‌سینین ان اؤنم‌لی سببی‌دیر. بئله کی، بیرلشمیش کرال‌لیق مرکزلی هنری جکسون سوسایتی دؤشونجه قورلوشو طرفین‌دن نشر اولونان "اونودولان خاریجی ساواشچیلار: سوریه‌ده‌کی پ‌کاکا" باش‌لیق‌لی راپور‌دا دا پ‌کاکا/کاج‌کانین آوروپاداکی ان اؤنم‌لی گلیر قایناقلارینین باشین‌دا اویوشدوروجو تیجارتینین گلدیگی و ایران‌دان گلن اویوشدوروجویون تورکیه اوزرین‌دن آوروپایا گئچیریله‌رک بوراداکی ایلیشکی‌لی شخصلر واسطه‌سی ایله ساتیشینین ائدیلدیگی بیلدیریلیر.

 

پ‌کاکا/کاج‌کانین اویوشدوروجو تیجارتینه دایر اولوسلارآراسی هؤرگوت و خاریجی اؤلکه‌لرین تثبیتلری

اولوسلارآراسی منبع‌لرده پ‌کاکا/کاج‌کانین ان اؤنملی گلیر قایناق‌لارین‌دان بیرینین اویوشدوروجو تیجارتی اولدوغونا دایر بیر چوخ نتیجه و تثبیت یئر آلیر. بیرلشمیش میلتلر تشکیلاتینین اویوشدوروجو و سوچ اوفیسی، اورتا آسیا، افغانیستان و دیگر اؤلکه‌لردن آوروپایا اویوشدوروجو قاچاقچیلیغینین ایللیک ۵ میلیارد دلارلیق بیر قازانج تامین ائتدیگینی تخمین ائدیر و آوروپالی بیر کشفیات آنالیستینه گؤره، بو قازانجین یاری‌سی پ‌کاکا/کاج‌کایا گئدیر.

۱۹۹۲.جی ایلده، دونیا میقیاسین‌دا گئچیریلن ۴۱ اویوشدوروجو عملیاتین‌دان ۲۳ونده یاخالانان سوچلولارین پ‌کاکا/کاج‌کا ایله ایلیشکی‌لی اولدوقلاری دؤورون اینترپل قیدلرین‌ده یئر آلماق‌دا اولوب؛ آلمانیا، ایسپانیا، ایتالیا، سوئیس، فرانسا و تورکیه‌ده ۱۹۹۰لی ایللرده آپاریلان عملیاتلاردا تونلارلا اویوشدوروجو ماده اله گئچیریلمیش‌دیر. اینترپل قیدلرینه گؤره آوروپا اویوشدوروجو بازاری؛ ۱۹۹۲.جی ایلده %۸۰، ۱۹۹۴.جو ایلده %۶۰-۷۰ دولاییندا پ‌کاکا/کاج‌کا طرفین‌دن یؤنلندیریلمیشدیر.

سون ایللرده اینترپل؛ آلمانیا، ایتالیا، هلند و ایسپانیادا یئر آلان موختلیف کورد قروپلارین اویوشدوروجو تیجارتینی تعقیب ائتمیش‌دیر. بو قروپلارین پ‌کاکا/کاج‌کا ایله ایلیشکی‌لری اولدوغو دوشونولمکده‌دیر. هؤرگوت، تورکیه و قوزئی عراق‌دا اویوشدوروجو لابراتورلارینی ایشله‌د‌ن قروپ اولاراق تانینیر. عملیاتلاری دستکله‌مک اوچون تک تک حجره‌لر طرفین‌دن آپاریلان اویوشدوروجو اعمال و تیجارتینین یانی سیرا پ‌کاکا/کاج‌کا باتی آوروپاداکی کورد اویوشدوروجو تاجیرلرین‌دن ده وئرگی آلیر.

پ‌کاکا/کاج‌کانین، اویوشدوروجو قاچاقچیلیغین‌دا آوروپاداکی ایمکان و قابیلیتلریندن ایستیفاده ائد‌رک آمریکایا دا اویوشدوروجو ساتدیغی بیلینیر. هؤرگوتون، ۱۹۹۶ ایلینده بیر گرام هروینی ۳۵۰ دلاردان آمریکا بازارینا سؤوق ائتدیگینه دایر معلوماتلار مؤوجوددور. پ‌کاکا/کاج‌کا ترور هؤرگوتونون تکجه افغانیستان‌دان آوروپایا گئدن افغان هروینیندن ایللیک     ۵۰- ۱۰۰ میلیون دلار آراسین‌دا گلیر الده ائتدیگی اولوسلارآراسی یاییملاردا یئر آلماقلا یاناشی، بو گلیرین بوتؤولوک‌ده ۱،۵ میلیارد دلارا چاتدیغی تخمین ائدیلیر.

پ‌کاکا/کاج‌کانین اویوشدوروجو قاچاقچی‌لیغی، بنزر بؤلوجو هؤرگوتلرله بیرلیک‌ده یوروپولون ۲۰۱۱.جی ایل تاریخ‌لی تروریزمین وضعیتی و میللری راپورون‌دا دا یئر آلیر. راپورا گؤره، پ‌کاکا/کاج‌کا تروریست فعالیتلرینی مالیه‌لشدیره‌بیلمک اوچون اویوشدوروجو قاچاقچی‌لیغی و بنزر هؤرگوت‌لو سوچلاری ایشله‌مک‌ده‌دیر. بنزر شکیل‌ده یوروپول طرفین‌دن ۲۰۱۳.جو ایلده یاییملانان راپوردا؛ تورک سوروشدورما راپورلارینین پ‌کاکا/کاج‌کانین، تروریست فعالیتلرینی مالیه‌لشدیرمک مقصدیله اویوشدوروجو تیجارتینه داخیل اولدوغونو گؤستردیگی، هؤرگوتون، تورک سرحدینی گئچن اویوشدوروجو تاجیرلرین‌دن آلدیغی وئرگیلر واسطه‌سیله پول توپلادیغی، آیریجا اویوشدوروجولارین تورکیه اوزرین‌دن نقلیاتی، آوروپا بیرلیگینه چاتدیریلماسی، آوروپا بیرلیگینده داغیتیمی و ساتیشینین هر مرحله‌سین‌ده قازانجلاردان پای آلدیغی، بونا قارشی‌لیق اولاراق اویوشدوروجو تاجیرلرینه پ‌کاکا/کاج‌کا‌دان قوروما و آنلاشمازلیقلار اوچون آراچی‌لیق تکلیف ائدیلدیگی معلوماتلارینا یئر وئریلمیش‌دیر.

ناتونون ۲۰۰۷.جی ایل تاریخ‌لی تقویه‌لی اقتصادی کمیته توپلانتیسین‌داکی راپوروندا؛ "قانون‌سوز اویوشدوروجو تجارتینین پ‌کاکا/کاج‌کانین ان قازانجلی سوچ فعالیتی اولدوغو، پاکیستان‌داکی اویوشدوروجونون خام اورتیمین‌دن عراق‌دا دامیدیلماسینا/تقطیر ائدیلمه‌سینه، کوچه‌لرده ساتماسین‌دان پ‌کاکا/کاج‌کا طرفین‌دن سورولمه‌میش اویوشدوروجونون آوروپادا وئرگیلندیریلمه‌سینه قدر، هؤرگوتون اویوشدوروجو تیجارتینین هر مرحله‌سین‌ده یئر آلدیغی" ایفاده ائدیلدی.

آمریکا اویوشدوروجو ایله مباریزه ایداره‌سینین استخبارات راپورینا گؤره؛ پ‌کاکا/کاج‌کانین اویوشدوروجو‌دان گلیر الده ائتمه اوصولو؛ هروین اورتیمی، اویوشدوروجو تاجیرلرینین سینیر اؤته‌سی تورپاقلارین‌دان گئچن ماللارین‌دان وئرگی آلماسی و آوروپادا هروین بازارلارینین اؤنملی بیر حصه‌سینی کنترل ائتمه‌سی‌دیر. دایداره باشقانی آسا هاتچینسون، پ‌کاکانین تورکیه‌نین گونئی دوغو بؤلگه‌سین‌ده اویوشدوروجو داشینماسینین وئرگیلندیریلمه‌سی و اویوشدوروجو قاچاقیلارینین قورونماسین‌دا یئر آلدیغینی قید ائتمیش‌دیر. ایداره راپورلارین‌دا؛ "تروریست هؤرگوت پ‌کاکا/کاج‌کا، تورک حکومتینه قارشی ترور حرکتینی دستکله‌مک اوچون هروین اورتیمی و قاچاقچی‌لیغی ائدیر. گله‌نک‌سل اویوشدوروجو قاچاقچی‌سی عائله‌لری و قاچاقچی هؤرگوتلری ده فعالدیرلار" دئییلیر.

آمریکا خزانه باخانلیغی، ۲۰۰۹ و ۲۰۱۱.جی ایللرده؛ مراد قاراییلان، علی رضا آلتین، زوبیر آیدار، جمیل باییق، دوران قالخان، رمزی قارتال، صبری اوخ و آد‌م اوزونو تحریم تطبیق اولونان خاریجی اویوشدوروجو قاچاقچیلاری اعلان ائتمیش و بئله‌لیکله پ‌کاکا/کاج‌کانین اویوشدوروجو قاچاقچی‌لیغی سوچو اولوسلارآراسی معنادا ثبت اولموشدور.

بنزر شکیل‌ده ۲۰۱۲.جی ایلده، آمریکا خزانه باخانلیغی خاریجی مال وارلیقلارینی کنترل اوفیسی زین‌الدین گلری، چرکز آکبولوت و عمر بوزتپه آدلی پ‌کاکا/کاج‌کا ترور هؤرگوتو منسوبلارینی آوروپا و خصوصیله مولدوواداکی اویوشدوروجو ترانزیتینین مسئوللاری کیمی معین ائتمیش و تحریم تطبیق اولونان اویوشدوروجو قاچاقچیلاری اعلان ائتمیش‌دیر.

آمریکا خاریجی ایشلر باخانلیغی طرفین‌دن نشر اولونان اولوسلارآراسی اویوشدوروجو کنترل راپوروی۲۰۱۶ ساییسین‌دا ایسه افغانیستان‌دان تورکیه‌یه اوزانان اویوشدوروجو ترانزیتین‌ده بیر چوخ کورد و ایرانلی‌نین یاخالاندیغی، بونلارین پ‌کاکا/کاج‌کایا دستک وئردیکلری و ۲۰۱۵.جی ایلده ده بیر چوخ تورک شهرین‌ده و آوروپادا اویوشدوروجو قاچاقچی‌‌سی سؤزوگئدن هؤرگوت عضولرینه عملیاتلار ائدیلدیگی بیلدیریلمیشدیر.

بیرلشمیش کرال‌لیق پلیس تشکیلاتینین و اویوشدوروجو‌دان سوروملو اولوسال کریمینال استخبارات بیریمی معلوماتلارینا گؤره پ‌کاکا/کاج‌کا، بوتون آوروپا بیرلیگینده ساتیلان هروینین یارییا یاخینی دوغرودان تشکیل ائتمکده‌دیر. بو تشکیلاتا گؤره، هؤرگوتون ۱۹۸۸.جی ایلدکی گلیری ۸۵ میلیون دلاردیر و بونون %۴۴و اویوشدوروجو قاچاقیلیغین‌دان الده ائدیلیر.

آلمانیا باش ساوجیسی، آوروپادا یاخالانان اویوشدوروجونون %۸۰ینین پ‌کاکا/کاج‌کا ایله ایلیشکی‌سی اولدوغونو ایر‌لی سورموشدور. آلمانیا خاریجی ایشلر باخانی زیگمار گابریلین؛ "پ‌کاکا/کاج‌کا ترور هؤرگوتونون آلمانیادا دا سلاح و اویوشدوروجو تیجارتینه دریندن بولاشدیغی و بو سببله قاداغان اولوندوغو، پ‌کاکا/کاج‌کانین مالیه منبع‌لرینین قورودولماسینین آلمانیانین خیرینه اولدوغو" خصوصلارینی دیله گتیردیگی ژوئن ۲۰۱۷.جی ایل تاریخ‌لی آچیقلاماسی دا پ‌کاکا/کاج‌کانین اویوشدوروجو ایله ایلیشکی‌سینی اورتایا قویور.

فرانسا تشکیلاتی اولان کریمینولوژی انستیتوسو طرفین‌دن ۱۹۹۵.جی ایلده یاییملانان راپور پ‌کاکا/کاج‌کا ترور هؤرگوتونون اویوشدوروجو سئکتورون‌داکی قونومونو وورغولاییر. راپور‌دا، هؤرگوت ایله اویوشدوروجو کارتللری آراسین‌دا "بیولوژیک، سیاسی و یئر آلتی دونیاسی" ایلیشکی‌سی اولدوغو ایفاده ائدیلیر. عینی ایل، کوردوستان دموکرات پارتیسی باشقانی مسعود بارزانی ده پ‌کاکا/کاج‌کانین اویوشدوروجو قاچاقچی‌لیغی ائتدیگینی بیان ائتدی.

۱۹۹۸ تاریخ‌لی ایتالیا مالی پلیسی معلوماتلارینا گؤره ایسه پ‌کاکا/کاج‌کا اولوسلارآراسی اویوشدوروجو تیجارتینه بیرباشا داخیل‌دیر و آیریجا کؤچمن تیجارتی ایله خاریج‌ده‌کی ایش آداملاری و ایشچیلرین سیستماتیک قورونماسین‌دان یاسادیشی گلیر الده ائدیر.

 

نتیجه و دگرلندیرمه

یوخاری‌دا اله آلینان حادثه‌لرده گؤروندویو کیمی، پ‌کاکا/کاج‌کا ترور هؤرگوتو دوغرودان و دولایلی اولاراق اویوشدوروجو قاچاقیلیغین‌دان گلیر الده ائتمیش‌دیر. تورکیه‌ده حیاتا گئچیریلن بیر چوخ ترور عملیاتین‌دا اویوشدوروجو ماده اله گئچیریلدیگی کیمی، حیاتا گئچیریلن بیر چوخ اویوشدوروجو عملیاتین‌دا دا ترور هؤرگوتو منسوبو شخصلر اؤلو، یارالی، یا دا ساغ اولاراق اله گئچیریلمیش و هؤرگوتسل سندلر یاخالانمیشدیر. بونونلا یاناشی، ایستر هؤرگوت چته باشی و یاخالانان منسوب‌لارین ایفاده‌لرین‌ده، ایسترسه ده اولوسلارآراسی قورولوش و یا خاریجی اؤلکه چالییشمالارین‌دا بو هؤرگوتون اویوشدوروجو تیجارتی ائتدیگینه دایر اولاراق بیر چوخ تثبیته یئر وئریلمیشدیر. بو وضعیت پ‌کاکا/کاج‌کا ترور هؤرگوتو ایله اویوشدوروجو تیجارتی آراسین‌داکی ایلیشکینی آیدین شکیلده اورتایا قویور.



ایلگیلی‌لی خبرلر