تورک دیش پولیتیکاسینا باخیشلار (13)
چانلار باتی اوچون چالیر: پ‌کاکا/ی.پ.گنین خارجی تروریست ساواشچیلاری
دونیانین مختلیف بؤلگه‌لرین‌دن گلرک سوریه‌ده‌کی ایچ ساواشا داخیل اولان خارجی تروریستلر بو آنا قدر بیر چوخ پروبلئمه سبب اولدو. آنجاق پروبلئمین بؤیوگو سونراکی ایللرده آوروپا و آمریکا اوچون اورتایا چیخاجاق کیمی گؤرونور. بیز ده بو هفته پروگرامیمیزدا پ‌کاکا/ی.پ.گنین خاریجی تروریستلرینی و پتانسیل ریسکلری تحلیل ائدجییک.
آتاتورک اونیورسیته‌سی اولوسلارآراسی ایلیشکیلر بؤلومو خوجا‌سی دکتر جمیل دوغاچ ایپگ‌ین قونو ایله باغلی دگرلندیرمه‌سینی سونوروق.
...
مشهور یازار ارنست همینگوی‌ین "چانلار کیمین اوچون چالیر" اثرینی اوخودوغونوزدان آرخایینام. خاطیرلایاجاغینیز کیمی بو اثرده، ایسپانیا ایچ ساواشیندا پاتلاییجی متخصصی کیمی خیدمت ائدن آمریکالی بیر ایسپانیولجا پروفسورونون گؤزون‌دن حادثه‌لر تصویر ائدیلیردی. دولاییسیلا همینگوی مشهور اثرین‌ده بیر خارجی ساواشچینی آنلادیردی. ایسپانیادان سونرا دا دونیانین مختلیف بؤلگه‌لرینه یؤنه‌لیک خاریجی ساواشچی آخینی داوام ائتدی. سوریه‌ده و عراق‌دا باش وئره‌نلر نتیجه‌سینده بو آنلاییش‌دان حرکتله یئنی بیر آنلاییش اورتایا چیخدی: خاریجی تروریست ساواشچیلار.
خاریجی تروریست ساواشچی قاورامی داعشین ۲۰۱۴ده سوریه‌ده و ایراق‌دا سرعتله یاییلماسی ایله گوند‌مه گلدی. داعشین دونیانین هر طرفین‌دن طرفدارلارینی بؤلگه‌یه ساواشماغا دعوت ائتمه‌سی، ۲۴ سپتامبر ۲۰۱۴ده بیرلشمیش میلتلر امنیت شوراسی طرفین‌دن خاریجی تروریست ساواشچی باش‌لیق‌لی ۲۱۷۸ سایی‌لی قرارین آلینماسینا سبب اولدو.
خاریجی تروریست ساواشچی آنلاییشینین آغیرلیقلی اولاراق آراشدیردیغی باتی اؤلکه‌لرینین مسئله‌یه باخیشلاری؛ بو گون خاریجی تروریست ساواشچی اولانلارین اؤلکه‌لرینه گئری قاییدان‌دا یاراداجاقلاری تهدیددن قایناقلانیر. بو سببله داها چوخ داعش طرزین‌ده‌کی قورولوشلارا قاتیلیملارا یؤنلدیلیر، پ‌کاکا/ی.پ.گ و یا خریستیان میلیسلره قاتیلیملارا محدود ماراق گؤستریلیر. بو یاناشیم بیرلشمیش ملتلرین ۲۱۷۰ و ۲۱۷۸ سایی‌لی قرارلارینا دا عکس اولوندو، خاریجی تروریست ساواشچی آنلاییشی داعش و القاعده باغلانتی‌لی هؤرگوتلر چرچیوه‌سین‌ده تانیملاندی.
سوریه‌ده آرتان داعش وارلیغینین آردین‌دان، ۲۰۱۴دن اعتباراً پ‌کاکا/ی.پ.گ ترور هؤرگوتونه بیر چوخ اؤلکه‌دن چوخ سایی‌دا خاریجی تروریست ساواشچی قاتیلدی. آنجاق باتی اؤلکه‌لری بو مسئله ایله ماراقلانمادی. گؤنول‌لو ساواشچیلار، لژیونرلر کیمی آدلارلا بو مسئله، گئچیشدیریلدی. پ‌کاکا/ی.پ.گ‌یه ایشتیراک ائدن باتی‌لیلارلا-آوروپالیلارلا باغلی هئچ بیر ایش گؤرولمه‌دی. پ‌کاکا/ی.پ.گ، ۲۰۱۴ده اینترنت و سوسیال مئدیا اوزرین‌دن داعشه قارشی ساواشماق اوچون خاریجیلره دعوت گؤندرمه‌یه باشلادی. اینگیلتره، آمریکا، کانادا، استرالیا، آلمانیا، دانمارک، یونانیستان، فنلاند، فرانسا و حتی چین‌دن گلن تخمیناً ۱۲۰۰ خاریجی تروریست ساواشچی، ترور هؤرگوتو پ‌کاکا/ی.پ.گ صفلرینه قاتیلدی.
بو گون پ‌کاکا ترور هؤرگوتو اوچون بیر دؤولت قورماق؛ اینترناسیونل سوسیالیزمی یایماق اوچون بیر واسطه حالینا گلدی. پ‌کاکا اویقولامالاری ایله باغلانتی‌سی اولمایان آنجاق گؤستریشلی ایفاده‌لرله گوند‌م‌ده توتولان "دموکراتیک اؤزارکلیک" و س. پروژه‌لرین آوروپادا و آمریکادا سول حرکتلره الهام وئردیگینی گؤروروک. بو آن ترور هؤرگوتو پ‌کاکا/ی.پ.گ جرگه‌لرین‌ده اما سلاحلی تعلیملری، شدت تجروبه‌لری، سوچ باغلانتی‌لاری و رادیکال فیکیرلری ایله باتییا دؤنه‌جک اولان یوزلرجه رادیکال سول تروریست وار. پ‌کاکانین آوروپاداکی آشیری-سول قروپلارلا تاریخی باغلارینی و ایلیشکی‌لرینی ده بیلیریک. بو سبب‌دن بیر گون گئری دؤنه‌جک باتیلی خاریجی تروریست ساواشچیلار باتی گوونلیگی و اولوسلارآراسی دوزَن/نظام باخیمین‌دان بؤیوک بیر تهدید یاراداجاق.
باتیین ترور هؤرگوتو پ‌کاکا/ی.پ.گ‌یه دستگینین اساس سببی کیمی پ‌کاکا/ی.پ.گنین "سکولار" اولماسی گؤستریلیر. آنجاق بورادا بیر خطا وار. چونکو پ‌کاکا/ی.پ.گنین سکولارلیغینین، مدرن باتیلی سکولار و دموکراتیک آنلاییش ایله هئچ بیر علاقه‌سی یوخدور. پ‌کاکا/ی.پ.گ، سووئت پولیت‌بوروسونون و چین کمونیست پارتیسینین سکولارلیق آنلاییشینی تعقیب ائدیر. بو سببله پ‌کاکا/ی.پ.گنین سکولارلیغی، سوریه‌نین یئنی‌دن اینشاسی اوچون اقتصادی و سیاسی لیبرالیزمه چئوریله‌بیلمز. حاضردا ترور هؤرگوتو پ‌کاکا/ی.پ.گنین فعلی کنترلو آلتین‌دا اولان اویغولادیغی اجتماعی-سیاسی قورولوش و اقتصادی اورتیم مدللری، مائوئیست بیر پارادایم چرچیوه‌سین‌ده "کومونلارا" دایانیر. پ‌کاکا/ی.پ.گ کنترلون‌داکی سوریه تورپاقلارین‌دان "باتیلی یاناشیما صاحب بیر بؤلگه" چیخماسینی گؤزله‌مک بؤیوک بیر یانلیش اولار. بو بؤلگه‌لرده سربست بازار اقتصادی، بیرئی‌چیلیک/فردچیلیک، سؤز اؤزگورلویو و لیبرال گیریشیمچیلیک کیمی آنلاییشلار هئچ واخت اولمایاجاق. چونکو پ‌کاکا/ی.پ.گ، "کومونال" بیر اردملی شهر/مدینه فاضله یوخوسو گؤرور و اؤزونو نئو مائوئیست و نئو ایستالینیست آنلاییشلارلا تانیملاییر.
بیر چوخ باتیلی گؤزلمچی (آرالارین‌دا ترور هؤرگوتو پ‌کاکایا رغبت بسله‌ی‌ن شخصلر ده داخیل اولماقلا) و اوزمان بئله پ‌کاکانین (عکس ایستیقامت‌ده‌کی بوتون سؤیلمینه باخمایاراق) دییشدیگینه قانع اولمادی. "روژاوا تجروبه‌سی" ترور هؤرگوتو پ‌کاکانین هم "لنین‌چی اؤنچو پارتی" عنعنه‌سینی هم ده "ایستالینیست لیدئر اصولونو" تکرارلاماق‌دان باشقا بیر نتیجه وئرمه‌دی.
پ‌کاکا/ی.پ.گ نزدین‌ده‌کی خارجی تروریستلرین گله‌جک‌ده هر هانسی بیر اؤلکه‌یه قارشی بیر تروریست فعالیت‌ده اولمایاجاقلاری ضمانتی وار می؟ عینی شکیل‌ده لنینیست-ایستالینیست کیم‌لیگی ایله تانینان بو شخصلر باتییا قاییدان‌دا اؤز فیکیرلرینین عکسینه دوشونن بیر قروپا قارشی تروریست تهدید یاراتمایاجاقلارینی کیم دئیه‌بیلر؟ بو خارجی تروریستلر آمریکایا، آوروپایا قاییتدیق‌دا چاتیشما تجروبه‌لرینی، ترور هؤرگوتون‌ده آلدیقلاری تعلیملری و رادیکاللاشمالارینی ده اؤزلری ایله آپاراجاقلار. ایستر یالنیز؛ ایسترسه ده رادیکال سول قروپلارلا بیرلیک‌ده آمریکا و آوروپا اوچون جدی تهدید تشکیل ائد‌جکلر. سوریه‌ده‌کی تجروبه‌لری، آمریکا و آوروپاداکی قروپلاری داها دا رادیکاللاشدیراجاق و ائیلم طرزلرینه ده تأثیر ائد‌جک. قوللاندیقلاری زوراکیلیغین نؤوعو و میقیاسی آرتاجاق. مولوتوف کوکتیللری یئرینی محتملا، ال یاپیمی پاتلاییجیلار آلاجاق.
نتیجه اولاراق باتیلی خاریجی تروریست ساواشچیلارا سوریه‌نین قوزئیینده آلان تانینماسی و ائیلم قابیلیتلرینین بو شکیل‌ده آرتماسینا ایمکان تانینماسی اورتا و اوزون وعدده‌ده آوروپا و باتی گوونلیگی اوچون بؤیوک ریسکلر احتیوا ائدیر. باتی بو خصوصدا آرتیق تدبیر آلما‌لی و پ‌کاکا/ی.پ.گ‌یه دستگینی کسمه‌لیدیر. عکس تقدیرده بو گون ترور هؤرگوتو پ‌کاکا/ی.پ.گ جرگه‌لرین‌ده چاتیشمایا گیر‌ن وطنداشلاری بیر گون آمریکا و آوروپا تورپاقلارینا "آندرس برینگ بریویک"ین ایستالینیست ورژن اولاراق گئری قاییداجاق و او گون چانلار قورخورام کی باتی اوچون چالاجاق.
...
آتاتورک اونیورسیته‌سی اولوسلارآراسی ایلیشکیلر بؤلومو خوجا‌سی دکتر جمیل دوغاچ ایپگ‌ین قونو ایله باغلی دگرلندیرمه‌سینی سوندوق.
