کرکوک‌ده تورکمن عایله‌یه سوء قصد

سوء قصدلرین آرخاسیندا تورکمن کیملیگینی ساوونان اینسانلاری هدف آلان "قارانلیق اللر" وار

کرکوک‌ده تورکمن عایله‌یه سوء قصد

عراقین کرکوک شهرین‌ده عراق تورکمن جبهه‌سی پارتیسینین بولاوا کند بیرو سوروملوسو احمد بولاوالی و عائله‌سینین اولدوغو ماشینا تشکیل ائدیلن سلاح‌لی سالدیریدا ۳ نفر یارالاندی.

کرکوک پلیس ایداره‌سی مطبوعات سوروملوسو آفراسیاو کامیل، کیم‌لیگی هله معین اولونمایان شخصلر تشکیل اولونان سلاح‌لی سالدیریدا یارالانان بولاوالی، حیات یولداشی و قارداشینین خسته‌خانادا معالیجه آلتینا آلیندیغینی بیلدیردی.

کرکوک شهرین‌ده سون دؤورده تورکمنلره قارشی سوء قصدلر دقت چکیر.

کرکوک‌ده ۴ آی عرضین‌ده ۱۹ تورکمن سلاح‌لی سالدیری نتیجه‌سین‌ده حیاتینی ایتیردی.

زنگین نفت یاتاقلارینا صاحب کرکوک‌ده‌کی تورکمنلره قارشی ۱۶ اکتبردان بو یانا فرقلی تاریخلرده چئشیدلی سلاح‌لی سالدیریلار حیاتا گئچیریلدی.

سالدیریلارین "سوء قصد" شکلین‌ده اولما‌سی و چوخونون "فاعلی مجهول" قالماسی، شهرده‌کی بوتون تورکمنلری راحاتسیز ائتمه‌یه باشلادی.

سالدیریلارین هدفین‌ده سیاست‌چی و اونیورسیته خوجالاری باش‌دا اولماقلا تورکمنلر ایچین‌ده فرق‌لی سوسیال آلت یاپییا صاحب شخصلر یئر آلیر.

کرکوک‌لو تورکمن سیاست‌چیلر، سالدیریلارین آرخاسین‌دا بؤلگه‌ده ائتنیک بیر چاتیشمانی آلوولاندیرماغا چالیشان، تورکمن کیملیگینی ساوونان اینسانلاری هدف آلان "قاران‌لیق اللرین" اولدوغونو، بونون یاخینلاشان پارلمان سئچبملری اؤنجه‌سی قورخوتما مقصدلی اولدوغونو قید ائدیر.



ایلگیلی‌لی خبرلر