تورکیه مطبوعاتی اؤزتی 27.11.2017

خبرتورک: "لندن‌ده، تورک سرمایه‌لی ایلک یاتیریم بانکی آچیلدی"

تورکیه مطبوعاتی اؤزتی 27.11.2017

تورکیه مطبوعاتی اؤزتی 27.11.2017

صاباح: "پرزیدنت اردوغان‌دان کریتیک دانیشیق‌لار"

پرزیدنت رجب طیب اردوغان، قطر امیری شیخ تمیم بن حمد آل ثانی و بولغاریستان باش ناظیری بویکو بوریسوف-لا تلفوندا گؤروشوب. پرزیدنت منبع‌لرین‌دن وئریلن معلوماتا گؤره، اردوغان- آل ثانی گؤروشمه‌سینده ایکیطرف‌لی مسئله‌لرله یاناشی، سوچی فونوندا سوریه‌دکی پروسه‌لر باشدا اولماق عذره بؤلگه‌سل مسئله‌لر ده موذاکیره اولونوب. اردوغان- بوریسوف-لا گؤروشمه‌سینده ایسه ایکیطرف‌لی علاقه‌لرین یاناشی، بولقاریستانین آوروپا بیرلیگی صدرلیگی و تورکیه‌نین آوروپا بیرلیگی-نه عضولوک پروسه‌سی‌نین سورعتلندیریلمه‌سی مسئله‌لری موذاکیره اولونوب. ایکی لیدرین، بالات‌دا دمیر کیلسه‌نین 7 ژانویه 2018 تاریخینده تکرار ایستیفاده‌یه وئریلمه‌سی موناسیبتیله کئچیریله‌جک مراسیمه بیرلیکده ایشتیراک ائتمک مسئله‌سینده راضی قالدیق‌لاری دا قید ائدیلیب.

خبرتورک: "لندن‌ده، تورک کاپیتال‌لی ایلک یاتیریم بانکی آچیلدی"

باش ناظیر بینا‌لی ییل‌دیریم، لندن‌دکی ایلک تورک سرمایه‌لی "دوما قروپ" یاتیریم بانکی‌نین آچیلیشیندا ایشتیراک ائدیب. ایلدیریم، "بو یاتیریم بانکی ایله کئچیریله‌جک فعالیت‌لرده باشدا ایقتیصادتیمیز اولماق عذره بو ایشه وسایلی، واختیله، نقدی ایله قاتقی وئرن شفق هولدینق، فیبا هولدینگ و دیگر طرفداش‌لار لازیم اولان فایدا تامین ائده‌جک‌لر. هم اؤزلری، هم ده ایقتیصادیمیز قازانا‌جاق. ایلک دفعه اولماسی موناسیبتیله دیگر سرمایه‌دارلارا نومونه تشکیل ائده‌جک" دئدی.

ایستار: "عسگر گابار-ی پ.ک.ک-یا دار ائدیر"

شیرناک‌دا امنیت گوج‌لری، بؤلوچو ترور تشکیلاتی پ.ک.ک عضوو ترورچولاری ضررسیزلش‌دیرمک اوچون عملیات‌لارینی فاصیله‌سیز داوام ائتدیررکن، آراما داراما فعالیت‌لری چرچیوه‌سینده گابار داغیندا کئچیریلن عملیات‌لار نفس کسدی. شیرناک بستلر-دره‌لر بؤلگه‌سینده، 11 گون داوام ائدن و آرا‌لاریندا پ.ک.ک-نین اوست سویه رهبرلری‌نین ده اولدوغو چوخلو سایدا ترورچونون ضررسیزلشدیریلدیگی عملیات‌لار حیاتا کئچیریلیب.

یئنی شفق: "تورکیه میصر اوچون یاسدا"

میصرده، ال راودا مسجیدینه ائدیلن ترور سالدیری سببیله تورکیه‌ده بیر گونلوک میلی ماتم اعلان ائدیلیب. یورددا و خاریجی نماینده‌لیک‌لرده بایراق‌لار بو گون یارییا چکیله‌جک. میصرین سینا یاریماداسینا ایسرائیلین موداخیله‌سی نتیجه‌لنه‌جک قان‌لی تخریبات نتیجه‌سینده 305 نفر اؤلموشدور، 128 نفر ده یارالانمیشدی. ترورچولار سینا-نین عریش شهرینده راودا مسجیدینه جمعه نامازی زامانی بومبا و سیلاح‌لارلا سالدیری ائده‌رک قت‌لیام ائتمیشدی. جانی‌لرین وحشی‌لیگی سونراسی میصرده 3 گونلوک میلی ماتم اعلان ائدیلمیشدی.

وطن: "یئرلی اوتوموبیلله باغ‌لی یئنی تکلیف

باشباخان "معاوینی فیکری ایشیق، آنتالیانین آلانیا شهرستانیندا کئچیریلن" موهندیس‌لیک گؤروشمه‌سی" تدبیرینه قاتیلیب. ایشیق، بورادا یئرلی اوتوموبیلله باغلی وئردیگی بیاناتدا اؤز تکلیفی اولان منزیلی اوزادیلمیش الکتریک‌لی واسطه (هیبرید واسطه) مسئله‌سینی دیله گئتیردی.ایشیکین تکلیف واسطه‌ده هم الکتریک‌لی موتور هم ده بنزینله ایشله‌ین بیر ژنراتور وار و بو ژنراتور باطری آزالدیقجا دؤوره‌یه گیریب یئنی‌دن دولدورویور. ایشیق، "گله‌جک الکتریک اوتوموبیلده. او زامان بیزیم ماشینیمیز الکتریک‌لی اولما‌لی‌دیر. ایشلری باشلادیق آنجاق آلت یاپی معین بیر مدتده حاضیرلاشمادیغی اوچون، مسافه‌سی اوزادیلمیش الکتریک‌لی اوتوموبیل مودئلینی سئچدیک". دئدی



ایلگیلی‌لی خبرلر