تورکیه مطبوعاتی اؤزتی 28.11.2017

دونیاجا مشهور ایسپان موغننی لوز کاسال، 18. اولوسلاراراسی آنتالیا پیانو فستیوا‌لی چرچیوه‌سینده کونسرت وئریب. کاسال، پرفورمانسی قدر آرا‌لاردا ائتدیگی تورکجه دانیشما‌لارلا دا تاماشاچی‌نین قلبینی فتح ائتدی

تورکیه مطبوعاتی اؤزتی 28.11.2017

تورکیه مطبوعاتی اؤزتی 28.11.2017

ایستار: "اردوغان 7-8 دسامبردا آتن‌ده یولجوسو"

جمهور باشقانی رجب طیب اردوغان، رسمی دعوت اوزرینه 7 دسامبردا ایکی گون‌لوگونه یونانیستانا گئده‌جک. آتن ان سون سفر 65 ایل اوّل اوچونجو پرزیدنتی جلال بایار طرفین‌دن حیاتا کئچیریلمیشدی. اردوغانین سفری ایله باغلی ایلک آددیم باش ناظیر بینا‌لی ییل‌دیریمین ژوئن آییندا آتن‌ه آپاریلان سفرله آتیلمیشدی. ییل‌دیریمی قبول ائدن یونانیستان پرزیدنتی پروکوپیس پاولوپولوس اردوغانین سفرین‌دن ممنونلوق دویاجاغینی ایفاده ائتمیشدی.

خبرتورک: "10 نؤمره قارشیلانما"

باش ناظیر بینا‌لی ییل‌دیریم، لندن‌ده اینگیلیس همکاری می ایله بیر آرایا گلدی؛ بریکسیت سونراسی ایقتیصادی امکداش‌لیق، ساوونما و سیاست موذاکیره اولونوب. ایلدیریم، اینگیلیس یاتیریمچیلارلا دا یئمیینده گؤروشوب، "ایلین سونوندا بؤیومه نیسبتی 6-7 فایز اولور. بو مکاندا ایللیک گلیر 30 تریلیون دول‌لار" دئدی

یئنی شفق: "میلی ساواشچی اوچاق 2023ده"

میلی ساوونما ناظیری نورالدین جانیکلی، باش ناظیر بینا‌لی ییل‌دیریمین اینگیلتره تماس‌لارینا همراه‌لیق ائتمک عذره اولدوغو لندن‌ده ژورنالیست‌لرین سوال‌لارینی جوابلاندیردی. میلی ساواش تییاره TF-X  ایله علاقه‌دار اولا‌راق، بونون تورکیه اوچون اهمیت‌لی بیر پروژه اولدوغونو بیل‌دیرن جانیکلی، "ان قیسا زامان ایچری‌سینده بوتون مرحله‌لرینی حیاتا کئچیرجگیک. هئچ بیر گئجیکمه اولمایا‌جاق. تاریخ وئرم اما حاضیردا اساس هدفیمیز 2023ده یاییملا" دئدی. پروژه‌‌نین اساس اعتباریله تورکیه‌نین احتیاجی اولا‌راق اورتایا چیخدیغینی ایفاده ائدن جانیکلی، بیر چوخ اؤلکه‌دن تکنولوژی ترانسفری معناسیندا دستک وئردیگینی، اینگیلتره ده بو چرچیوه‌ده پروژه‌یه داخیل اولدوغونو دئدی.

وطن: "بیر اؤلکه داها آسئلسان سئچدی"

آسئلسان طرفین‌دن اوره‌تیلن ایستابیله سیلاح سیستمی تورکیه اوچون یئنی بیر ایخراج قاپی‌سی آچدی. جنوبی کوره‌لی گمی تیکینتی فیرماسی Hyundai Heavy Industries  2016 ایلده فیلیپپین دونانماسی 2600 تونلوق Incheon صینفی ساواش گمیسی اوره تیمی اوچون موقاویله ایمضالاییب. پلاتفورمون اؤن حیسه‌سین‌دکی 76م.م باش توپو و 8 دلیکلی شاقولی آتیش سیستمینه علاوه اولا‌راق آسئلسان قوروما سیستمی گمی‌نین دال حیسه‌سینده اوچوش بؤلومونه دوغرو یئرلش‌دیریله‌جک. آسئلسان قوروما سیستمی پلاتفورمونون ساواش مدیریتی سیستمی ایله تام اینتقراسیوتن اولونموش شکیلده ایشله‌یه‌جک

حریت ":آنتالیادا ایسپان کولیی"

دونیاجا مشهور ایسپان موغننی لوز کاسال، 18. اولوسلاراراسی آنتالیا پیانو فستیوا‌لی چرچیوه‌سینده کونسرت وئریب. کاسال، پرفونمانسی قدر آرا‌لاردا ائتدیگی تورکجه دانیشما‌لارلا دا تاماشاچی‌نین قلبینی فتح ائتدی. فینالدا آیاقدا آلقیش‌لانان آرتیست، چوخ ایستک اوزرینه تام اوچ دفعه بیزا ائدیب صحنه‌یه قاییتماق مجبوریتینده قالدی.



ایلگیلی‌لی خبرلر