تورکیه مطبوعاتی اؤزتی 15.12.2017

"ایبراهیم قالین: قودس قراری‌نین داوامی گله‌جک

تورکیه مطبوعاتی اؤزتی 15.12.2017

تورکیه مطبوعاتی اؤزتی 15.12.2017

یئنی شفق: "ایخراجات رکوردا قاچیر"

باش ناظیر بینا‌لی ییلدیریم بئش تپه‌ده کئچیریلن ایستیخدام شوراسیندا ائتدیگی چیخیشیندا سون 1 ایلده 1.5 میلیون نفره ایستیخدام تامین ائتدیک‌لرینی آچیقلایارکن، 3-جی چئیرک بؤیومه رقم‌لری‌نین ایسه بیر دونیا رکوردو اولدوغونو بیلدیریب. 2017نین نایلیت‌لرله دولو بیر ایل اولدوغونو وورغولایان ییلدیریم، بدبین سناریو‌لارین هامیسی یازان‌لارین الینده قالدی. اومید قازاندی، گله‌جک قازاندی تورکیه قازاندی. ایخراجاتیمیز 36 میلیارد دو‌لاردان 155 میلیارد دو‌لارا قالخدی. بو ایل ایخراجدا بوتون دؤورلرین اوستونه چیخسا تعجب‌لنمیین. اؤلکه‌لر ایفلاس بایراغینی چکرکن تورکیه بؤیومه‌یه ایره‌لیلمه‌یه پارلایان بیر اولدوز اولماغا داوام ائتدی" شکلینده دانیشدی.

خبر تورک: "ایبراهیم قالین: قودس قراری‌نین داوامی گله‌جک"

پرزیدنت سؤزچوسو ایبراهیم قالین، ایسلام امکداش‌لیق تشکیلاتی‌نین قودس قراری‌نین داوامی‌نین گله‌جگینی، فیلیسطینی تانییان اؤلکه سایی‌نین آرتاجاغینی بیلدیریب. قالین، اونسوز دا تورکیه داخیل، بیر چوخ اؤلکه‌نین، بو آنا قدر فیلن اولا‌راق شرقی قودسو فیلیسطین دولتی‌نین پایتختی اولا‌راق تانییار کیمی رفتار ائتدیک‌لرینی وورغولاییب. قالین، "بیزیم اورا‌داکی کونسوللوغوموز بیر سفیرلیک کیمی چالیشیر. بونون رسمی‌لیک قازانماسی اؤنملی. گله‌جکده قورولا‌جاق فیلیسطین دولتی‌نین هم سرحدلرینی معین‌لش‌دیرمک باخیمین‌دان، هم ده گوج‌لو دستک اولما معناسیندا اهمیت داشیییر" قیمتلندیرمه‌سینده اولوب.

ایستار: "آمریکا منطقه‌ده لیدرلیگی تورکیه‌یه وئردی"

آمریکانین قودسو ایسرائیلین پایتختی اعلان ائتمه‌سی‌نین آردین‌دان ایستانبولدا فوق ‌لعاده توپ‌لانان ایسلام امکداش‌لیق تشکیلاتی‌نین ایستانبول‌داکی توپلانتی‌سی‌نین آردین‌دان آلینان قرارلار گئنیش سس گتیرمیشدی. ایستینیه اونیورسیته‌سی ایقتیصادی و اینظیباتی علم‌لر فاکولته‌سی‌نین بین الخالق علاقه‌لر بؤلوم باشقانی پروفسور دوکتور مسعوت حاقی جاشین آلینان قرارلار تاریخی‌دیر، آمریکا، بؤلگه‌ده لیدرلیگی تورکیه‌یه وئریب، اوسته‌لیک ایسلام امکداش‌لیق تشکیلاتی‌ندن چیخان قرارلا بؤلگه‌دکی اؤلوم‌لردن، چیخا‌جاق حادثه‌لردن آمریکا و اونون باشقانی دونالد ترامپ عذره توتولور - دئدی. ایسلام امکداش‌لیق تشکیلاتی‌نین قرارلاری‌نین بیر سیاسی یؤنو داها اولدوغونو بیل‌دیرن جاشین، "بو قرارلار قودسو 400 ایل ایداره ائتمیش تورکیه‌نین لیدرلیگینی ائتدیگی توپلانتی‌دان چیخیب" دئدی.

حریت: "پوتین: سوریه بحرانی‌نین ان بؤیوک آجی‌سینی تورکیه چکدی"

روسیا پرزیدنتی ولادیمیر پوتین، هر ایلین سونوندا کئچیریلن گئنیش مطبوعات کونفرانسیندا اوزون بیر نطق سؤیله‌دی. چیخیشیندا سوریه‌ده 2011دن بری داوام ائدن بحران حاقین‌داکی بیر سوالا جواب وئرن پوتین، "بونون آجی‌سینی ان چوخ چکن تورکیه. چونکی تورکیه، چوخ سایدا سوریه‌‌لی قاچقین‌لاری قبول ائدیر" جوابینی وئردی. پوتین، سوریه‌‌دکی بحرانی حلّی اوچون بین الخالق جمعیتین بیرگه سی گؤسترمه‌سی لازیم اولدوغونو بیلدیریب.

وطن: "صنایعده دؤوریه آرتیمی 4 آیدیر کی، داوام ائدیر"

صنایع دؤوریه اندکسی اوکتوبر آییندا کئچن آیا نیسبتن یوزده 4.1، اوّلکی ایلین عینی آیینا گؤره یوزده 31.7 آرتیم گؤستریب. دیگر طرف‌دن، اندکس آرد-آردا دؤردونجو آی دا آرتمیش اولدو. صنایع‌نین آلت سکتورلاری تدقیق؛ 2017-جی ایلین اوکتوبر آییندا اوّلکی آیا گؤره معدن و داش اوجاقچی‌لیغی سکتورو اندکسی یوزده 5.3 و ائمال صنایع سکتورو اندکسی یوزده 4 آرتدی.



ایلگیلی‌لی خبرلر