تورکیه مطبوعاتی اؤزتی 12.02.2018

آکار، "شهیدلریمیزین و غازی‌لریمیزین تک بیر دامجی قانی بئله یئرده بیراخیلمایاجاق" دئدی

تورکیه مطبوعاتی اؤزتی 12.02.2018

تورکیه مطبوعاتی اؤزتی 12.02.2018

حرّیت: "پروبلم‌لری دانیشدی‌لار"

پرزیدنت سؤزچوسو ایبراهیم قالین، آمریکا میلّی امنیت موشاویری ژنرال مک مستر ایله ایستانبولدا گؤروشوب. گؤروشمه‌ده تورکیه و آمریکانین اوزون موددت‌لی ایستراتژیک طرفداش‌لیق موناسیبت‌لری‌نین تصدیق ائدیلدیگی، ایکی اؤلکه‌نین اؤنجه‌لیک و حیس‌لری‌نین اله آلیندیغی اؤیرنیلدی. گؤروشمه‌ده همچی‌نین، اوّل‌دن بری موتتفیق اولان تورکیه و آمریکا آراسین‌داکی علاقه‌لر، اورتاق ایستراتژیک سیناما‌لار و بؤلگه‌سل پروسه‌لر حاقیندا فیکیر موبادیله‌سی آپاریلدیغی قید اولونوب.

خبر تورک: "باش قرارگاه باشقانی آکاردان عفرین آچیقلاماسی"

باش قرارگاه باشقانی ژنرال حولوصی آکار عفرین آچیقلاماسی گلدی. آکار، "شهیدلریمیزین و غازی‌لریمیزین تک بیر دامجی قانی بئله یئرده بیراخیلمایاجاق" دئدی. هاتایدا زیتون دالی عملیاتی ایله باغلی آراشدیرما و یوخلاما‌لاردا اولان اوردو ژنرالی آکار عملیاتین اساس مقصدی‌نین، سرحد بؤلگه‌سینده و عفرینده باریش، امنیت و ثابیتلیگین تامین اولونماسی، بؤلگه خالقی‌نین ترورچولارین ظلمون‌دن آزاد ائدیلمه‌سی و تورکیه‌ده اولان سوریه‌لی‌لرین ایناملا ائولرینه قاییتما‌لاری‌نین تامین ائدیلمه‌سی اولدوغونو خاطیرلادیب.

وطن: "ائولرین گازی دوز گؤلون‌دن"

دوز گؤلونده طبیعی گاز ساخلاما ایشلری باشلاییب. آکسارای سولطانخانی شهرستانیندا قورولان و 2023 ایلینده تام حجمه چاتا‌جاق تاسیسله تورکیه‌نین منزیل‌لرده بیر ایللیک گاز اوره‌تیمی‌نین تخمینن یوزده 50سینی قارشیلایاجاق 5.4 میلیارد متر مکعب گازین توپ‌لانا‌راق، احتیاج دویولدوقدا ایستیفاده ائدیلمه‌سی مقصدی گودور.

ایستار: "حکومت موژده وئردی: 48 ساعتدا کؤچجگیک"

نقلیات، دنیزچی‌لیک و کومونیکاسیون ناظیری احمد آرسلان، ایستانبول یئنی هاوا لیمانی‌نین یوزده 80ی‌نین تاماملاندیغینی بیلدیریب. آرسلان، هاوا لیمانی‌نین 29 اوکتوبردا ایستیفاده‌یه وئریله‌جگینی دئیه‌رک، "48 ساعتدا کؤچوب، 24 ساعتدا ده اوچوش عملیات‌لارینی بورایا چاتدیراجاغیق" - دئدی

یئنی شفق: "بوزلاق‌لارین کشفیاتچی تورک علم قادینی"

تورک علم قادینی دوکتور بورجو اؤزسوی، آنتارکتیدادا آی اولدوزلو بایراغی دالغالان‌دیران آراشدیرما قروپونون لیدرلیگینی اوزرینه گؤتوره‌رک آپاردیغی ایشلرله هم تورکیه‌نین، هم ده قادین‌لارین غورورو اولدو. "بوزلاق‌لارین کشفیاتچی" کیمی لیدرلیگینی اوزرینه گؤتوردوگو 2-جی میلّی آنتارکتیکا علم سفر قروپوندا، 4و قادین جمعی 27 فاتیلیمچی اولدوغونا دقتی چکن اؤزسوی، بو ایل 10 علم قادینی‌نین قارّه‌‌ده آراشدیرما آپاراجاغینی بیلدیریب.



ایلگیلی‌لی خبرلر