تورکیه مطبوعاتی اؤزتی 21.02.2018

"اردوغان: ایمکان وئرمریک، بدلینی آغیر اؤدرلر"

تورکیه مطبوعاتی اؤزتی 21.02.2018

 

صاباح: "اردوغان: ایمکان وئرمریک، بدلینی آغیر اؤدرلر"

جمهورباشقانی رجب طیب اردوغان، جمهورباشقانلیغی ساراییندا مقدونیه پرزیدنتی جورج ایوانوو ایله گؤروشونون آردین‌دان اورتاق مطبوعات کنفرانسی دوزنله‌دی. عفرینه ایر‌لیله‌مه‌یه چالیشان رژیم طرفداری اولان تروریست قروپلارلا باغلی اولاراق، پرزیدنت اردوغان، "پوتین و روحانی ایله گؤروشلرده بو مسئله‌لرده ذاتاً آنلاشمامیز وار. تأسف کی، بو جور ترور هؤرگوتلرینین بعضا بیلیرسینیز اؤزلرینه گؤره آلدیقلاری قرارلارلا آتدیقلاری سهو آددیملار اولور. بونلارا فورصت وئرمییمیز مومکون دئییل. بونون بدلینی ده چوخ آغیر اؤدرلر" شکلینده دانیشدی.

خبر تورک: "جمهورباشقانلیغی سؤزچوسو قالین: بیر سیرا کیرلی بازارلیقلار وار"

ابراهیم قالین، سوریه‌ده، رژیم ایله بؤلوجو ترور هؤرگوتو پ‌کاکانین بو اؤلکه‌ده‌کی قولو ی.پ.گ/پ.ی.د آراسین‌دا عفرین بؤلگه‌سی قونوسوندا آنلاشما وار ادعالارینا ابراهیم قالیندان یوروم گلدی. قالین، بو خبرلرین تبلیغات مقصدلی اولدوغو آچیق. بیر سیرا گیزلی و کیرلی بازارلیقلار وار. کیم نه ائدیرسه ائتسین عملیات مقصدینه چاتاجاق" دئدی.

وطن: "تورکیه‌نی نومونه گؤتوروروک

کلمبیا پرزیدنتی خوان مانوئل سانتوس، ونزوئلادان اؤلکه‌سینه آخین ائد‌ن قاچقینلارلا باشا چیخماق اوچون تورکیه‌یه بیر قروپ گؤندردیکلرینی سؤیله‌دی. سانتوس، بلو رادیو آدلی یایین اورگانینا وئردیگی رپورتاژیندا اولوسلارآراسی یاردیم آلماغا حاضر اولدوقلارینی بیلدیردی. سانتوس، سیغینماچی آخینییلا باغلی تجروبه‌لری اولمادیغینی، بو سبب‌دن تورکیه کیمی اؤلکه‌لری اؤرنک آلدیقلارینی دئدی.

استار: "آنتالیا اوچون ۱۲ میلیون توریست گؤزلییریک

آغ دنیزین اینجی‌سی آنتالیا،بو ایل ۱۲ میلیون توریست گؤزلییر. آغ دنیز توریستیک هتلچیلر و ایشلتمه‌چیلر بیرلیگی باشقانی ارکان یاغچی، دونیادا سیاحت ائد‌ن اینسان ساییسینین ۲۰۱۷.جی ایلده بیر اولکی ایله نیسبتا تخمیناً یوزده ۷ آرتاراق ۱ میلیارد ۳۲۲ میلیونا چاتدیغینی سؤیله‌دی. یاغچی، "۲۰۱۸.جی ایلده آنتالیا گوج‌لو بیر بازار گؤزلییر، جدی آرتیش گؤزلییریک. ۲۰۱۸-جی ایلده آنتالیادا ۱۲ میلیون توریست رقمینه چاتابیلریک" دئیه دانیشدی.

یئنی شفق: "آغاج ائوه توریست آخینی"

آرتوین آرحاوی‌یه باغلی کمرکؤپرو کندین‌ده یاشایان عثمان کابا، اوشاق‌لیق خیالینی حیاتا گئچیرمک اوچون ۳ ایل اول یاپدیغی آغاج ائوی، توریستلره آچدی. تحمینا ۱۵ مترلیک آغاجین گؤوده‌سین‌ده، یئردن ۸ متر هوندورلوک‌ده اولان، ایچری‌سین‌ده توالت، حامام و ایستی سو اولان، ۷ نفرین یئرلشه‌بیله‌جگی آغاج ائو، ۸ کونج‌لو، رنگ‌لی دامی و ائشسیز منظره‌سی حیرانلیق اویاندیریر.



ایلگیلی‌لی خبرلر