"تورکیه‌ آمریکادان چوخ داها گوونلی بیر اؤلکه"

چاووش‌اوغلو: تورکیه‌ آمریکالیلار دا داخیل ۲۰۱۷ ایلینده ۳۲ میلیون توریست آغیرلادی

"تورکیه‌ آمریکادان چوخ داها گوونلی بیر اؤلکه"

خاریجی ایشلر باخانی مؤولود چاووش‌اوغلو، آمریکانین فتح‌الله‌چی تررور هؤرگوتو (فئتؤ) مسئله‌سین‌ده‌کی توتومونو تنقید ائتدی.

لوس آنجلس شهرین‌ده تورک وطنداشلاری ایله بیر آرایا گلن چاووش‌اوغلو،

"فئتؤ ترور هؤرگوتونون نئجه خاین بیر هؤرگوت اولدوغونو بوتون دونیا آنلادی. اینشاالله، آمریکا دا بونو بیر گون آنلار. تأسف کی، آئریکادان ایستدییمیز دستیی بو گونه قدر گؤرممیشیک. اعاده طلبلریمیز باش توتمادی، هله بیر سوروشدورما آچیلمادی" دئدی.

تورک-آمریکا ایلیشکیلرین‌ده‌کی پروبلئملره ده توخونان چاووش‌اوغلو،

"آمریکا بیزیم ان اؤن‌م‌لی متفیقلریمیزدن بیری‌دیر. بعضی مسئله‌لرده فیکیر آیری‌لیقلاریمیز و موناسیبتلریمیزده ائنیشلر چیخیشلار اولا بیلر، اما بو فئتؤ مسئله‌سی ایله آمریکانین پ.ی.دیه سلاح وئرمه‌سی مسئله‌سینه گؤره ده موناسیبتلریمیزده بیر گرگین‌لیک وار. بونلاری دا دیالوگ یولو ایله حل ائتمه‌یه چالیشیریق" دئدی.

سوریه‌ده‌کی سون گلیشمه‌لره ده توخونان چاووش‌اوغلو،

"سوریه‌ده اؤتن ایللرده داوام‌لی قیرغینلاری دانیشیردیق، اما ۲۰۱۷ده اؤزللیکله آستانا پروسه‌سیله و آتدیغیمیز آددیملارلا بو گون سوریه‌ده شرطلر داها یاخشی. تامامیله یاخشی، یوخ دئییل. سیاسی حل اولمادان و سوریه‌یه ثابت‌لیک گتیرمه‌دن اولماز، اما یاخشی گئدیریک" دئدی.

عراق‌داکی سون وضعیته ده توخونان چاووش‌اوغلو،

"عراقداکی پروبلئمین حلی اوچون ایکی طرف ده بیزدن آراچی‌لیق ایسته‌ییر. بؤلگه‌سل یؤنتیم جدی بیر سهو ائتدی، سهوینی آنلادی، اما عراقین ثابت‌لیگی و سرحد بوتؤولویو بیزیم اوچون آنملی. آیین ۲۱ینده بغدادا گئده‌جه‌یه‌م. اینشاالله تورکیه بو پروبلئمین حلین‌ده ده اؤنملی رول اوینایاجاق" دئیه دانیشدی.

دیگر طرف‌دن، خاریجی ایشلر باخانی مؤولود چاووش‌اوغلو، تورکیه‌نین، آمریکا‌دان داها گوونلی بیر اؤلکه اولدوغونو دئدی.

آمریکانین تورکیه‌یه یؤنه‌لیک سیاحت اویاریسینی "متفیق اؤلکه‌یه یاراشمایان حرکت" کیمی دگرلندیرن چاووش‌اوغلو،

"انرژیمیزی بو مسئله‌لره صرف ائتمه‌مه‌‌میز لازیم‌دیر" دئدی.

چاووش‌اوغلو، آمریکانین ائتدیگی سیاحت اویاریسیندان سونرا تورکیه‌نین ده سیاحت اویاریسی ائتدیگینی خاطیرلاداراق،

"آمریکا گونده‌لیک حادثه‌لر و سالدیریلارا باخدیغیمیز زامان تورکیه‌نین آمریکادان چوخ داها گوونلی بیر اؤلکه اولدوغونو گؤروروک" دئدی.

تورکیه‌نین آمریکالیلار دا داخیل ۲۰۱۷ ایلینده ۳۲ میلیون توریست آغیرلادیغینی و بو توریستلرین هامی‌سینین گووه‌ن ایچین‌ده اؤلکه‌لرینه قاییتدیغینی قید ائد‌ن چاووش‌اوغلو،

"بو ایل ده آمریکادان توریست کیمی گلمک ایسته‌یه‌نلرین ساییسین‌دا جدی آرتیش وار. رزرواسیونلاردان دا گؤروروک. بونو دوردورماق می ایسته‌دیلر، نه ائتمک ایسته‌دیلر آنلامادیق" دئدی.



ایلگیلی‌لی خبرلر