پ‌کاکا/پ.ی.د سوریه‌ده جینسی شدت اویقولاییر

"ترور هؤرگوتو پ‌کاکا/پ.ی.د-ی.پ.گ، بیرلشمیش ملتلرین راپورلارین‌دا دا یئر آلدیغی کیمی، ایشکنجه و جینسل شدت اویقولاییر"

پ‌کاکا/پ.ی.د سوریه‌ده جینسی شدت اویقولاییر

بؤلوجو ترور هؤرگوتو پ‌کاکا/پ.ی.د-ی.پ.گ‌نین سوریه‌ده ایشکنجه و جینسی شدته ال آتدیغی بیلدیریلدی.

تورکیه‌نین بیرلشمیش میلتلر دائمی نماینده‌لیگی ایش‌گودری(کارداری) گوون بئگئچ، بیرلشمیش میلتلر گوونلیک شوراسیندا، چاتیشمالاردا جینسی شدت اولایلارینین دانیشیلدیغی اوتورومدا دانیشدی.

بئگئچ، سوریه‌ده، هم رژیم هم ده داعش و پ‌کاکا/پ.ی.د-ی.پ.گ کیمی ترور هؤرگوتلرینین تؤرتدیگی، بیرلشمیش ملتلر راپورلارینا دا داخیل اولان قورخونج جینسی زوراکی‌لیق حادثه‌لرینه دیقت چئکدی.

بیرلشمیش ملتلر اولوسلارآراسی باغیمسیز سوریه آراشدیرما کمیسیونو گئچن آی یاییملانان راپورونون، ترور هؤرگوتو بؤلوجو پ.ی.د/پ‌کاکانین آلتیندا گیزلندیگی سوریه دموکراتیک گوجلرینین رقه‌ده ساخلادیغی کیشیلره شدت تطبیق ائتدیگی، جینسی اورگانلارینی یاندیردیغی و یا یاندیرماقلا تهدید ائتدیگینی اورتایا قویدوغونو خاطیرلادان بئگئچ،

"ترور هؤرگوتو پ‌کاکا/پ.ی.د-ی.پ.گ، بیرلشمیش ملتلرین راپورلارین‌دا دا یئر آلدیغی کیمی، ایشکنجه و جینسل شدت اویقولاییر" دئیه دانیشدی.

بیرلشمیش ملتلر باش کاتیبی آنتونیو گوترشین بیرلشمیش ملتلر گوونلیک شوراسینا سوندوغو، چاتیشمالاردا جینسی شدت حادثه‌لرینی اورتایا قویان راپورونا توخونان بئگئچ، میانمار اوردوسونون آراکاندا روهینگیا مسلمانلارینا تطبیق ائتدیگی شدت حادثه‌لرینین ده سون درجه "راحاتسیز ائدیجی" اولدوغونو وورغولادی.

بئگئچ، دونیانین میانمار حکومتین‌دن آراکان‌لی سیغینماچیلارین تهلوکه‌سیز بیر شکیل‌ده کندلرینه قاییتماسینی تامین ائتمه‌سینی، انسانی یاردیما ایجازه وئرمه‌سینی، جینسی زوراکی‌لیق داخیل بوتون شدت حادثه‌لرینه سون وئرمه‌سینی و بو "قیسیر دؤنگونو" سونلاندیرماسینی گؤزلدیگینی سؤزلرینه علاوه ائتدی.



ایلگیلی‌لی خبرلر