ینس استولتنبرگ ت.ر.ت-یه موصاحیبه وئردی

ناتونون باش کاتیبی ینس استولتنبرگ تورکیه‌نین تهلوکه‌سیزلیگی ایله باغلی قانونی ناراحات‌لیق‌لارینی نظره آلا‌راق فعالیته کئشمه‌سی‌نین نورمال اولدوغونو بیلدیردی.

ینس استولتنبرگ ت.ر.ت-یه موصاحیبه وئردی

ناتونون باش کاتیبی ینس استولتنبرگ تورکیه‌نین تهلوکه‌سیزلیگی ایله باغلی قانونی ناراحات‌لیق‌لارینی نظره آلا‌راق فعالیته کئشمه‌سی‌نین نورمال اولدوغونو بیلدیردی.

ناتونون باش کاتیبی ینس استولتنبرگ تورکیه رادیو تلویزیون قورومونون (ت.ر.ت)  قوناغی اولدو.

آنکارادا گؤروش‌لر کئچیرن باش کاتیب "ت.ر.ت خاریجی خبرلر" دپارتامنتی‌نین مودیری احمد گؤرمزین سوال‌لارینی جاوابلاندیردی.

تورکیه‌نین سوریه-نین عفرین بؤلگه‌سینده ترور تشکیلاتی پ.کا.کا/پ.ی.د-ی.پ.گ و داعش ترویستلره قارشی آپاردیغی موباریزه حاقیندا فیکیر یورودن استولتنبرگ: "سوریه و عراق اراضی‌سینده فعال اولان قروپ‌لار وار و تورکیه بیر سیرا ترور هوجومونا معروض قالیب. بیز سوریه-ده کی بؤلگه‌لری تورکیه ایله دانیشیق‌لار آپارماغا چاغیریریق. سوریه-نین قوزیینده کی وضعیت اولدوقجا مورکب و پروبلئم‌لی‌دیر" دئدی.

استولتنبرگ سوریه-نین قوزیی ایله باغلی آنکارا-واشینگتن دیالوقونا دا دقت چکه‌رک: "ناتو متفیقی اولان تورکیه‌نین داعش-ین هوجوملاریندان‌ جدی شکیلده اذیت چکدیگینی بیلیریک. تورکیه میلیون‌لارلا قاچقینا سیغینا‌جاق وئریب. بو دا طبیعی کی، تورکیه‌نین تهلوکه‌سیزلیگی ایله باغلی ناراحات‌لیق‌لاری‌نین آرتماسی‌نین سببی‌دیر" دئدی.

امریکا، فرانسا و اینگیلتره‌نین شنبه گونو سحر سوریه-یه قارشی کئچیردیگی عملیات‌دان دا دانیشان استولتنبرگ بشار اسد رژیمینه قارشی اولان عملیات باره‌سینده : "بو هوجوم سوریه-نین شیمیایی سلاح گوجونو تامامیله آرا‌دان قالدیرمادی. لاکین بو عملیاتین کئچیریلمه‌سی واجیب ایدی. چونکی بونونلا سوریه-نین شیمیایی گوجو آزالیر و عینی زاماندا، چوخ موهوم و گوج‌لو بیر مئساژ وئریلمیش اولور" ایفاده‌سینی ایشلتدی.

استولتنبرگ سوریه بحرانی‌نین حربی موداخیله‌لرله دئییل، سیاسی راضیلاشما ایله حل ائدیله بیلجگینه ایناندیق‌لارینی قئید ائتدی.



ایلگیلی‌لی خبرلر