تورکیه میللی ساوونما باخانی، ژنرال جوزف دانفورد ایله گؤروشدو

آکار "Halifax" اولان اولوسلار آراسی امنیت فورومونا قاتیلماق اوچون گئتدیغی کانادانین Halifax شهرینده ایکی‌لی گؤروشمه'لر گرچکلشدیردی

تورکیه میللی ساوونما باخانی، ژنرال جوزف دانفورد ایله گؤروشدو

تورکیه میللی ساوونما باخانی حولوصی آکار، آمریکا گنل قورمای باشقانی ژنرال جوزف دانفورد ایله گؤروشدو.

آکار "Halifax" اولان اولوسلار آراسی امنیت فورومونا قاتیلماق اوچون گئتدیغی کانادانین Halifax شهرینده ایکی‌لی گؤروشمه'لر گرچکلشدیردی.

ایلک اولا‌راق کانادا ساوونما ناظیری هارگیت سینگ ساجان ایله بیر آرایا گلن ناظیر آکار، سونرا آمریکا باش قرارگاه باشقانی ژنرا‌لی دانفوردو قبول ائدیب.

آکار، مطبوعاتا قاپا‌لی کئچیریلن و تخمینن بیر ساعت داوام ائدن گؤروشمه'نین آردیندان ائتدیغی قیمتلندیرمه‌ده، صمیمی شرطلرده کئچن گؤروشمه'ده قارشی‌لیق‌لی فیکیر، معلومات موبادیله‌سی آپاردیق‌لارینی بیلدیریب.

ناظیر آکار،

" بؤلوجو ترور تشکیلاتی پ.ک.ک-دان هئچ بیر فرقی اولمایان ترورچو ی.پ.گ-نین بورا‌داکی موجودلوغونون و خصوصیله ده آمریکا‌لی عسگرلرله بیرلیکده اوتوروب چکمه‌لری‌نین، امکداش‌لیق ائتمه‌لری‌نین اویغون اولمادیغینی، بونون بیزی سون درجه ناراحات ائتدیگینی و بو علاقه‌لرین بیر آن اوّل کسیلمه‌سی مقامینی اؤزلرینه تکرارن دیله گتیردیک." دئدی.

"بو قبول ائدیلمز منظره‌لرین تکرارلانماماسی موضوعسون‌داکی خبردارلیق‌لاریمیزی گؤرمکله اونلاردان گؤزلنتی‌لریمیزی اورتایا قویدوق." ایفاده‌لرینی ایستیفاده ائدن حولوصی آکار،

" تروریست ی.پ.گ-یه یوک ماشینی‌لارلا، تشکیل و اوچاقلارلا سیلاح و مهماتین وئریلمه‌سی‌نین ده اتفاق، موتتفیق‌لیک آنلاییشینا اویغون اولمادیغینا، اولمایاجاغینا، بونون بیزلر طرفین‌دن قبول ائدیلمه‌سی‌نین ده مومکون گؤرولمدیگی دقت‌لرینی چکدیک. خبردارلیق‌لاریمیزی ائتدیک و آمریکا‌لی موتتفیق‌لریمیزین بو مسئله‌ده لازیم اولان تدبیرلری آلماسینی و بیر آن اوّل ترورچو پ.ک.ک-دان هئچ بیر فرقی اولمایان ی.پ.گ ایله اولان علاقه‌لرینی کسمه‌سینی گؤزلدیگیمیزی ده دیله گتیردیک." دئدی.

آکار، گلن طلب اوزرینه، بیر گون اوّل ده ساوونما کومیته‌سی عضو‌لری‌نین ده اولدوغو آمریکالی بعضی سناتورلارلا بیر آرایا گلدیگینی خاطیرلادا‌راق، سؤز قونوسو توپلانتیدا تورکیه و آمریکا آراسین‌داکی بعضی مسئله‌لری گؤروشدوک‌لرینی بیلدیردی.

میللی ساوونما ناظیری آکار، دانیشیق‌لاری چرچیوه‌سینده کوسووو امنیت گوج‌لری ناظیری روستم بریشا و مولدووا ساوونما ناظیری ایله ده آیری-آیری‌ بیر آرایا گلدی.



ایلگیلی‌لی خبرلر