یورو لیگده یاریم فینالچی‌لار بللی اولدو

فوتبول عذره آوروپا لیگینده 1/4 فینال مرحله‌سی باشا چاتیب.

یورو لیگده یاریم فینالچی‌لار بللی اولدو

فوتبول عذره آوروپا لیگینده 1/4 فینال مرحله‌سی باشا چاتیب.  

دونن گئجه باش توتان جاواب اویونلاریندان‌ سونرا قاره نین نفوذونا گؤره ایکینجی درجه‌لی کلوب موسابیقه لرینده موباریزنی داوام ائتدیرن 4 تیمین آدینا آیدین‌لیق گلیب.

ایلک گؤروشده دوغما میداندا زسکا مسکونی بؤیوک حسابلا (4:1) مغلوب ائدن "آرسنال" مسکوا بو حسابین وئردیگی آرخایین‌لیقلا یوللانمیشدی. آرسئن ونگرین یئتیرمه‌لری روسیا پایتاختیندا "حربچی‌لر"ه سون ضربنی وورماغی و یاریم فینالا وثیقه قازانماغی هدفلمیشدی. دؤنوش ائتمه‌یه چالیشان روس‌لار بو گؤروشده ایکی جاواب‌سیز گل ایله اؤنده اولسا‌لار دا، بون‌دان آرتیغینا گوج‌لری چاتماییب. قالان دقیقه‌لرده بوراخیلان گل لارین عوضینی چیخان لندن کلوبو بو دفعه هئچ-هئچه‌یه نایل اولوب و نوبتی مرحله‌یه وثیقه‌نی تامین ائدیب.

مرحله‌نین ان ماراق‌لی گؤروش‌لرین‌دن بیری ده فرانسادا باش توتوب. "مارسل المپیک"ی دوغما میداندا "لایپزیک"دن ایلک موسابیقه لرده کی مینیموم حساب‌لی مغلوبیتین عوضینی چیخماغا چالیشیب. 7 گل ون قئیده آلیندیغی قارشیلاشما محض فرانسیزلارین اینام‌لی قلبسیله باشا چاتیب.

"آتلتیکو" ایسه "اسپورتینگ"ین قوناغی اولوب. ایلک گؤروشده 2:0 حسابی ایله قالیب آیریلان "آتلتیکو" لار لیسبونا اوستون یوللانمیشدی. پرتغال تمثیلچی‌سی دوغما میداندا مینیموم حسابلا اوستون اولوب. لاکین بو قلبه مادرید کلوبونو موباریزه‌دن کنارلاش‌دیرماق اوچون یئترلی اولماییب.

"لاتزیو" سفرده "زالسبورگ"لا قارشیلاشیب. روما تمثیلچی‌سی ایلک موسابیقه ده 4:2 حسابی ایله قالیب گلیب. لاکین ائوده بوراخیلمیش 2 گل اطریش ده اینزاقی‌نین یئتیرمه‌لرینه پروبلئم یارادا بیلردی. بئله ده اولوب. دوغما میداندا 4:1 حسابی ایله قالیب گلن اطریش تمثیلچی‌سی محتشم عزمکارلیقلا یاریم فینالا یوکسلیب.

آوروپا لیگی

1/4 فینالین جاواب اویون‌لاری

12 آوریل

"زالتسبورگ" (اطریش) – "لاتزیو" (ایتالیا) 1:4

ایلک اویون – 4:2

"اسپورتینگ"(پرتغال) – "آتلتیکو" (ایسپانیا) 0:1

ایلک اویون – 2:0

زسکا مسکو (روسیا) – "آرسنال" (اینگیلتره) 2:2

ایلک اویون – 4:1

"المپیک" (مارسل، فرانسا) – "لایپزیک" (آلمانیا) 2:5

ایلک اویون – 1:0



ایلگیلی‌لی خبرلر