ت.ر.ت رایو


قیسغاچا تاریحی

تـﯚرکیه دأکی رادیو یایلیمچیلیغی دونیأدأکیلر بیلن تاس دنگ باشلاندیر. دونیأدأکی ایلکینجی رادیو سیناغلاری ۱۹۲۰-نجی ییللارینگ باشیندا باشلانیر. قاراشسیزلیق اوروشوندا أﯚستون چیقان تـﯚرکیه، معاصیرمدنیت (دووره باپ سیویلیزیاسیا) درجهسینه یتمک اﯚچین بیلهکی اوغورلاردا بولشی یالی آراغاتناشیق پوداغیندا هم اولی تقلا گیریشدی.

ایلکینجی رسمی رادیو یایلیمی و TTAŞ دؤوری

بو اوغورداقی ایلکینجی چینلاقای تاغاللا ۱۹۲۵-نجی ییلدا باشلادی. قابول ادیلن قانون بیلن آنکاراداقی ایستاسیونی آرقالی یورت درجه سینده بی سیم ایستاسیون چکیلمهگی گؤز اؤنگـﯚنده توتولیاردی. ۱۹۲۶-نجی ییلدا آنکارادا و ایستامبولدا آراغاتناشیق ماقصادی بیلن گؤرﯚلن دسگا‌لارا دگیشلی قوشماچا‌لار ادیلیپ، اولار رادیو یایلیملاری اﯚچین هم پیدالانیلیپ بیلینجک یاغدایا گتیریلدی. هر بیرینینگ گویجی ۵ KW بولان بو ایستانسییا‌لار، آوروپا رادیو یایلیم پوچتالارینینگ اینگ گـﯚیچلیلرینینگ حاتاریندادی. شول رادیولارینگ دولانشیغی اﯚچین دؤردیلهن تـﯚرک راسسییا تلفون آنونیم فیرماسی ایلکی استامبولدا، سونگ بولسا آنکارادا ایلکینجی یایلیم ایستودیالارینی آچدی.

ایلکینجی رسمی رادیو یایلیمی ۱۹۲۷-نجی ییلینگ ۶-نجی ماییندا استامبولینگ سیرکهجی اترابینداقی اولی پوچتانینگ ایستودییا اؤورﯚلن یوقارقی قاتیندا عامالا آشیریلدی. ایستامبول و اوندان بیر ییل سونگ آچیلان آنکارا رادیولارینینگ ۱۹۲۸-نجی ییلدا گچیریلهن ایلکینجی ایلات یوزاوونا گورأ ایلاتی ۱۳ میلیون تووره گی بولان تـﯚرکیه ده ۲ مونگ تووره گی آلیجی بیلن سسینی یـِتیرمأگه تاقاللا ادهندیگی بیلینیأر.

دولت رادیوچیلیغی دﯚوری

۱۹۳۶- نجی ییلدا تـﯚرک رادیو تاریحیندا تأزه دؤور باشلادی. رادیولارینگ دولانشیغی، دﯚنیأنینگ غورشاپ آلان اقتصادی بحرانیندان (قیسساغیندان) زیان چکن تـﯚرک راسسییا تلفون آنونیم فیرماسیندان آلینیپ پوچتا تلفون تلگراف قوراماسینا بریلدی. سونگ ۱۹۴۰-نجی ییلینگ ۲۲-نجی ماییندا مطبوغات بویونچا عمومی مؤدیرلیگی، شول مؤدیرلیگینگ ۱۹۴۳-نجی ییلینگ - ۲۶نجی جولاییندا مطبوغات یایلیم و توریزم باش مؤدیرلیگینه اؤورﯚلمهگی بیلن شول قوراما دگیشلی ادیلدی. شیلهلیک بیلن تـﯚرکیه رادیو و تلویزیون قوراماسی دؤردیلیأنچأ دؤوام ادن دولت رادیوچیلیغی دؤوری باشلادی.

شوندان سونگقی ییللاردا، دﯚنیأ تاریحی وتـﯚرکیه تایدان مؤهیم جمغیتچیلیق و سیاسی واقالار باشدان گچیریلدی: ۲-نجی جهان اورشی، آوروپا بیرلیگینینگ و ناتونینگ دؤردیلمگی، کوریا اورشی، جمهوریتینگ ایغلان ادیلمگیندن سونگ سیاسی حأکیمیتینگ تـﯚرکیه ده ایلکینجی گزهک چالیشماغی…

بو واقالار باشدان گچیریلیأرکأ، رادیوچیلیقدا بیر اﯚوریلشیک نقطاسینا شایاتلیک ادیلیأر: دﯚنیأده ترانزیستورلی رادیو آلیجیلاری اؤندوریلمأگه و چالتلیک بیلن یایبانگلاشماغا باشلایار.

بیلهکی تاراپدان ۱۹۳۸-نجی ییلدا یایلیمینا آراکسمه برن ایستامبول رادیوسی، ۱۹۴۹-نجی ییلدا یانگا‌دان‌دان یایلیمینا باشلان بولسا، شول ییل ایزمیرده شهر حأکیملیگی تاراپیندان آچیلان رادیو یایلیما باشلایار. ۱۹۶۱-نجی ییلدا ایستامبول، آنکارا و ایزمیر رادیولاری بیلن بیرلیکده آدانا، آنتالیا، غازی آنتپ، قارص و وان ولایتلاریندا ولایت رادیولاری آچیلیار. ۱۹۶۳-نجی ییلدا بولسا تـﯚرکیهدأکی رادیولار و واغتلایینچا توریزم و تانادیش مینیسترلیگینه دگیش‌لی ادیلیأر.

و"ت.ر.ت" دوردیلیأر…..

تکنیکی امکانلارین تأزهلنمهگی، رادیو ایستاسیونلارینگ اﯚیتگدیپ قورالماغی، سبیتلهیین (منطقه ای) رادیولارینگ آچیلماغی و گپلشیکلرینگ مرکزی اولغام تاراپین‌دان مییللشدیریلمهگی یالی واقالار بیلن، سونگقی ییللار تـﯚرکیه ده رادیو یایلیمچیلیغینینگ آلتین ییللاری بولدی.

۲۴ ساغت یایلیم

۱۹۸۰-نجی ییلدا ادیلن اﯚیتگتمه بیلن رادیو دپارتامندی آچیلدی ۱۹۸۷-نجی ییلینگ ۱۸-نجی اوکتیابریندا رادیو-۴ کانالینینگ آچیلماغی بیلن بیلهکی ۳ رادیونینگ آدی رادیو-۱، رادیو-۲ و رادیو-۳ حؤکمـﯚنده اﯚیتگدیلدی.

رادیو-۱ بیلیم، رادیو-۲ مدنیت، رادیو-۳ گونباتار سازی، رادیو-۴ بولسا تـﯚرک آیدیم ساز کاناللاری حوکمـﯚنده حیذمات اتمأگه باشلادی. شوندان اؤنگ، ۱۹۷۸-نجی ییلینگ ۱۴-نجی آپریلینده ت.ر.ت-۳ اف.ام تولقونلاریندان یایلیم برمأگه باشلایار، ۱۹۸۴-نجی ییلینگ ۱-نجی اوکتیابریندا هم ت.ر.ت رادیولاریندا استریو یایلیم‌لار اﯚچین تاغاللا باشلادیلدی. ۱۹۹۰-نجی ییلدان سونگ تـﯚرکیه ده حصوصی رادیو کاناللارینینگ یایلیم برمأگه باشلاماغی بیلن، ت.ر.ت قوراماسی هم پوپولار ساز یایلیمی اﯚچین ت.ر.ت- اف.ام( رادیو-۴) میللی رادیو کانالینی ۱۹۹۳-نجی ییلینگ ۱۲-نجی ماییندا آچدی. ۱۹۹۳-نجی ییلینگ ۱۳-نجی سنتیابریندا “رادیو حابار”آدی بیلن یایلیم برمأگه باشلان رادیو-۲، ۱۹۹۷-نجی ییلینگ ۱-نجی نویابریندا یایلیمینی یاپیلدی.

ت.ر.ت اف. ام(رادیو-۲) دؤردیلیأر...

۱۹۹۸- نجی ییلدا قورامانینگ چأگینده باشلادیلان “اﯚیتگدیپ قورما” ایشلرینه پارالللیکده ۲۰۰۱-نجی ییلدا ت.ر.ت-نینگ رادیولارینینگ هم اؤزباشداق میلناماسی تایارلانیلدی. بو ماقصات بیلن رادیو-۱-ده بیلیم، مدنیت، حابار؛ رادیو-۲-ده (ت.ر.ت اف.ام) استرادا آیدیم-سازلاری، رادیو-۳-ده گون باتار سازی، رادیو-۴-اینگ یایلیملاریندا بولسا تـﯚرک سازینا گینگیشلیین یر بریلمه گی دوغورسیندا اﯚیگتمأ گیریزیلدی. ت.ر.ت، ۲۴ ساغت ایزگیدر‌لی گؤنی یایلیم بریأن میللی رادیو کانالی بولماق آیراتینلیغینی اؤزونده جمله یأر.

سبیتلیین (منطقه ای) یایلیم‌لار گـﯚیچلنیأر…

رادیو-۱، رادیو-۲ (ت.ر.ت ف.م)، رادیو-۳ و رادیو-۴ میللی کانال‌لار بولوپ، تولقون مودولیاسییالی بریجیلردن یوردونگ چار تاراپینا یتیریلیأن بولسا، آنتالیا، چوقور اووا، گاپ، دیارباکیر، ارزوروم و ترابزون رادیولاری بولسا اؤز سبیتینینگ دینگلیجیسینینگ ایسلگینه لاییقلیقدا سبیتلیین یایلیم‌لار بیلن اولی جوغاپکأرچی‌لیگی اؤز اوستونه آلیار. یوردونگ چار تاراپینا یایلیم برمک جوغاپکأرچیلیگینه ایه بولان ت.ر.ت-نینگ رادیولاری همرا و اینترنت آرقالی بریلیأن یایلیملارینگ نتیجه سینده، دونیأنینگ دورلی کـﯚنجکلریندأکی رعیتلارینا وقؤومداشلاریناهم هـﯚدورلنیأر. ۴ سانی میللی و ۵ سانی سبیتلیین رادیو کانالی بیلن تجریبه لی کادرلاری، آیدیم-ساز توپارلاری، چاغا‌لار و یاش‌لار کلوبی، بای آرشیوی، کومپیوتر تکنولوژیاسینا اساسلانیان یایلیملاری، دؤوره باپ استودیا تکنولوژیاسی، بریجی گویجی و دؤوره باپ یایلیمچیلیک قادالارینا لاییق گلیأن یایلیملاری بیلن یوردونگ گؤزی، قولاغی، سسی بولماق دوغورسیندا تاقاللا ادیأر.

ت.ر.ت-نینگ رادیولاری، میللی و سبیتلیین یایلیم‌لاردا لیدردیر.

قورامامیز بیلن یونیورسیتتلرینینگ حیذماتداشلیق اتمگینده ۲۰۰۸-نجی ییلدا گچیریلن “تـﯚرکیه دأکی رادیو یایلیملاری بارلاغینا” گورأ رادیو-۲ (ت.ر.ت اف.ام) تـﯚرکیه ده اینگ کوپ دینگلنیأن رادیو کانالیدیر. رادیو-۱ هم کؤپ دینگلنیأن بأش رادیو کانالیندان بیری‌دیر.

سبیتلیین رادیولار

ت.رت تـﯚرکیه رادیولاری، شو گونکی گؤنده، بأش سانی سبیتلیین کانال‌دان یوردونگ دؤرت تاراپیندا یایلیم بریار. آنتالیا، چوقورووا، ارزوروم، گاپ، دیارباکیر و ترابزون سبیتلیین رادیولاری، یایلیم گینگیشلیگینه دگیشلی سبیتینگ سوسیال-ایقتیصادی و مدنی قیمماتلیقلاری بیلن ایسلهکلره لاییقلیقدا دینگلهیجیلرینگ قاتناشماغیندا آیدیم-سازلی یایلیم‌لار بریأن و سبیت بیلن باغلانشیقلی حابارلاری حالقا یتیریأر.

آنتالیا سبیت رادیوسی

۱۹۶۲- نجی ییلینگ ۲۷-نجی اییونیندا ۲ کیلووات بیلن ولایت رادیوسی، ۱۹۶۷-نجی ییلینگ ۷-نجی ماییندا بولسا ۱۰۰ کیلوواتلیک بریجی بیلن سبیت رادیوسی آچیلدی. ۱۹۷۵-نی ییلینگ ۱-نجی یانواریندا رادیو-۱ میللی اولغامینا بیرلشدیریلدی. ۱۹۹۳-نی ییلینگ ۱-نجی یانواریندان باشلاپ سبیتلیین یایلیم بریلمأگه باشلاندی. ۲۰۰۱-نجی ییلینگ ۲۹-نجی یانواریندان بأری ساغت ۰۶:۰۰-۱۸:۰۰ آراسیندا دولیلیغینا سبیتلیین و گؤنی یایلیم، ۱۸:۰۰-۰۶:۰۰ آراسیندا بولسا رادیو۰-۴ بیلن بیلهلیکده یایلیم بریلیأندیر.

۲۰۰۴- نجی ییلین دکابریندا گچیریلن آنتالیا سبیت رادیوسینینگ بارلاغینینگ نتیجهسینه گؤرأ %۱۳،۵-لیک دینگلنمه مقداری بیلن سبیتینگ اینگ کؤپ دینگلنیأن رادیو کاناللارینینگ آراسیندا ۴-نجی یرده‌دیر.

چوقور اووا سبیت رادیوسی

۲۰۰۶-نجی ییلینگ اوکتیابریندا گچیریلن چوقور اووا سبیتینینگ رادیو یایلیم‌لار بارلاغینینگ نتیجسینه گؤرأ چوقور اووا رادیوسینینگ دینلنمه مقداری ۴،۴۴ دیر.

ارزوروم سبیت رادیوسی

۱۹۶۰- نجی ییلینگ ۱۵-نی دکابریندا ۱ kو بیلن ولایت رادیوسی، ۱۹۶۷-نجی ییلینگ ۷-نجی مایین‌دان باشلاپ ۱۰۰ kو-لیک بریجی بیلن سبیت رادیوسی بولدی ۱۹۷۵-نجی ییلینگ ۱-نجی یانواریندا رادیو-۱ میللی اولغامینا بیرلشدیریلدی. ۱۹۹۰-نجی ییلینگ ۱-نجی یانواریندا سبیتلیین یایلیملا باشلادی. ۲۰۰۱-نجی ییلینگ ۲۹-نجی یانواریندان بأری ساغت ۰۶:۰۰-۱۸:۰۰ آراسیندا دولیلیغینا سبیتلیین و گؤنی یایلیم، ۱۸:۰۰-۰۶:۰۰ آراسیندا بولسا رادیو-۴ بیلن بیلهلیکده یایلیم بریلیأندیر.

۲۰۰۴-نجی ییلینگ دکاباریندا گچیریلن ارزوروم سبیت رادیوسی یایلیم بارلاغینینگ نتیجه سینه گؤرأ ارزوروم رادیوسی %۸،۵- لیک دینگلنمه مقداری بیلن سبیتده یایلیم بریأن ۵۱ رادیو کانالینینگ آراسیندا ۳-نجی بولاندیر.

گاپ دیارباکیر رادیوسی

۱۹۶۴- نجی ییلدا ۲ کیلووات گــﯚیجونه ایه بریجی بیلن دییارباکیر ولایت رادیوسی، ۱۹۶۸-نی ییلینگ ۸-نجی نویابریندا ۳۰۰ کیلووات بیلن سبیت رادیوسی بولدی؛ ۱۹۷۵-نجی ییلینگ ۱-نجی یانواریندا رادیو-۱ میللی اولغامینا بیرلشدیریلدی. ۱۹۸۹-نجی ییلینگ ۲-نجی اوکتیابریندا سبیتلیین یایلیم برمأگه باشلادی. ۱۹۹۱-نجی ییلینگ ۱۵-نجی آپرلینده گاپ رادیوسی آچیلدی. ۱۹۹۷-نجی ییلینگ ۱-نجی یانواریندان بأری یایلیملارینی گاپ-دیارباکیر رادیوسی آدی آستیندا دؤوام اتدیریأر. ۲۰۰۱-نی ییلینگ ۲۹-نجی یانواریندان بأری ۰۶:۰۰-۱۸:۰۰ آراسیندا دولیلیغینا سبیتلیین و گؤنی یایلیم، ۱۸:۰۰-۰۶:۰۰ آراسیندا بولسا رادی۰-۴ بیلن بیلهلیکده یایلیم بریلیأن‌دیر.

۲۰۰۵ - نجی ییلینگ مارتیندا گاپ-دییارباکیر سبیت رادیوسینینگ یایلیم گینگیشلیگینه دگیشلی بولان دیارباکیر، شانلی اورفا، الازیغ، مالاتیا، ماردین، غازی آنتپ ولایتلاری بیلن شول ولایتلارا دگیشلی اتراپدیر شهرچهلرده گچیریلن بارلاغا گورأ گاپ-دیارباکیر رادیوسی %۱۳،۱۴ دینگلنمه مقدارینا ایه‌دیر.

ترابزون سبیت (منطقه ای) رادیوسی

۱۹۶۸-نجی ییلینگ ۱-نجی دکابریندا ایکی کیلووات بیلن ولایت رادیوسی، ۱۹۷۸-نجی ییلینگ ۱-نجی دکابریندا بولسا ۳۰۰کیلووات لیک بریجی بیلن سبیت رادیوسی بولدی. ۱۹۹۲-نجی ییلینگ ۶-نجی یانواریندا سبیتلیین (منطقه ای) یایلیما باشلادی. ۲۰۰۱- نجی ییلینگ ۲۹-نجی یانواریندا رادیو-۱ میللی اولغامینا بیرلشدیریلدی. ۲۰۰۱-نجی ییلینگ ۲۹-نجی یانواریندان بأری ساغت ۰۶:۰۰-۱۸:۰۰ آراسیندا دولیلیغینا سبیتلیین وگؤ۫نی یایلیم، ۱۸:۰۰-۰۶:۰۰ آراسیندا بولسا رادیو-۴ بیلن بیلهلیکده یایلیم بریلیان‌دیر. قارادنگیز تکنیکی یونیورسیته تی بیلن ت.ر.ت-نینگ حیذماتداشلیغیندا ۲۰۰۵-نجی ییلینگ ماییندا گچیریلن سونگقی بارلاغا گؤرأ ترابزون سبیت رادیوسی %۱۳ دینگلنمه مقدارینا ایه‌دیر.