فوتبال: اوروپا لیگلرینده اولی بأسله‌شیکلر

اوروپا لیگلرینده اولی یاریشلار بار

فوتبال: اوروپا لیگلرینده اولی بأسله‌شیکلر

اوروپا لیگلری بو هپده اولی بأسله‌شیکلر بیلن باشلایار.

ایتالیادا یوونتوس اینترمیلان بیلن، انگلستان دا چلسی منچستر سیتی بیلن، آلمانیادا شالکه ۰۴ بورسیا دورتموند بیلن یاریشار.

سری A نینگ باشینی چکیأن یوونتوس شو گیجه اؤز اؤیۆنده، اینترمیلان بیلن بأسله شر.

۱۴ بأسله شیگیندن دینگه بیرینده چال نتیجه سینی آلان و بیله کی یاریشلاریندا بأسده‌شلرینی ینگن یوونتوس ۳-نجی اۇرونی ایه له یأن میلان بیلن یاریشار. ایکی تۇپارینگ آراسیندا ۱۱ بال آرا بار.

پرمیر لیگ ده بۇلسا ارتیر چلسی منچستر سیتی بیلن یاریشار.

لیگده ایلکینجی هپده لرده قۇوی نتیجه لر آلان مائوریتسیو ساری نینگ فوتبالچیلاری سۇنگقی ۳ بأسله شیکده ۲ گِزک ینگیلدی.

منچسترسیتی بۇلسا هیچ ینگیلمأن لیگده بیرینجی اۇرونی ایه له یأر.

۱۵ بأسله شیکدن ۱۳- ینده ینگیش قازانان و ۲ گِزِک چال نتیجه سینی آلان پپ گواردیولا نینگ فوتبالچیلاری ۴۱ بال بیلن انگلستان ینگ لیگینده بیرینجی یرده دوریارلار.

۳۱ بالا ایه بۇلان چلسی بۇلسا دؤردۆنجی یرده.

استمفوردبریج ده اۇینالجاق بأسله شیک تۆرکیأنینگ واغتی بیلن ۲۰-۳۰ دا باشلار.

آلمانیادا روررر دربیسی دییلن یاریش دا فوتبال سؤیرلرینگ اۆنسۆنی چکیأر.

آلمان لیگینده بیرینجی یرده دوران بروسیا دورتموند ارتیر شالکه ۰۴ بیلن یاریشار.

۱۳ بأسله شیکدن ۱۰-ینی قازانان ساری قارا کؤینکلی تۇپاری هنیز هیچ بیر تۇپار ینگیپ بیلمه دی.

شالکه ۰۴ بۇلسا بو ییل قۇوی باشلانغیچ اتمه دی و شو واغت ۱۲- نجی یرده دوریار.

شاله نینگ ۳۳ بالی بار. بورسیا دورتموند بۇلسا شالکه ۰۴ –دن ۱۹ بال یۇقاردا و بیرینجی تۇپار.



دِگیشلی حابارلار