أردۇغان: آمریکانینگ وکیلچیلیکلرینده جاسوسلار بار

تۆرکیأنینگ جمهورباشلیغی، روسیا بیلن اس- ۵۰۰ باراسیندا گۆررۆنگ ادیلندیگینی حابار بردی

أردۇغان: آمریکانینگ وکیلچیلیکلرینده جاسوسلار بار

تۆرکیأنینگ جمهورباشلیغی رجب طیب أردۇغان آمریکانینگ تۆرکیه دأکی نأچه کنسوللیغیندا جاسوسلارینگ باردیغینی نیغتادی.

أردۇغان،

"کنسوللیقلارینگ ایچرسینده فت الله چی ترور قوراماسی (فتؤ) نینگ جاسوسلاری بار. بولار دیپلمات دأل، بولار جاسوس" دیدی.

"شونگا منگزش جاسوسلار آمریکادا دا بار. اۇل جاسوسلار کنگره بیلن یاقین قاتناشیغینگ ایچرسینده. بولارینگ هممه سی حاقیقات حؤکمۆنده بِللی. بیر ده فتؤنینگ باش جاسوسی پنسیلوانیادا" دیه ن تۆرکیأنینگ جمهورباشلیغی، صربیستان دا قایدیشیندا گۆن ترتیبی نینگ ایلری توتولیان اوغورلاری باراسیندا بیانات بردی.

أردۇغان، ۲ گۆنلۆک رسمی ساپار اۆچین صربیستانا گیدیپدی.

آمریکا بیلن ویزا دارتغینلیغی نینگ سبأبی نینگ آنکاراداقی باش ایلچی جان باس بۇلاندیغینی ینه بیر گِزِک آیدان أردۇغان آمریکان کنسوللیقلاردا جاسوسلارینگ باردیغینی بیلدیردی.

آمریکانینگ داشاری ایشلر وزیری رکس تیلرسون ینگ تۆرک داشاری ایشلر وزیری مولود چاووش اوغلونا دارتغینلیغینگ چؤزگۆدی اۆچین "کمیسیون قورالینگ" دیه ندیگینی آیدان أردۇغان، کمیسیون باراسیندا حاطینگ قۇوشوریلماغینا قاراشیاندیقلارینی نیغتادی.

رجب طیب أردۇغان، روسیادان اس-۴۰۰ راکته قۇرانیش اولغامی نینگ آلینماغی باراسیندا،

"اس- ۴۰۰ بیلن باغلانشیقلی هیچ حیللی قینچیلیق یۇق. بیرینجی پاکتده اۇرتاق اؤنۆم بۇلماجاق. امما ایکینجی پاکتدن بیلأک ان‌شاءالله اۇرتاق اؤندۆریلیش باراسیندا ایشلأریس. حۇرماتلی پوتین بیلن دوشوشیغیمیز اس- ۴۰۰-لر بیلن چأکلی قالمادی. اس ۵۰۰ بیلن باغلانشیقلی دا گۆررۆنگ اتدیک" دییپ بِلله دی.



دِگیشلی حابارلار