أردۇغان پوتین بیلن تلفن آرقالی گِپله‌شیگ گچیردی

أردۇغان پوتین دن سوریه ده قورالیان هۆجۆملرینگ بس ادیلمه‌گی اۆچین تاغاللا اتمه‌گینی ایسله‌دی

أردۇغان پوتین بیلن تلفن آرقالی گِپله‌شیگ گچیردی

 

 

تۆرکیأنینگ جمهورباشلیغی رجب طیب أردۇغان روسیانینگ جمهورباشلیغی ولادیمیر پوتین بیلن دۆین آغشام آرا تلفن آرقالی گۆررۆنگدشلیک گچیردی.

آغشام آرا تلفن آرقالی گۆررۆنگدشلیک گچیرن ایکی ایشدش سوریه مسئله سینده باشدان گچیریلیأن سۇنگقی واقالار حاقیندا پیکیر آلیشدی.

پرزیدنت أردۇغان اؤزۆنه تلفن ادن ایشدشی ولادیمیر پوتین دن سوریأنینگ ادلب و غوطه شأهِرلرینده آسودا ایلاتا قارشی قورالیان هۆجۆملرینگ بس ادیلمه‌گی اۆچین تاغللا اتمه‌گینی ایسله دی.

أردۇغان بیلن پوتین تلفن صؤحبِتدِشلیگینده ایکی تاراپلی قاتناشیقلار بیلن بیرلیکده اتمی حیذماتداشلیغی حاقیندا هم پیکیر آلیشدی.

پرزیدنت أردۇغان هۇوا هۆجۆملری نینگ قیسغا واغتدا بس ادیلمه‌گی نینگ آستانا اتابی نینگ و سوچی کنگره سی نینگ اؤنگین نتیجه برمه گی تایدان مؤهۆمدیگینی نیغتادی.

آق قویی اتمی گۆیچ دسگاسی و تۆرک آقیمی طبیغی گاز تاسلاماسی بیلن بیرلیکده ایکی یوردونگ آراسیندا انرژی پوداغیندا ادیلیأن قاتناشیقلاری آرا آلیپ ماصلاحاتلاشان ایکی جمهورباشلیق قاتناشیقلارینگ أهلی تاراپلایین اؤسدۆریلمه گی نینگ مؤهۆمدیگینی نیغتادی.

ایکی یۇلباشچی شیله هم تۆرکیه بیلن روسیانینگ آراسینداقی یۇقاری درجه لی حیذماتداشلیق گنگه شی نینگ ماصلاحاتی و سوچی کنگره سی حاقیندا پیکیر آلیشدی.

روسیانینگ جمهورباشلیغی پوتین، تلفن صؤحبِتدِشلیگی حاقینداقی بیاناتیندا روسیانینگ سوریه دأکی حاربی مرکزینه سۇنگقی گۆنلرده هۆجۆم قورالماغا سینانشیلاندیغینی یاتلاتدی.

پوتین، "شۇل هۆجۆملرینگ نه تۆرک عسگری نه ده تۆرک حؤکۆمتی بیلن آراباغلانشیغی بار. شۇل هۆجۆملرینگ آرقاسیندا کیملرینگ باردیغینی بیلیأریس" دیدی.

روسیانینگ حمیمیم حاربی مرکزینه اوچارمانسیز هۇوا اولاغی بیلن هۆجۆم قورالماغا سینانشیلاندیغینی آیدان پوتین،

"شۇل هۆجۆم تۆرکیه بیلن بیرلیکده أهلی حیذماتداشلاریمیز بیلن قاتناشیقلاریمیزی بۇزماق ماقصادی بیلن قورالدی" دیدی.



دِگیشلی حابارلار