تۆرکیأنینگ گۆن ترتیبی ۱۳: تۆرکیه یومروجی دأل، آبات ادیجی گۆیچ

بوسغونلار تۆرکیأنینگ سوریه‌ده ترورچیلاردان صاپلان یرلرینه اؤورۆلیأر

تۆرکیأنینگ گۆن ترتیبی ۱۳: تۆرکیه یومروجی دأل، آبات ادیجی گۆیچ

 

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسوله بۇیونچا سینینی اۇقایارسینگیز.

زیتین شاحاسی حرکتی نینگ چأگینده عفرین ینگ مرکزی و عفرین شأهِرینه باغلی شأهِرچه و اوبالاری ترورچیلاردان صاپلاناندان سونگ آسودا ایلات ایزینا دولانماغا باشلادی. عفرین دأکی پ. ک. ک/ ی. پ. گ ظلمندان تۆرکیأ تاراپ قاچان سوریه لی کۆرتلرینگ هم اؤیلرینه دولانماق اۆچین یولا دۆشِندیگی گؤرۆلیأر. دۆنیأ جمغیتچیلیگی تاراپیندان سوریه لی بوسغونلار مسئله سی آرا آلینیپ ماصلاحاتلاشماغا دوُوام ادیأرکأ، اساسان دا آمریکادا و اوروپا بیله له شیگینه آغضا یورتلاردا قوم پارازلیق یایبانگلاشیانقا تۆرکیأنینگ سوریه ده آلیپ باریان سیاساتی سوریه لیلرینگ میله تین یاغدایدا اؤیلرینه دوِلانماغینی اۆپجۆن ادیأر.

فیرات قالقانی حرکتی بیلن آزات ادیلن یرلره تۆرکیأنینگ برن انسان پرور کؤمِکلری، اساسی قورلوشیق ایشلری و ارکینلیک شرطلری سایاسیندا تۆرکیه ده میهمان بولیان سوریه لی بوسغونلارینگ سوریأ دولانیاندیقلارینی گؤریأریس. تۆرکیه سوریه ده بیر تاراپدان ترورچیلیغا قارشی گؤره‌شیأن بوُلسا بیله کی تاراپدان هم آسودا ایلات اۆچین حووپسوز زولاقلار دؤره‌دیأر. فیرات قالقانی حرکتی بیلن حالاص ادیلن شأهِرلره سوریأنینگ داشیندان 200 مۆنگه قولای بوسغون اؤیۆنه دولاندی. شیله ده سوریأنینگ بیله کی یرلریندن مۆنگلرچه ایلاتینگ دمیرقازیق حلبه گلیپ فیرات قالقانی حرکتی بیلن حالاص ادیلن یرلره یرله شیأندیگی گؤرۆلیأر.

سوریأنینگ حؤکۆمتی دمشق ده و اتراپلاریندا قاباو آستینا آلان یرلریندن گؤچۆریلنلر تۆرکیه تاراپیندان دمیرقازیق حلبه گلدیلر. شیله ده سوریأنینگ کؤپ سانلی اتراپلارینداقی ظلمدان قاچان ایلاتینگ فیرات قالقانی حرکتی بیلن حالاص ادیلن یرلره گؤچۆپ گلندیگی مألیک. تۆرکیه سوریأنینگ ایچینده گچیرن حرکتلری بیلن دینگه بیر اؤز میللی حووپسوزلیغینی اۆپجۆن اتنمه یأر. شول بیر واغتدا سوریه لیلر اۆچین تأزه اومیت و حووپسوز یاشاییش اۆپجۆن ادیأر. میثال اۆچین آمریکانینگ پ. ک.ک/ ی. پ. گ پارتیزانلاری بیلن طبقه، رقه و دیرالزوردا گچیرن حرکتی نینگ دووامیندا بؤلگه دن گؤچمأگه مجبور بولان یادا پ. ک. ک/ ی. پ. گ تاراپیندان گؤچمأگه مجبور ادیلن ایلاتینگ فیرات قالقانی حرکتینده حالاص ادیلن یرلره گلیپ اوُرناشاندیغی بیلینیأر.

آمریکا ترورچیلیغا قارشی گؤره ش آدی بیلن سوریه ده پ. ک. ک/ ی. پ. گ-أ شرط دؤره دن یرلرینه ایلاتینگ دولانیپ بارماغی گۆن ترتیبینده دأل. آمریکانینگ پ. ک. ک/ ی. پ. گ گؤزه گچیلییگینه برن زولاغی فیرات قالقانی حرکتی بیلن حالاص ادیلن حاص اولی بولاندیغینا قارامازدان آسودا ایلات ایزینا دولانماق بیله ده دورسون، بؤلگه دأکی ایلات داشاری یورتلارا یادا دمیرقازیق حلبه قاچیار.

شونونگ یالی هم سوریأنینگ حؤکۆمتی و روسیا تاراپیندان کؤپ سانلی آدامینگ پیدا بولان حرکتلری بیلن آلینان حمص، زبدانی، داریا و یادا حلب یالی اولی شأهِرلر حأضیر هم حارابا بولماغیندا قالیار.

سوریأنیگ ایچینده آسودا ایلاتینگ ایزینا دولانان یکه تأک یری فیرات قالقانی حرکتی بیلن حالاص ادیلن یرلر. زیتین شاحاسی بیلن حالاص ادیلن عفرین ده آسودا ایلاتینگ و بوسغونلارینگ اینام بیلن دولانیپ گلجک یری بولار.

فیرات قالقانی حرکتی بیلن حالاص ادیلن یرلرده تل رفعت و قولاییندا پ. ک. ک/ ی. پ. گ تاراپیندان باسیش بیلن گؤچۆریلن یۆز مۆنگدن قوُوراق آدام یاشایار. اؤیلرینه دولانماق ایسله یأن ایلات تۆرک و آزات سوریه قشونی نینگ تل رفعت و اوبالارینی پ. ک. ک/ پ. ی. د ترورچیلاریندان صاپلاپ آسودا ایلاتینگ هم ده بوسغونلارینگ ایزینا دولانماقلاری اۆچین یؤریش گچیریأر. تۆرکیه بولسا تل رفعت لیلرینگ ایزینا دولانماغی اۆچین دگیشلی چأره لری گؤرمأگه باشلادی.

میثال اۆچین آلمانیادا سوریه لی بوسغونلار حاقینداقی قاراییشلار گۆن ترتیبی نینگ ایلری توتولیان اوغورلاریندان بیری. اساسان دا آشا ساغچی AFD پارتیاسی بوسغونلارینگ آلمانیادا یاشاماغینی ایسله مه یأر. آ. ف. د شول چأکده سوریأ وکیلیه‌ت اوغرادیپ، حؤکۆمت بیلن بوسغونلارینگ مجبوری یاغدایدا حؤکۆمتینگ گؤزه‌گچیلیگیندأکی یرلره دولانیپ گلمه گی بارادا گپله شیکلر گچیردی. اِمما آلمان جمغیتچیلیگی شول قاراییشی قولدامادی و بوسغونلارینگ حؤکۆمتینگ گؤزه‌گچیلیگیندأکی یرلره دولانیپ باران حالاتیندا اولارا اولی حووپلارینگ قاراشیاندیغی بیان ادیلدی. اساسان دا حؤکۆمتینگ سوریه لی بوسغونلاری دؤنۆک حؤکمۆنده گؤرمه‌گی، قیناماغی و قیسیش اتمه گی شول پیکرینگ قومانیتار (بشری) قیمماتلیقلارا ترس بولیاندیغینی گؤرکِزیأر.

تۆرکیه آسودا ایلاتینگ و بوسغونلارینگ اؤیلرینه دولانماقلاری اۆچین تروردان صاپلانان یرلرینده حووپسوز و ارکین زولاقلار دؤره‌دندیگی اۆچین بوسغونلار اؤیلرینه میله تین (اؤز ایسله گی بیلن) دولانیپ باریار. شونونگ یالی عیراق دا پ. ک. ک نی یوق اتمه ک اۆچین سانجار بؤلگه سینه قورالماغی مۆمکین حاربی حرکت هم آسودا ایلاتینگ اؤیلرینه دولانیپ بارماغینی اۆپجۆن ادر. سنجارینگ داعش ینگ هۆجۆمینه سزه ور بولماغیندان سونگ یزیدی لرینگ 80 گؤتریمی انته‌گِم سانجارینگ داشینداقی دۆشِلگه‌لرده یاشایار. شیله لیکده پ .ک. ک نینگ سانجاردا اورناشماغی یزیدیلرینگ اؤیلرینه دولانیپ بارماغینا یول برمه یأر. تۆرکیه عیراغینگ مرکزی حؤکۆمتی بیلن بیله لیکده سانجاری پ. ک. ک دان صاپلان حالاتیندا یزیدیلرینگ اساسی بؤله گی اؤیلرینه دولانار.

تۆرکیه قورایان أهلی حاربی اوپراسیالاریندا یومروجی دأل، دیکه‌لدیجی بولاندیغینی ثبوت (اثبات) اتدی.

 



دِگیشلی حابارلار