أردۇغان: سوریه‌لیلر اۆچین تاغاللا ادن دینگه تۆرکیه

تۆرکیأنینگ جمهورباشلیغی، ترورچیلیق بیلن ادیلیأن گؤره‌شه اۆنس چکدی

أردۇغان: سوریه‌لیلر اۆچین تاغاللا ادن دینگه تۆرکیه

 

تۆرکیأنینگ جمهورباشلیغی رجب طیب أردۇغان عادالات و اؤسۆش پارتیاسی نینگ (حزبی نینگ)  استامبول ینگ اسکودار اترابینداقی ماصلاحاتینا قاتناشدی.

چیقیشیندا تۆرک یاراغلی گۆیچلری نینگ سوریأنینگ عفرین شأهِرینده ۲۰-نجی یانواردا آشاچی ترور قوراماسی پ. ک. ک/ پ. ی. د/ ی. پ. گ و داعشه قارشی باشلادان زیتین شاحاسی حرکتینده حأضیرکی واغتا چنلی ۴۱۶۳ ترورچی نینگ یۇق ادیلندیگینی نیغتان أردۇغان،

"بیز قارشیمیزا چیقاریلان ترور قورامالارینا اگیلشیکسیز گؤره شیأریس. حأضیرکی واغتدا فت الله چی ترور قوراماسیندان داشاری یورتلاردان گتیریلن ترورچیلارینگ سانی ۸۰. پ. ک. ک نینگ و فتؤنینگ دؤنۆکلری عادالاتا حاسابات بریأر" دیدی.

آزات سوریه قشونی نینگ تۆرک یاراغلی گۆیچلری بیلن بیله لیکده سوریه ده ترورچیلارا قارشی ساواشیاندیغینی نیغتان أردۇغان، "بؤلگأمیزده اۇینالیان اۇیونی بۇیاریس" دیدی.

أردۇغان "سوریأنینگ حالقینا گلجک وعده بریأن تۆرکیه دن باشغا یورت یۇق. سوریه ده حۇوپسوز زۇلاقلار دؤره‌دیپ بۇسغونلارینگ یورتلارینا قایدیپ بارماغی اۆپجۆن ادیلمه‌لی" دیدی.

ایندی سوریه ده تۆرکیه‌سیز هایسیدیر بیر باشلانغیجینگ ادیلمه گی نینگ مۆمکین بۇلماندیغینی آیدان رجب طیب اردوغان "آمریکا، بریتانیا و فر انسیا بیلن بیله لیکده حؤکۆمتینگ شیمیایی یاراغ دسگالارینا قورالان سۇنگقی هۆجۆمده ینه ده بیر گزِک گؤرشۆمیز یالی بو ایش یؤنه کی چأره لر بیلن قوتارمایار" دیدی.



دِگیشلی حابارلار