آنکارادا داعش ترور قوراماسینا قارشی اۇپراسیا قورالدی

تۆرک حۇوپسوزلیق گۆیچلری تاراپیندان داعشچی‌لرینگ اؤیلرینه قورالان هۆجۆمده ۱۴ داعشلی توسساغ ادیلدی

آنکارادا داعش ترور قوراماسینا قارشی اۇپراسیا قورالدی

تۆرکیأنینگ پایتاغتی آنکارادا داعش ترور قوراماسینا دگیشلی ۱۴ آدام توسساغ ادیلدی.

آنکارانینگ حۇوپسوزلیق گۆیچلری نینگ مۆدیرلیگی نینگ ترورچیلیق بیلن ساواش بؤلۆمی تاراپیندان آلینان حاباردان سۇنگ ترور قوراماسی داعشه قارشی حرکت قورالدی.

داعش آغضالاری نینگ ۲۴-نجی ژوئن گچیریلجک جمهورباشلیق و مجلیس سایلاویندا حرکته گچمأگه طایارلانیاندیقلاری بیلدیریلدی.

تۆرک حۇوپسوزلیق گۆیچلری تاراپیندان داعشچی‌لرینگ اؤیلرینه قورالان هۆجۆمده ۱۴ داعشلی توسساغ ادیلدی.

هممه سی داشاری یورتلی بۇلاندیغی آیدیلان توسساغلیلار بیلن بیله لیکده اؤیلرده قورالان بارلاغدا کؤپ سانلی دلیل ده تاپیلدی.

توسساغلیلار سۇراغا چکیلمه‌ک اۆچین آنکارانینگ امنیت (حۇوپسوزلیق) مرکزینه ایبریلدی.

 


اتیکتلر: آنکارا , داعش

دِگیشلی حابارلار