أردۇغان آمریکالی شرکتلرینگ یۇلباشچیلاری بیلن دوشوشدی

أردۇغان تۆرکیأنینگ آیدینگ گلجگی بۇلجاقدیغینی آیتدی

أردۇغان آمریکالی شرکتلرینگ یۇلباشچیلاری بیلن دوشوشدی

تۆرکیأنینگ جمهورباشلیغی رجب طیب أردۇغان آمریکان شرکتلری نینگ تۆرکیه دأکی یۇلباشچیلارینی قابول اتدی.

قابول ادیلشیکده بیانات برن أردۇغان،

"آمریکا بیلن استراتژیک حیذماتداشلیغیمیزینگ بۆتین واقالارا قارامازدان مایاقۇیوم و سؤودا بیلن یۇقارلاجاقدیغینا و گۆیچلِه‌نجِکدیگینه اینانیارین" دیدی.

۲ ساغات ۴۰ داقیقا دۇوام ادن دوشوشیقدا تۆرکیأنینگ صناغات و تکنولوژی وزیری مصطفی وارانک، سؤودا وزیری روحسار پک جان و عادالات و اؤسۆش پارتیاسی نینگ باشلیغی نینگ اۇرونباساری لطفی الوان دا باردی.

بو گنگه شینگ بیری بیریلرینی تاماغا پورصات دؤره‌تجِکدیگینی آیدان اردوغان وظیپه ده بۇلان ۱۶ ییل بۇیونچا گنگه‌شمأگه اؤرأن أهمیت برندیکلرینی یاتلاتدی.

رجب طیب اردوغان شیله دۇوام اتدی:

"قاپیمیز همیشه سیزه آچیقدیر شیله ده دۇوام ادر. اؤزۆم، وزیر دۇستلاریم، گنگه‌شچیلریم و بیله کی لرینگ قاپیسی همیشه آچیق. سیز، بؤلگه ده بولان بۆتین دارتغینلیقلارا، چاقنیشیقلارا و دورنوقسیزلیقلارا قارامازدان تۆرکیأننینگ نأمه لر ادیپ بیلیأندیگینی اؤرأن قۇوی بیلیأرسینگیز. شو واغتقی قینچیلیق دا بیزینگ اۆسته‌سیندن گلیپ بیلمه‌جِگیمیز قینچیلیق دألدیر. گؤره‌رسینگیز تۆرکیأنینگ گلجگی اؤرأن آیدینگ بۇلجاقدیر"



دِگیشلی حابارلار