تۆرکیأنینگ جمهورباشلیغی آمریکادا.

تۆرکیأنینگ جمهورباشلیغی رجب طیب أردۇغان نیویورک دا

تۆرکیأنینگ جمهورباشلیغی آمریکادا.

 

ایش ساپاری بیلن آمریکا گیدن تۆرکیأنینگ جمهورباشلیغی رجب طیب أردۇغان نیویورک دا تۆرک- آمریکان میللی اوغروقدوروش کمیته سی تاراپیندان گچیریلن ماصلاحاتدا تۆرک- مسلمان جمغیتینه یۆزله‌نیپ چیقیش اتدی.

یورتلارینداقی دارتغینلیقدان قاچیپ تۆرکیأ گلن سوریه لیلرینگ ۲۶۰ مۆنگی نینگ واطانلارینا دۇلاناندیغینی آیدان پرزیدنت اردوغان "سۇنگقی ادلب دارتغینلیغیندا بۇلشی یالی یکه جه آدامینگ هم بورنونینگ قانامازلیغی اۆچین دیپلماسی آلیپ باریاریس و شۇل دیپلماتیک تاغاللالار اۇنگین نتیجه برمأگه باشلادی" دیدی.

رجب طیب اردوغان "ان شاءالله گلجکده فیرات دریاسی نینگ گۆن دۇغارینی هم اؤز ایچینه آلجاق گؤرنۆشده سوریه دأکی حۇوپسوز یرلرینگ سانینی آرتدیرماغا دۇوام ادریس. یوردومیزا آبانیان ترور حۇوپی اۇرتادان آیریلیانچا و سوریأنینگ گلجگینه قاصت ادیأنلری دۇلولیغینا یۇق ادیأنچأک ترورا قارشی توتان یرلی گؤره‌شیمیزی دۇوام اتدیرریس" دییپ بِلله دی.

"ایلکینجی قبله میز قدس شأهِرینی باسیپ آلیجیلاردان حالاص ادریس. ایسرائیل ینگ و آمریکانینگ حؤکۆۇمتی نینگ قدس ینگ موقاددسلیگینی کمسیدیأن حرکتلرینه قارشی یۇقاری دیپلماسی آلیپ باریاریس" دیه ن أردۇغان آراکانلی مسلمانلارینگ باشدان گچیریأن پاجیغاسینا هم اۆنسی چکدی.

أردۇغان "باشدان گچیریلیأن قینچیلیقلارینگ چیقغینسیزلاشماغیندا بیرلشن میللتلر قوراماسی نینگ حۇوپسوزلیق گنگه شی یالی حالقارا پاراحاتچیلیغینگ و دورنوقلیلیغینگ حمایاتکأری بۇلان قورامالارینگ عوقیپسیزلیغینی البتده قابول ادیأریس. شۇل قورامالارینگ عمومان آلناندا حالقارا پاراحاتچیلیغی دأل، ایسه م بِللی گۆیچلرینگ بأحبیتلرینی قۇراماق اۆچین حیذمات ادیأندیگینی بیلیأریس" دیدی.

تۆرکیأنینگ جمهورباشلیغی سۇنگقی دؤوۆرده آمریکادا یاشایان مسلمانلارینگ سیاسات بیلن یاقیندان قیزیقلانماغیندان حۇشالدیقلارینی بِلله دی.

أردۇغان سۇنگ بۇلسا تۆرکِن غازناسی نینگ ناهارینا قاتناشدی.

أردۇغان تۆرکِن غازناسی نینگ دینگه تۆرکیه دن آمریکا گیدن طالیپلارینگ عیلمی ایشلرینه، سوسیال و عیلمی تاغاللالارینا قۇشانت قۇشماق بیلن چأکلِنمه‌یأندیگینی ایسه م شۇل بیر واغتدا تۆرک- آمریکان جمغیتچیلیک قورامالاری نینگ آراسینداقی حیذماتداشلیغینگ گۆیچله‌ندیریلمه گینه اولی قۇشانت قۇشیاندیغینی آیتدی.

تۆرکِن ینگ ناهاریندا ادن چیقیشیندا مسلمان دۆنیأسی نینگ دۇغانلاری نینگ آراسینداقی غۇوغالار و چاقنیشیقلار بیلن گۆن ترتیبینده اساسی اۇرون ایه له مه گینه اولی قینانچ بیلدیریأندیکلرینی یاتلادان أردۇغان، حاقیقاتدان هم آغیر گۆنلرینگ باشدان گچیریأندیگینی بِلله دی.

پرزیدنت أردۇغان تۆرکیأنینگ داعش و پ. ک. ک نینگ ترورچیلارینا قارشی گچیریأن حرکتلرینی تانقیت ادِنلرینگ، دؤولت تروری اددن اولغاملارا و حؤکۆمتلره قارشی بۇلسا هیچ حیلی گؤرکِزمه بیلدیرمه یأندیکلرینی آیتدی.



دِگیشلی حابارلار