قونیه ده مؤولانا دابارالاری باشلادی

بو دابارالارا تۆرکیأنینگ و دۆنیأنینگ دؤرت کۆنجه‌گیندن میهمانلار و مؤولاناسؤیرلر قاتناشیار

قونیه ده مؤولانا دابارالاری باشلادی

 

هر ییل حضرت مؤولانانینگ آرادان چیقماغی نینگ ۷۴۵-نجی ییلی اۆچین گچیریلیأن حالقارا دابارالار و چأره لر شو ییل دا باشلادی.

دابارانینگ آچیلشینا تۆرکیأنینگ داشقی قورشاو و شأهِرچیلیک وزیری مراد قوروم قاتناشدی.

دابارا تۆرکیأنینگ وزیری قوروم، قونیأنینگ ولایات حأکیمی اورهان تۇپراق، شأهِر حأکیمی اوغور ابراهیم آلتای، مدنیت مۆدیری عبدالستار یارار، مؤولانانینگ ۲۲-نجی قوشاغیندان میراثداری اسین چلبی بایرو، عادالات و اؤسۆش پارتیاسی نینگ قونیه باشلیغی حسن آنغی و بیله کی میهمانلارینگ قاتناشماغی بیلن حضرت شمس تبریزی نینگ قبوریندا باشلادی.

دابارا قاتناشانلار شۇل یردن مولانا میدانینا چنلی یؤریپ باردی.

مؤولانا موزه سینه ده باریپ گؤرن میهمانلار شۇل یرده دغا اتدی.

مولویحانا سرگیسی ده مؤولانا مدنیت مرکزینده آچیلدی.

بیک عالیم و متصوف حضرت مولانا جلال الدین رومی بۆتین دۆنیأ تانالیان اولی شاهیرلاردان بیریدیر.

هر ییل ۷-۱۷-نجی دکابر آرالیغیندا حضرت مؤولانا نینگ آرادان چیقماغی میناسیبتلی اۇنونگ یاتلاما دابارالاری گچیریلیأر.

دابارادا دۆرلی چأره لر گچیریلیأر.

چأره لر ۱۷-نجی دکابردا سماع بیلن تاماملانیار.

بو دابارالارا تۆرکیأنینگ و دۆنیأنینگ دؤرت کۆنجه‌گیندن میهمانلار و مؤولاناسؤیرلر قاتناشیار.


اتیکتلر: قونیه , مولانا

دِگیشلی حابارلار