كىم جوڭئۇننىڭ ئۆگەي ئاكىسىغا سۇيىقەست قىلغۇچى گۇماندار قويۇپ بېرىلىدىغان بولدى

مالايشىيا مەتبۇئاتلىرىنىڭ بىلدۈرىشىچە، كىم جوڭئۇننىڭ ئۆگەي ئاكىسىغا سۇيىقەست قىلغۇچى گۇماندار دوئان تى خۇڭ 3 – مايدا قويۇپ بېرىلىدىكەن.

كىم جوڭئۇننىڭ ئۆگەي ئاكىسىغا سۇيىقەست قىلغۇچى گۇماندار قويۇپ بېرىلىدىغان بولدى

 

تۈركىيە ئاۋازى رادىيوسى خەۋىرى: شىمالىي كورېيە رەھبىرى كىم جوڭئۇننىڭ ئۆگەي ئاكىسى كىم جوڭنامنىڭ 2017يىلى مالايشىيادا سۇيىقسەت بىلەن ئۆلتۈرۈلگەنلىكىگە ئالاقىدار سوتقا تارتىلغان ۋىيېتناملىق گۇماندار دوئان تى خۇڭ ماي ئېيىدا قويۇپ بېرىلىدىغان بولدى.

مالايشىيا مەتبۇئاتلىرىنىڭ زىيارىتىنى قوبۇل قىلغان دوئان تى خۇڭنىڭ ئادۋوكاتى گۇماندارنىڭ بالدۇرراق قويۇپ بېرىلىشىنى كۈتۈۋاتقانلىقىنى بىلدۈرۈپ، «تۈرمە مەسئۇللىرىنىڭ بىزگە يەتكۈزگەن مەلۇماتلىرىغا ئاساسلانغاندا 3مايدا ئوتكۈزۈلىدىغان سوتتا دوئان تى خۇڭ قويۇپ بېرىلمەكچى» دېدى.

بۇ دېلوغا مەسئۇل مۇپەتتىشلەر 1ئاپرىلدا ۋىيېتناملىق گۇماندار خوڭنىڭ قىسقا ۋاقىت ئىچىدە قويۇپ بېرىلىشىنى ئىشقا ئاشۇرۇش ئۈچۈن گۇماندارنى جىنايەت بىلەن ئەمەس، بەلكى تېخىمۇ يېنىكرەك قىلىپ، «خەتەرلىك قورال بىلەن ئادەم يارىدار قىلىشقا ئۇرۇنۇش» دەپ ئەيىبىلگەن ئىدى.

بۇ ئاخىرىقى قېتىمقى ئەيىبلەشتىن كېيىن گۇماندار دوئان تى خۇڭنىڭ پات ئارىدا قويۇپ بېرىلىدىغانلىقى بىلدۈرۈلگەن ئىدى.



مۇناسىۋەتلىك خەۋەرلەر