25.03.2015

bu heptilik chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

25.03.2015

türkiye awazi radiyosi: faynanshiyal taymiz (engliye) géziti: «yawropa ittipaqi we rusiye kürishi ... TANAP» serlewhilik xewiride oqurmenliri bilen töwendiki uchurlarni ortaqlashti: «yawropa ittipaqi teripidin uzun zamandin buyan kéchiktürülüp kéliwatqan hazar déngizi tebiiy gazining import qilinishigha dair pilan, türkiyede trans anadolu tebiiy gaz turubba liniyisi pilani (TANAP) qurulushining bashlinishi bilen ilgirilesh hasil qildi. TANAP, yawropa ittipaqining qollishi arqisida jenub gaz karidori üchün muhim bir tutishish éghizi we hazar déngizi énérgiye éksportini köp xillashturush, shundaqla yawropaning rusiyege béqindi bolup qélishini azaytish meqsetlik pilanlanghan mewjut turubba liniyisining toluqlighuchi bir parchisi bolup hésablinidu. deslepte 3500 kilométir bolushi pilanlanghan jenub gaz karidori, gazni hazar déngizidin ezerbeyjan déngiz tewelikige yetküzidu.»

ria nowosti géziti (rusiye): enqere-kiéw soda hejmi» serlewhilik xewiride, oqurmenliri bilen töwendiki uchurlarni ortaqlashti: «jumhur reis rejep tayyip erdoghan ötken hepte ukrainagha qaratqan ziyariti esnasida, ukraina pirézidénti pétro poroshénko bilen birlikte, ikki dölet arisidiki nöwette 6 milyard dollar boluwatqan soda hejmini 2017 – yilighiche 10 milyard dollargha, 2023- yilighiche 20 milyard dollargha yetküzüshni qarar qilghanliqlirini eskertti. jumhur reis erdoghan yene, enqere bilen kiéwning erkin soda munasiwiti heqqide bir kélishim imzalashni pilanlighanliqinimu sözlirige ilawe qildi. ukraina pirézidénti pétro poroshénkomu, türkiye jumhur reisi rejep tayyip erdoghan bilen ukraina shirketlirining TANAP turubba liniyisi qurulushi xizmetlirige ishtirak qilish éhtimali üstide toxtaldi. poroshénko öz twittér adrési arqiliqmu ‹türkiye jumhur reis erdoghan bilen birlikte qirim tatarlirining heq – hoquqlirining qoghdilishi yolida ortaq paaliyetlerni ötküzüshni qarar qilduq› dep yazdi.»

«elquddus elerebi» géziti (engliye): «waz kechtürgüch küch» serlewhilik xewiride, oqurmenliri bilen töwendiki uchurlarni ortaqlashti: «jumhur reis rejep tayyip erdoghan, ‹mudapie sanaitimizni kücheytip, özimiz ishlepchiqarghan qoral – yaraqlar arqiliq armiyemizni dunyaning we rayonning eng küchlük armiyesi qilish iradimiz qetiy› dédi. jumhur reis erdoghan bu bayanatni herbiy penler akadémiyesini ziyaret qilghanda berdi. jumhur reis erdoghan, ‹mudapie sanaitimizni kücheytip, özimiz ishlepchiqarghan qoral – yaraqlar arqiliq armiyemizni dunyaning we rayonning eng küchlük armiyesi qilish iradimiz qetiy. buni her sahede özimiz layiheligen esliheler bilen ishqa ashurimiz. qoralliq küchlirimizni we mudapie sanaitimizni kücheytishke mejburmiz› dédi. türkiye armiyesi natoning eng chong ikkinchi armiyesi bolup, 2014- yilliq dunyaning eng chong armiyeliri tizimlikide sekkizinchi rettin orun aldi.»

birleshme xewer agéntliqi (amérika): «chetke qéqishqa xatime bérish» serlewhilik xewiride, oqurmenliri bilen töwendiki uchurlarni ortaqlashti: «yawropa ittipaqi ishliri ministiri wolqan bozqir, yawropaliq rehberlerning musulmanlarning özlirini ‹chemberning sirtida› hés qilip qalmasliqi üchün heriketke ötüshi kéreklikini éytti. bozqir, yawropada yashaydighan köpligen musulmanlarning ‹nöwette özlirini qarshi qirghaqtikiler, dep hés qiliwatqanliqi› ni eskertti. bozqir, buning ashqunluq we térrorluqning asasliq sewebi ikenlikini éytti. türk ministir, gérmaniye marshal fondining biryussélda ötküzgen bir yighinda, yawropa döletlirini we bashqa ellerni tesiri astigha éliwalghan ashqunluq dolquni we térrorluqqa qarshi küresh qilish üchün néme ishlarni qilishqa bolidighanliqi heqqide toxtaldi.»

yurupa prés (ispaniye): «obamagha sehiye islahati tewsiyesi» serlewhilik xewiride, oqurmenliri bilen töwendiki uchurlarni ortaqlashti: «jumhur reis rejep tayyip erdoghan amérikiliq mensepdéshi barak obamagha dölitide sehiye islahati élip bérish üchün tewsiye sunghanliqini élan qildi. erdoghan bayanatigha asaslanghanda, obamagha qilinghan bu tewsiye, istanbuldiki sultan ehmed jamesini ziyaret qilghan esnada, amérikiliq sayahetchilerning uningdin bu heqte pikir telep qilghandin kéyin qilinghan. jumhur reis erdoghan yene, köpligen yawropaliq xadimlarning sehiye sistémisi üstide tekshürüsh élip bérish üchün türkiyege kelgenlikini we bu sistémini döletliride yolgha qoyushni xalaydighanliqlirini bildürgenlikini éytti.»

 


خەتكۈچ:

مۇناسىۋەتلىك خەۋەرلەر