30.09.2015

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

30.09.2015

türkiye awazi radiyosi: italiyede chiqidighan «intérnaziyonal géziti» (Internazionale), türkiye jumhur reisi rejep tayyip erdoghanning türkiye armiyesining 28 – séntebir kéche shimaliy iraqtiki térrorluq teshkilati p k k panahliniwatqan jaylarni bombardiman qilip, 30 din artuq p k k ezasini öltürgenlikini éytqanliqini xewer qildi.
gézitning xewiride, türkiye armiyesining iyul éyining axirida birla waqitta daéshqa we p k k gha qarshi herbiy heriket bashlighanliqi bildürüldi.
xewerde, térrorluq teshkilati p k k ning 1984 – yildin buyan enqerege qarshi bashlighan qoralliq heriketliride 40 mingdin artuq ademning ölgenliki eskertildi.
engliyede chiqidighan «el hayat géziti», firansiyelik yuqiri derijilik bir emeldarning firansiye pirézidénti firansua oland bilen türkiye bash ministiri ehmet dawutoghluning niyu yorkta uchriship, süriye mesilisini muhakime qilghanliqini bildürdi.
xewerde, süriyening shimalida uchush cheklengen rayon tesis qilish we bu rayonni tazilash üchün süriye qozghilangchiliri bilen birlikte herbiy heriket élip bérish mesililirining muzakire qilinghanliqi eskertildi.
xewerge asaslanghanda, firansiye bundaq herbiy heriketni qollaydighanliqini bildürgen we «beshshar esedning süriyede mesilini siyasiy yol bilen hel qilish musapisining bir parchisi bolmaydighanliqi» nuqtisida türkiyening meydani bilen oxshash ikenlikini tekitligen. pirézidént oland mundaq dégen: «süriyede mesilini beshshar esedsiz hel qilish kérek, dep qaraydighan dölet yalghuz firansiyela emes.»
iranda chiqidighan «isna géziti» (ISNA), iranning türkiyening 100 ming warildin artuq néfit éhtiyajini qamdap, iraqtin qalsila türkiyeni néfit bilen qamdaydighan 2 – dölet bolup qalghanliqini xewer qildi.
gézitning xewiride körsitilishiche, 2015 – yilning ikkinchi charikide türkiyening néfit importi künde ottura hésab bilen 488 ming 700 warilgha yetken bolup, bu reqem yilning birinchi charikige sélishturghanda 72 ming 100 waril ashqan. türkiyege xam néfit éksport qilghan döletler tertip bilen iraq, iran, seudi erebistan we rusiye turghan.
yaponiyede chiqidighan «nihon kéyzay shimbun géziti», türkiye jumhur reisi rejep tayyip erdoghanning öktebir éyida yaponiyeni ziyaret qilidighanliqini xewer qildi.
gézittiki xewerde éytilishiche, rejep tayyip erdoghan yaponiye bash weziri shinzu abi bilen birlikte yighin ötküzüp, yadro éléktir istansisi, qatnash we ul – eslihe qurulushi layiheliri bilen munasiwetlik shirketlerning bashqurghuchiliri bilen körüshidiken.
rejep tayyip erdoghanning bu qétimqi yaponiye ziyariti, türkiyening jumhur reis sewiyesidiki ikkinchi ziyaret hésablinidiken.


خەتكۈچ:

مۇناسىۋەتلىك خەۋەرلەر