02.12.2015

chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

02.12.2015

bosniye - gértségowinada chiqidighan faktor géziti munularni yazdi «türkiye jumhur reisi rejep tayyip erdoghan parizhda meydangha kelgen hujumlarning musulmanlar bilen yawropadiki musapirlargha bolghan nepretning küchiyishige seweb bolghanliqini éytip, pütkül döletlerni soghuqqanliq bilen heriket qilishqa chaqirdi. erdoghan musulmanlargha qaritilghan hujumlarning küchiyip barghanliqini we musapirlargha bolghan pozitsiyening bolsa téximu qopalishishqa qarap yüzlengenlikini bildürüp, bularning tiragédiyeni téximu éghirlashturuwétidighanliqini eskertti.»
qatar el jezire téléwiziye qanili munularni xewer qildi: «türkiye bash ministiri ehmet dawutoghlu, türkiye chégrisigha tehdit salidighan her qandaq qilmishlargha zerbe bérish üchün bixeterlik küchlirige yolyuruq bergenlikini éytti.»
xitay shinxua agéntliqi munu uchurlarni orqurmenliri bilen ortaqlashti: «türkiyede adalet we tereqqiyat partiyesi ezasi ismail qaraman 22-noyabirda ötküzülgen parlamént bashliqi saylimida köp sanliqning awazigha ériship, türkiye büyük millet mejlisi bashliqi bolup saylandi.»
gérmaniyediki taratqu orgini DPA bolsa munu uchurlarni oqurmenlirining diqqitige sundi: «chéx jumhuriyiti mudapie ministiri martin sitropnikay yekshenbe küni chéx döletlik téléwiziye qanilining ziyaritini qobul qilip, chéx jumhuriyitining süriyede daéshqa qarshi élip bérilidighan quruqluq herbiy heriketlirige 200 esker ewetish arqiliq ittipaqdash qisimlargha yardem qilidighanliqlirini bildürdi. sitropnikay chéx eskerlirining tibbiy yardem we ximiyiwi qoral mudapie qisimliridin teshkil tapidighanliqinimu sözlirige ilawe qildi.»
ispaniyede chiqidighan La Vanguardia géziti munu uchurlarni yazdi: «türk hawa armiyesi türkiye hawa tewelikige tajawuz qilghan rus ayropilanining étip chüshürüwétilgenlikini we ayropilanning süriye zéminlirigha chüshüp ketkenlikini bildürdi.»
italiyediki ANSAmed agéntliqi munu uchurlargha orun ajratti: «türkiye türkmenlerni qoghdash üchün teyyar halette turmaqta. bu sözlerni daésh bilen yerlik pidaiy qisimlarning toqunushliri we rayondiki rus hawa hujumliridin qachqan eng az 1500 türkmen kéyinki künlerde türkiyening sherqiy jenubigha kelgendin kéyin, türk bash ministiri ehmet dawutoghlu tilgha aldi.»
firansiyede chiqidighan AFP géziti munu uchurlarni oqurmenlirining diqqitige sundi: «yawropa kéngishi bashliqi ronald tusk ijtimaiy taratqu tor béti twitter sehipisidin yawropa ittipaqi bilen türkiye mesullirining yekshenbe küni biryussélda munasiwetlirini ‹janlandurush› we ‹köchmen dolqunini toxtitish› meqsitide uchrishidighanliqlirini uqturdi. yawropaliqlar yéngi teshkillengen hökümet bilen ötküzülidighan bu aliy derijilikler yighinida, girétsiye aralliri arqiliq yawropagha yétip bérish üchün türkiye chégra rayonliridin yolgha chiqqan köchmenler mesiliside hemkarliq ornitishni ümid qilidu.»
irandiki IRNA taratqu orgini munularni xewer qildi: «islam döletliri iqtisad mutexessisliri yighini iran islam jumhuriyitining ishtirak qilishi bilen istanbulda bashlidi. ikki kün dawamlishidighan bu qétimqi yighin, türkiye jumhur reisi rejep tayyip erdoghanning riyasetchilikide istanbulda kéler hepte chaqirilidighan islam soda uyushmisi teshkilati iqtisadiy we soda munbiri uyushmisi daimiy komitéti yighinigha zémin hazirlaydu.»


خەتكۈچ:

مۇناسىۋەتلىك خەۋەرلەر