16.12.2015

chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

16.12.2015

yaponiyediki NHK téléwiziye qanili munu uchurlargha orun ajratti: «rus awiamatkisining ege déngizda kéziwatqan bir türk béliqchi kémisige soqulup kétishning aldini élish üchün agahlandurush oqi chiqirishigha qarita, türk dairliri bu ehwalning munasiwetni yirikleshtürüshke seweb bolalmaydighanliqini bildürüp soghuqqanliq bilen muamile qildi.»
shiwétsiyediki NZZ am Sonntag téléwiziye qanili munu uchurlarni orqurmenlirining diqqitige sundi: «rusiyening qirimni mejburiy qoshuwélishi we türkiye bilen bolghan jédili moskowani chégish mesililerge muptila qilmaqta: rusiyening tashqi siyasetliri rusiye pirizédénti wiladimir putingha payda élip kélishi mumkin, biraq rusiyege éghir iqtisadiy ziyan bermekte. rusiyening türkiye bilen jédel chiqirishini chüshinish heqiqeten tes. enqere qaytilap agahlandurushining eksiche türk hawa tewelikige tajawuz qilghan bir rus ayropilanini étip chüshürüwetti. bu hadisidin kéyin moskowa ghaljirliship ketti. rusiye türk oqughuchilarnimu qattiq parakende qildi. moskowa eslide türkiye bilen birlikte yawropa ittipaqining sherqide bir qorghan berpa qilishni pilanliwatatti. buninggha ornigha rusiye öz-özini halak qilmaqta.»
italiyediki ANSAmed agéntliqi oqurmenliri bilen munu uchurlarni ortaqlashti: «italiye tashqi ishlar ministiri pawlo géntiloni türkiye bilen bolghan muzakirilerde yéngi muzakire maddisining békitilishidin tolimu xursen bolghanliqini bildürüp, italiyening 15 yildin buyan yawropa ittipaqi bilen türkiye otturisida muzakirilerni qollap kéliwatqanliqlirini eslitip ötüp mundaq dédi: kéyinki 15 yilda italiye her waqit yéngi muzakire maddilirining békitilishi we türkiyening yawropa ittipaqi bilen hemkarliq ornitishini arzu qilip kelmekte.»
oxshash agéntliq yene munu uchurlarni oqurmenlirining diqqitige sundi: «türkiye bash ministiri ehmet dawutoghlu türk armiyesining bashikadiki mewjutluqi üstide toxtilip mundaq dédi: baghdad hökümiti musul we türkiye-iraq chégrisining bixeterlikini qoghdiyalighan bolsa, türk eskerlirini iraqqa ewetishke kérek qalmaytti, hazirghiche enqere dölet xewpsizlik istiratégiyesining bir qismi süpitide bu ishni öz aldigha wujudqa chiqardi.»
shiwétsiyediki Le Temps géziti munu uchurlarni yazdi: «noyabirning axirida yawropa ittipaqi bilen türkiye musapirlar dolqunigha tosalghu bolush üchün ortaq heriket pilani békitip chiqti. qish aylirining kirishi bilen egedin ötidighanlar azayghan bolsimu, xeterlik ehwallar yenila yüz bérip turmaqta. türk dairliri musapirlar dolquni we térror hujumlirigha tosalghu bolush arqiliq qosh wezipini muweppeqiyetlik orundap kelmekte.»
amérika qoshma shitatliridiki Bloomberg téléwiziye qanili munu xewerlerni élan qildi: «türk paychiklirining bu yil Bloomberg teripidin közitip kéliniwatqan 90 paychik arisida ipadisi eng yaxshi boldi. türk paychiklirining qimmiti seyshenbe küni birdinla yuqiri kötürülüp tartqan ziyanlirini toluqliwaldi.»


خەتكۈچ:

مۇناسىۋەتلىك خەۋەرلەر