chet el metbuatlirida bu hepte: 11.05.2016

bu heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

chet el metbuatlirida bu hepte: 11.05.2016

firansiyediki AFP agéntliqi «istanbuldiki dunya insaniy aliy derijilikler yighinigha 80 dölet ishtirak qilidu»serlewhilik xewiride munularni oqurmenlirining diqqitige sundi: «birleshken döletler teshkilati insaniy yardem paaliyetliri koordinatori sitéfhan obiréyin, barghanche éghirlishiwatqan kirzislerge qarshi küchlük tedbirlerni élish meqsitide 23-24 may künliri istanbulda chaqirilidighan tunji nöwetlik dunya insaniy aliy derijilikler yighinigha eng az 80 döletning ishtirak qilidighanliqini uqturdi. sitéfhan obréyin, ishtirak qilghuchi sanining righbetlendürüsh roli oynaydighanliqini éytti. bu qétimqi aliy derijilikler yighinigha 45 dölet we rayon bashliqliri ishtirak qilidu. nahayiti köp kishi ishtirak qilidighan bu qétimqi yighingha, ammiwi jemiyetler organliri we xususiy sahedinmu 6000 wekilning ishtirak qilishi kütülmekte.»
amérikidiki türk-amérika xewer munbiri «halil kayikchi tashqi pilantqa chiqidighan tunji türk bolidu»serlewhilik xewiride munularni yazdi:«türkiyedin xelqaraliq bir musabiqige qatniship eng yuqiri nomurgha érishken halil kayikchi, tashqi alemni ziyaret qilidighan tunji türk bolush üchün kün sanimaqta. kayichki istanbul téxnika uniwérsitéti tashqi pilant inzhinirliqi bölümining 4-sinip oqughuchisidur. amérikida 1 hepte astironomiye telimi alghanliqini éytqan kayikchi, 2017-yili pilanlanghan alem sepiride tashqi alem chégrisidin halqip ötüp,yuqirigha 103 kilométirghiche chiqip dunyani golubus sheklide körüp yer sharigha qaytip kélidu.»
gérmaniyediki Deutsche Welle agéntliqi «helebte urush toxtitish mudditi uzartildi» serlewhilik xewiride munu uchurlarni oqurmenliri bilen ortaqlashti: «helebtiki urush toxtitish mudditining toshushigha az qalghanda, esed hakimiyiti urush toxtitish mudditini yene ikki kün uzartqanliqini uqturdi. keskin toqunushlargha sehne bolghan helebtiki qerellik urush toxtitish kélishimi bir hepte ilgiri emeliylishishke bashlighan bolup, ilgirimu mudditi bir qétim uzartilghanidi. süriye miqyasida élan qilinghan urush toxtitish kélishimining dawamliq buzghunchiliqqa uchrap kélishige qarita, amérika bilen rusiye helebtiki urush toxtitish kélishimining mudditini uzartishni qarar qilishti. besh yil dawamlashqan süriyediki ichki urushning eng muhim yerliridin biri bolghan heleb qismen hakimiyet küchliri bilen isyankar guruhlar teripidin kontrol qilinmaqta.»
rusiyediki xelqara xewer agéntliqi Sputnik «tiramp musulman cheklimisige mustesnalarni qoydi»serlewhilik xewiride munulargha orun ajratti: «firansiyening paytexti parizhda 2015-yili yanwarda meydangha kelgen hujumlardin kéyin musulmanlarni amérikigha kirgüzmeslik teklipini otturigha qoyghan we özi pirizidént bolghan ehwalda bu ishi choqum wujudqa chiqiridighanliqigha wede bergen amérika jumhuriyetchi partiyening reis namzat namzati donald tiramp, engliyening paytexti londunning bir rayonigha sadiq xan isimlik bir musulmanning bashliq bolushining mustesna ehwal ikenlikini, shunglashqa uning amérikigha kirishige ruxset qilidighanliqini bildürdi. tiramp sadiq xangha nisbeten qaide-pirinsiplarni yumshitish éhtiyaji hés qilishigha, sadiq xanning yaxshi ishlarni wujudqa chiqirip ülge yaritish éhtimalining barliqini seweb qilip körsetti.»
engliyediki REUTERS agéntliqi «erdoghan: yawropa térrorchi guruhlarning siyasiy qanatliri üchün bixeter rayondur, dédi» serlewhilik xewiride munularni qeyt qildi: «türkiye jumhur reisi rejep tayyip erdoghan seyshenbe küni yawropa döletlirini, térrorluq teshkilatlirining siyasiy qanatliri üchün bixeter rayon bolush bilen eyiblep, yawropaning türkiyege térrorizimgha qarshi küreshlerde artuq sawaq bérishining külkilik bolidighanliqini éytti. erdoghan enqerede bergen bayanatida yawropa ittipaqining térrorchi guruhlargha munasiwetlik qanunlirini aldi bilen özlirining özgertishi kéreklikini we yawropaning türkiye puqralirining wizisiz sayahet qilish toghrisida bergen wedisini bu yil öktebir éyighiche ishqa ashurushini ümid qilidighanliqini qeyt qildi.»
irandiki irna xewer agéntliqi «iran bilen türkiye tamozhna saheside hemkarliq kélishimi imzalidi»serlewhilik xewiride munularni neqil qildi: «iran bilen türkiye tamozhna idariliri bashliqliri ikki dölet otturisidiki sodini rawanlashturush we ikki döletning iqtisadiy munasiwetlirini kücheytish meqsitide hemkarliq kélishimi imzalashti. mesut kerbasiyan bilen jinab ashchi ikki dölet otturisidiki soda ishlirini janlandurush we iqtisadiy munasiwetlerni tereqqiy qildurushtiki tamozhna tosalghuliri toghrurluq 25 téma bilen hel qilish yolliri üstide kéngeshti. ikki terep körüshkendin kéyin bu dairni chöridigen halda kélishim hasil qilishti. bazergan-gürbulagh chégra éghizini 24 saet échiwéish,x-ray üskünisini ishlitish arqiliq zeherlik chékimlik we mal etkeschilikige qarshi birlikte küresh qilish qatarliq mesililer kélishim qataridin orun aldi, iran bilen türkiye otturisida imzalanghan kélishim 2016-yili iyunda ijra qilinishqa bashlaydu.»


خەتكۈچ: türkiye , erdogha , daésh

مۇناسىۋەتلىك خەۋەرلەر