türkiye metbuatlirida bügün 09.05.2014

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

türkiye metbuatlirida bügün 09.05.2014

türkiye awazi radiyosi xewiri: «‹yéngi shepeq› géziti», «sanaet dunyasi mehsulatlirini ishlepchiqirish süriti yenimu yüksek sewiyege yetmekte» serlewhilik xewiride, tereqqiyatning bashlamchisi hésablinidighan sanaet mehsulatlirini ishlepchiqirishning, mart éyida % 4.2 ashqanliqini yazdi. gézit, bilim, sanaet we téxnologiye ishliri ministiri fikri ishiqning, mart éyida sanaet mehsulatlirini islepchiqirishta nahayiti zor muweppeqiyetlerning qolgha keltürülgenlikini tekitlep, uda 3 aydin buyan mölcherdikidinmu yüksek sewiyede qolgha keltürülüwatqan muweppeqiyetlerning eslide sanaetchilerning hökümet we muqimliqqa ishinidighanliqining namayendisi ikenlikini éytqanliqini oqurmenliri bilen ortaqlashti.
«‹sitar› géziti», «atatürk ayrodurumi we sabiha gökchen ayrodurumigha mukapat» serlewhilik xewiride, istanbulning ikki ayrodurumiigha engiliye merkezlik awiyatsiye we xewer analiz tor béti Anna.aero din mukapat kelgenlikini yazdi. gézit, istanbul atatürk ayrodurumning uchush torigha ilawe qilinghan 20 yéngi nuqta arqiliq Euro Annies 2014 mukapatlirida «eng köp yéngi uchush nuqtisigha ige ayrodurum» unwanigha érishkenlikini oqurmenliri bilen ortaqlashti. gézitning xewiride, istanbul atatürk ayrodurumning, yoluchilargha ela mulazimet qilish jehettinmu öz katégoriyeside dunya boyiche eng munewwer 10 ayrodurum qataridin orun alghanliqi eskertildi. gézit, istanbul sabiha gökchen xelqara ayrodurumining bolsa «yawropaning uchqandek tereqqiy qiliwatqan ayrodurumi» mukapatigha layiq körülgenlikini qeyt qildi.
«‹sabah› géziti», «yuniklo türkiyeni mehsulat bazisigha aylanduridu» serlewhilik xewiride, 1 yilgha yéqin waqittin buyan türkiyede köp miqdarda mehsulat ishlepchiqarghuzush üchün fabrika izdewatqan yaponiyening yuniklo kiyim - kéchek shirkitining, 3 shirket bilen kélishim tüzgenlikini yazdi. gézit, shirketning ti shekillik mayka bilen jénis shim ishlepchiqirish üchün yéshim tekstil, imteks we tayeks shirketliri bilen kélishim hasil qilghanliqini oqurmenliri bilen ortaqlashti. gézitning xewiride, türkiye kiyim - kéchek sanaetchiliri jemiyitining sahibxaniliqida ötküzülgen 4 - nöwetlik istanbul moda konféransida söz qilghan yuniklo guruhi shirkitining muawin diréktori yoshihiro kuniining, «yawropadiki soda ishlirimizni türkiye arqiliq ishqa ashurushni pilanlawatimiz. bu meqsette türkiyede ish béjirish orni achimiz» dégen sözliri neqil keltürüldi.
«‹ milliyet› géziti», « NASA marsta parnik quridu» serlewhilik xewiride, amérika alem qatnishi idarisi (NASA) ning, marsqa qoyup béridighan kéyinki mashina ademning nishanining seyyaride ösümlük yétishtürüsh ikenlikini yazdi. gézit, mashina adem bilen birlikte qoyup bérilidighan uruqlarning seyyarini paskina qiliwetmesliki üchün parnikning ichide qalidighanliqi, marsqa yétip bérip, 15 kün kéyin uruqlarning bix urushining texminen qiliniwatqanliqini oqurmenliri bilen ortaqlashti. gézitning xewiride, bu sinaq üchün qizil seyyarige dunya hawasi bilen su élip bérishning mumkin yaki emesliki, marsta ösümlükler üchün uyghun sharaitni yaratqili np bolmaydighanliqining éniqlap chiqilidighanliqi eskertildi.

 


خەتكۈچ:

مۇناسىۋەتلىك خەۋەرلەر