türkiye metbuatlirida bügün 13.05.2014

türkiye metbuatlirida bügün 13.05.2014

türkiye awazi radiyosi: 

milliyet géziti, «rékort derijilik tölem jazasining héch qandaq asasiy yoq» serlewhilik xewiride, yawropa kishilik hoquq sot mehkimisining 1974 – yilidiki qibris (siprus) tinchliq herikiti yüzisidin türkiyeni qibris (siprus) rum terepke 90 milyon yawro tölem töleshke höküm qilghanliqigha qarita türkiye tashqi ishlar ministirlikining qattiq inkas qayturghanliqini yazdi.

xewerde, türkiye tashqi ishlar ministirlikining «asassiz bir qarar» dep baha bergenliki, shimaliy qibris (siprus) türk jumhuriytiningmu bu qarargha qarita «qetiy qobul qilghili bolmaydighan qarar» dep inkas qayturghanliqi qeyt qilindi. hemde dölitimiz tashqi ishlar ministiri ehmet dawutoghluning «ijra küchi bolmighan qimmetsiz bir qarar»dégenliki tekitlendi.

xeber türk géziti, «qetli qilinghan 6 neper boshnaq depin qilindi» serlewhilik xewiride, bosniye urushi jeryanida sériblar teripidin öltürülgen biraq jesiti aridin qanchilighan yillar ötkendin kéyin ijtimaiy mazarliqlardin tépilghan 6 kishining qaytidin depne qilinghanliqini yazdi.

xewerde, ijtimaiy mazarliqtin jesiti chiqirilghan 6 neper boshnaqning eyni chaghda 3 mingdin artuq kishi qetliam qilinghan biratunatis yézisida jinaze namizi oqulghandin kéyin welyatsi mazarliqigha depne qilinghanliqi, kimlikliri éniqlap chiqilghan bu jesetlerning eng kichiki 15 yashliq ismir mezilow we eng chongi 70 yashliq zina setdinowich ikenliki qeyt qilindi.

sabah géziti, «"A400M" tipliq ayropilanni abdullah gül tapshurup aldi» serlewhilik xewiride, muhim üskinilirini türkiye ishlepchiqarghan "A400M" tipliq ayropilanning dölitimiz jumhur reisi abdullah gülmu ishtirak qilghan alahide murasim bilen türkiye armiyesi bash qomandanliq ishtabigha tapshurup bérilgenlikini oqurmenliri bilen ortaqlashti.

sitar géziti, «türkiye "CERN" ge eza boldi» serlewhilik xewiride, türkiyening kainatning shekillinishini aydinglashturup béridighan shundaqla mushu esirning eng ilghar séniqi bolup bahalanghan shiwétsariyediki yawropa yadro tetqiqat merkizi "CERN" ge shérik eza bolghanliqini qeyt qildi.

xewerde, türkiye énérgiye we tebiéy bayliqlar ministiri taner yildizning «shérik eza bolush süpiti bilen intayin muhim sinaq we tetqiqatlargha dölitimizning nahayitimu qimmetlik alimliri ishtirak qilidu. ilim – pen saheside muhim ilgirileshlerni yaritidu»dégenliki bildürüldi.

weten géziti, iqtisad sehipisidiki «yawropagha tünji qedem istanbuldin bashlandi» serlewhilik xewiride, amérika öy jéhazliri, bézek we öy zibu zinet eshyaliri parche sétish bazar zenjizi (Crate and Barrel) shirkitining yawropadiki tünji magzinini istanbulda achqanliqini yazdi.

xewerde, (Crate and Barrel) shirkitining türkiye mudiri nur aqgérmanning istanbulda ikkinchi magzinlirinimu achidighanliqini bildürüp, «5 yilliq tereqqiyat pilanigha parallél halda 9 dölette jemiy 30 gha yéqin magzin échishni pilanlawatimiz, istanbul (Crate and Barrel) shirkitining rayondiki yéngi merkizi bazisigha aylinidu» dégenliki qeyt qilindi.


خەتكۈچ:

مۇناسىۋەتلىك خەۋەرلەر