türkiye metbuatlirida bügün 22.05.2014

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

türkiye metbuatlirida bügün 22.05.2014

türkiye awazi radiyosi xewiri: «‹ milliyet› géziti», «mawi marmara délosi üchün dangliq adwukat» serlewhilik xewiride, israiliye armiyesining ghezze qorshawini yimirip tashlash meqsitide seperge atlanghan mawi marmara paraxotigha 2010 - yili 31 - may küni qilinghan hujumda hayatidin ayrilghan 9 neper türkiye puqrasining yéqinlirigha dunyagha dangliq bir adwukatning wekillik qilidighanliqini yazdi. gézit, yugoslawiyening sabiq pirézidénti silobodan miloséwichning laheydiki xelqara jinayi ishlar sot mehkimiside sotlinishida muhim rol oynighan we süriyede beshshar esed hakimiyitining sistémiliq ten jazalirini otturigha chiqarghan doklatqa tetqiqatchi süpitide hesse qoshqan adwukat sir géofréy naysning, mawi marmara hujumi qurbanlirigha xelqara jinayi ishlar sot mehkimiside wekillik qilidighanliqini oqurmenliri bilen ortaqlashti.
«‹yéngi shepeq› géziti», «türkiye herbiy ishlar éléktir téxnika sanaiti shirkitining alemshumul muweppeqiyiti» serlewhilik xewiride, türkiye herbiy ishlar éléktir téxnika sanaiti shirkitining, rowliz roys shirkiti bilen motor, eyrbus shirkiti bilen süniy hemrah, lazér meshghulatliq simsiz télégraf xewerlishish sistémisi saheliride kélishim hasil qilghanliqi bildürüldi. gézit, kélishimning türkiyening yer shari xaraktérlik bazarlargha yürüsh qilishida nahayiti zor rol oynaydighanliqini eskertti. gézitning xewirining dawamida, yerlik rakéta ishlepchiqiridighan rakéta sanaiti we soda cheklik shirkiti (ROKETSAN) ning bolsa eyrbus mudapie we alem boshluqi sanaiti shirkiti bilen herbiy ishlar awiyatsiye saheliride kelgüsidiki hemkarliq xizmetliri üchün kélishim layihesi imzalighanliqi qeyt qilindi.
«‹sabah› géziti», «engiliyede maarip saheside ‹lale dewri› xizmetke kirishtürülüsh aldida turmaqta» serlewhilik xewiride, engiliyede «a mulazimiti» depmu bilinidighan we uniwérsitétqa teyyarliq qiliwatqan oqughuchilargha qaritilghan teyyarliq we teng ünümlük programmisigha, kéler yildin étibaren osmanli impériyesi we islamning güllinishi qatarliq dersliklerningmu daxil qilinishining pilanliniwatqanliqini oqurmenliri bilen ortaqlashti. gézit, imtihan ishliri komitéti tarix penliri mesulining, hemishe oxshash mesililerde we 20 - esir merkez qilinghan témilarning tallinishi tüpeyli tenqid qilinghanliqlirini, nishanlirining oqughuchilargha téximu ewzel sharait yaritip bérish ikenlikini éytqanliqini qeyt qildi.
«‹ weten› géziti», «medeniyet - senet xewerliri» sehipisidiki «morisidin ‹istanbul› namliq ezanliq naxsha» serlewhilik xewiride, dunyagha dangliq engiliye pop naxshichisi morisining yéngi albumidin, «istanbul» namliq naxshisiningmu orun alghanliqini yazdi. gézit, naxshining ezan bilen bashlinishining diqqet qozghighanliqini oqurmenliri bilen ortaqlashti.
«‹ axsham› géziti», «tenterbiye xewerliri» sehipisidiki «milliy komanda mahirliridin soma signali» serlewhilik xewiride, türkiye a milliy putbol komandisining, kosowada ötküzülgen teyyarliq musabiqisige qara kiyim bilen qatnashqanliqini yazdi. gézit, türkiye milliy komandisining reqibini 1- 6 yenggenlikini, mahirlarning musabiqidin kéyin xushalliqini izhar qilmighanliqini oqurmenliri bilen ortaqlashti.


خەتكۈچ:

مۇناسىۋەتلىك خەۋەرلەر