türkiye metbuatlirida bügün 05.05.2014

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

türkiye metbuatlirida bügün 05.05.2014

türkiye awazi radiyosi: «‹milliyet› géziti», «afghanistanda matem élan qilindi» serlewhilik xewiride, afghanistanning sherqiy shimaligha jaylashqan bedexshan wilayitining abi bariq yézisida jüme küni kechte meydangha kelgen tagh siyrilip chüshüsh weqeside hayatidin ayrilghanlar üchün dölet miqyasida matem élan qilinghanliqini qeyt qilghan gézit, ölgenler sanining téximu éship kétish éhtimali barliqining eskertilgenlikini tekitlep ötti. qélin lay qatlimi tüpeyli izdesh – qutquzush xizmetlirini dawamlashturushning mumkin bolmay qalghanliqini eskertken gézit, alaqidar mesullarning diqqet – étibarini öy – makanliridin ayrilip qalghan 700 ailige aghdurghanliqini oqurmenliri bilen ortaqlashti.
«‹sabah› géziti», «b d t suriyeliklerni ölümge tashlap qoydi» serlewhilik xewiride, suriyege qoshna eller yighinining iyordaniyening sahibxanliqida chaqirilghanliqini yazdi. gézit, iyordaniyediki zateri musapirlar lagérida üchinchi qétimliqi üchün yépiq yighindin kéyin bayanat bergen diplomatiye ministiri ehmed dawutoghluning, birleshken döletler teshkilati (b d t) ning suriyege jaza yürgüzmey milyonlarche ademni esedning merhemitige qoyup qoyghanliqini éytqanliqini eskertti. gézit, ikkinchi nöwetlik jenwe yighinining meghlubiyetke uchrighanliqini bildürgen dawutoghlu, diplomatik chare tépilmighanliqi üchün meydanlardiki toqunushlarning küchiyip ketkenlikini eskertkenliki, bu jeryanda türkiyening 3 milyard dollar, xelqara jemiyet peqet 150 milyon dollar pul chiqim qilghanliqini tekitlep ötkenlikige isharet qildi.
«‹star› géziti», «2014- yilliq muhit qurulushi sahesi yermenkisi (ISK-SODEX 2014) ge 838 shirket ishtirak qilidu» serlewhilik xewiride, muhit qurulushi sahesining qelbining 7- maydin 10 – mayghiche bolghan ariliqta yéshildiki köydiki istanbul yermenke merkizide échilidighan 2014- yilliq xelqara issitish, sowutush, hawalandurush, qaplash, su ayrish we qoyash énérgiyesi sistémiliri yermenkiside soqidighanliqini eskertti. gézit, 838 shirketning ishtirak qilishi arqisida xannowér – méssé sodéks teripidin orunlashturulghan yermenkide sahediki yéngiliqlar we sanaet sahesidiki özgirishlerning körgezme qilinidighanliqini yazdi. xewerde, 55 ming kiwadrat métirliq sahede ötküzülidighan yermenkini türkiyelik we chet ellik bolup 90 ming ademning ékskursiye qilishining kütülüwatqanliqigha isharet qilindi.
«‹weten› géziti», «menchuna sharqiratmisi séhirlimekte» serlewhilik xewiride, artwinning arhawi nahiyesidiki ming türlük ösümlük türini baghrigha bésip yatqan kamilet jilghisidiki menchuna sharqiratmisigha bahar peslining kélishi bilen birlikte tebietsöyerlerning sel bolup aqqanliqini eskertti. gézit, tebietsöyerlerning küchlük qiziqishini tartiwatqan jilgha ormanlirining éqinliri, yawayi hayat, tarixiy köwrükliri we sharqiratmiliri bilen türkiyediki muhim sayahet rayonlirining biri ikenlikini oqurmenliri bilen ortaqlashti.
«‹yéngi shepeq› géziti», «dunya tamasha qildi» serlewhilik xewiride, alanyada bashlanghan 50- nöwetlik jumhur reislik sariyi wélisipit musabiqisining istanbul qismining rengdar körünüshlerge sehne bolghanliqini eskertti. biritaniyelik mark kawéndishning musabiqide birinchi bolghanliqini yazghan gézit, 196 dölette yawrosiport qatarliq 21 qanal teripidin tarqitilghan musabiqining yüz milyonlarche kishige istanbulni tonutqanliqini qeyt qildi.


خەتكۈچ:

مۇناسىۋەتلىك خەۋەرلەر