türkiye metbuatlirida bügün 07.05.2014

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

türkiye metbuatlirida bügün 07.05.2014

türkiye awazi radiyosi: «yéngi shepeq géziti», dölitimiz jumhur reisi abdullah gülning giruziye paytexti tiblista ötküzülgen türkiye – giruziye – ezerbeyjan aliy rehberler yighinining échilishida söz qilghanda, kawkaz rayonida ortaq nishangha ige üch döletning dölet bashliqliri bolush süpitide bir yerge jem bolghanliqlirini eskertkenlikini xewer qildi.

gézitning xewiride, abdullah gülning, «biz kawkaz rayonining égiz taghlirining tam bolushini yoq qilduq» dégenliki bildürüldi.

«star géziti», misirda ötküzülidighan pirézidéntliq saylimigha namzat bolghan sabiq dölet mudapie ministiri abduletif elsisining, «pirézidént bolghan mezgilimde ixwan (musulmanlar qérindashlar teshkilati) dégen bir nerse qalmaydu» dégenlikini xewer qildi.

xewerde, ixwanning bolsa, «misirning yéqinqi tarixida nurghunlighan qiyinchiliqlargha duch kelgenlikini, emma ‹ixwan yoqilidu› dégen rehberlerning hemmisining textliridin ayrilip, eng axirida ixwanning qalghanliqi» ni bildürgenliki tekitlendi.

«sabah géziti», 2014 – yil 17 – mart göljüktin ayrilghan türkiye urush paraxotlirining jenubiy afriqa sahillirigha yétip barghanliqini élan qildi.

xewerde, kéyip tawn (Cape Town) portida zenjir tashlighan türkiye paraxotlirining aridin 148 yil ötkende qaytidin ümid tumshuqidin ötkenliki eskertildi.

xewerde yene, 1866 – yili osmanlining ikki paraxotining afriqining jenubiy uchida wezipe ötigenliki eslitip ötüldi. «milliyet géziti», türkiyening aldinqi qatarida turidighan ikki shirketning qatar paytexti dohaning métro qatnishidiki eng uzun linye bolghan «altun linye» ning yasilishini höddige alghanliqini xewer qildi.

gézitning xewiride, buning 2022 – yili ötküzülidighan dunya longqisi putbol musabiqisigha teyyarliq qilish üchün sélinghan mebleghler arisida 4.4 milyard dollarliq sermaye bilen, qatarda bu meqsette meblegh sélinghan eng chong layihe ikenliki alahide tekitlendi. «axsham géziti», türkiye akbank (Akbank) tetqiqat merkizining bash mudiri banu özjanning, gérmaniye héssén ishtati iqtisad ministirlikining teklipi we testiqi bilen, gérmaniye merkiziy bankisining bashliqi doktor j. wéydman teripidin frankfurt – héssén merkiziy bankisi meslihetchiler kéngishining ezaliqigha xizmetke qoyulghanliqini xewer qildi.

xewerde, özjan 2014 – yili 1 – maydin bashlap 3 yilliq xizmetke qoyulghan gérmaniye merkiziy bankisi frankfurt – héssén ishtati meslihetchiler kéngishide 14 ademning barliqi, buning ichidiki yette ademning pul – muamile sahesidin tallanghanliqi qeyt qilindi.

«hörriyet géziti», engliyede chiqidighan guardiyan gézitining tebiiy güzellik, kilimat, astiqurulma, qatnash, parawanliq we ijtimaiy alaqe wastilirining omumlishishi qatarliq ölchemler boyiche dunyadiki marka qimmiti eng yuqiri 56 sheherni derijige tizip élan qilghanliqini xewer qildi.

gézitning xewiride, tizimlikte istanbulning 11 – orunda turghanliqi eskertildi.


خەتكۈچ:

مۇناسىۋەتلىك خەۋەرلەر