türkiye metbuatlirida bügün 08.05.2014

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

türkiye metbuatlirida bügün 08.05.2014

türkiye awazi radiyosi xewiri: «‹sabah› géziti», «yawropa - ottura asiya qatnishining süriti tézlishidu» serlewhilik xewiride, türkiye - giruziye - ezerbeyjan üch terep ali derijilik rehberler yighini üchün 5 - may küni giruziyege yétip barghan jumhur reis abdullah gülning, tünügün giruziye pirézidénti giorgi margiwélashwili bilen pirézidént sariyida bir yerge jem bolghanliqini yazdi. gézit, abdullah gül bilen giorgi margiwélashwilining ayrim we heyetler ara uchrishishlardin kéyin qoshma axbarat élan qilish yighini ötküzgenlikini oqurmenliri bilen ortaqlashti. gézitning xewiride, abdullah gülning axbarat élan qilish yighinida qilghan sözide, «qatnash saheside sarp éghizi qatnash muzalimitini téximu tézleshtürüsh xizmitini ishqa kirishtürduq. pütkül yawropaning türkiyening kawkaz rayonini quruqluq arqiliq ottura asiyagha tutashturidighan qatnash liniyesining süritini téximu tézlitimiz» dégen sözliri neqil keltürüldi.
«‹sitar› géziti», gérmaniye dairilirining irqchi milliy sotsiyalist yer asti térrorluq teshkilati (NSU) sadir qilghan 8 jinayet dawasini sotlashta meghlubiyetke uchrighanliqini yazdi. gézit, dairilerning tasadipiy otturigha chiqip qalghan zenjirsiman jinayetlerni yoshurushqa tirishiwatqanliqi, dawaning birdin - bir jawabkari biaté chépéning 100 - qétimliq sotlashtinmu hoshsizlanghanliqini bahane qilip, qutulup qalghanliqini oqurmenliri bilen ortaqlashti. gézitning xewiride, séghiz kempüt chaynap, qurbanlarning yéqinlirigha arqisini qilip turghan biaténing, sotta bir éghizmu gep qilmastinla hoshidin ketkenliki eskertildi. gézit, guwahchilarning aldin pütüshüwalghandekla «ésimge alalmaywatimen» dégenlikini, muhim uchurlarni yetküzidighan mexpiy guwahchiningmu öyide ölüp qalghanliqini qeyt qildi. gézit, adwukat tülay kocherning, «jawabkar bilen guwahchilar sot mehkimiside bilgenlirini éytishqa mejbur qilinmaywatidu, bir nerse démesliki terghib qiliniwatidu» dégen sözlirini neqil keltürdi.
«‹yéngi shepeq› géziti», «humustin qéchish» serlewhilik xewiride, süriyede beshshar esed hakimiyitining bombardimani netijiside xarabilikke aylanghan we étnik tazilash tüsini alghan herbiy heriketler dawamlishiwatqan humustiki puqralarning birleshken döletler teshkilatining közitishi astida tarqaqlashturulushqa bashlighanliqini yazdi. gézit, xelq qozghilanglirining qelesi dep atalghan humus shehiride xelqning, uda ikki yildin buyan qorshaw astida ikenlikini oqurmenliri bilen ortaqlashti.
«‹ axsham› géziti», «sirébrénitsa qirghinchiliqi filim qilip ishlinidu» serlewhilik xewiride, ikkinchi dunya urushidin kéyin yawropada yüz bergen eng chong irqiy qirghinchiliqning filim qilip ishlinidighanliqini yazdi. gézit, 1991 - 1995 - yilliri yugoslawiye ichki urushi mezgilide yüz bergen sirébrénitsa qetliami toghruluq filim ishlinidighanliqini oqurmenliri bilen ortaqlashti. 8 ming boshnaq musulman qetle qilinghan sirébrénitsa qetliami mezmun qilghan filimning bu yazning axirliri tamamlinidighanliqini eskertken gézit, filim ishlesh üchün bosna hersekning paytexti saraybosnada filim ishlesh sahesi berpa qilinidighanliqini tekitlidi.
«‹ weten› géziti», «iqtisadiy uchur» sehipiside, aqdéngiz sayahet méhmansarayliri we karxanichilar birlikining, antaltagha munasiwetlik élan qilghan bayanatliri heqqide melumat berdi. gézit, türkiyediki muhim sayahet merkezliridin biri bolghan antalyagha bu yilning deslepki 4 éyida kelgen chetellik ziyaretchilerning sanining, % 5.1 éship, 1 milyon 318 minggha yetkenlikini oqurmenliri bilen ortaqlashti.

 


خەتكۈچ:

مۇناسىۋەتلىك خەۋەرلەر