türkiye metbuatlirida bügün 12.05.2014

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

türkiye metbuatlirida bügün 12.05.2014

türkiye awazi radiyosi:

sabah géziti «49 milyardliq mudapie layihesi» serlewhilik xewiride, xelqara ölchemlerde ishlepchiqirilghan oq ötmes aptomobillar, sahil bixeterlik kémiliri, saqchi katirliri, hawa mudapie sistémiliri qatarliq pütkül dunyada qiziqish peyda qilghan türk mudapie sanaitining kirimi we éksportining izchil éshiwatqanliqini qeyt qildi. gézit 334 layihe üstide xizmet qiliwatqan mudapie sanaiti idarisining 2013-yilida layihlirige 49 milyard türk lirasi sélinma salghanliqini oqurmenliri bilen ortaqlashti. xewerde mudapie sanaitining yilliq kirimining 5 milyard dollargha yetkenliki qeyt qilindi.

aksham géziti «ford aptomobil sanaitining yéngi mehsulati, göljüktin dunya bazirigha sélinidu» serlewhilik xewiride, ford aptomobil shirkiti teripidin soda we normal dep ikki türde layihilengen yéngi tiranst koriyir we torno koriyirning göljük zawutida ishlepchiqirilip dunya bazarlirigha éksport qilinidighanliqini qeyt qildi. gézit tiranst koriyir we torno koriyirde eng töwen yéqilghu serpiyati, eng bixeter we rahetlik sistémisi barliqini yazdi.

watan géziti «engliyedin kéyin ikkinchi orunda turimiz» serlewhilik xewiride, türkiyede kéyinki yillarda banka we inawetlik banka kartuchkisini ishlitish nisbiti téz sürette éshiwatqan bir peytte türkiyening banka kartuchkliri ishlitish jehette yawropada aldinqi orunda turidighanliqini bildürdi. gézit, engliyening 151 milyard 600 milyon dane bolghan banka we 56milyon 400 ming inawetlik banka kartuchkisi bilen yawropada birinchi orunda turidighanliqi, türkiyening bolsa 145 milyard 600 milyon banka kartuchkisi we 54 milyon 300 ming inawetlik banka kartuchkisi bilen ikkinchi orunda turidighanliqini qeyt qildi.

yéngi shepeq géziti «türk aliy mektepliri kosowada paaliyet ötküzdi» serlewhilik xewiride, yunus emre pirishtine türk kültür merkizi bilen pirizrén merkezlik türkiye oqush püttürgen oqughuchilar jemiyiti teripidin tunji qétim kosowada ötküzülgen maarip yermenkisige nurghun ademning qatnashqanliqini yazdi. gézit yermenkide aliy maarip üchün chetelge chiqishni pilanlighan oqughuchilarning süpetlik oqu-oqutushi bolghan türk aliy mektepliri bilen biwaste tonushush pursitige érishkenlikini oqurmenliri bilen ortaqlashti. xewerde, toghra qarar bérish üchün aliy mektep namzatlirining yermenkide aliy mekteplerning oqu-oqutush we almashturush pirogrammiliri, oqutquchilar qoshuni, oqush puli imkaniyetliri, oqughuchilar yataq binaliri, iltimas qilish shertliri qatarliq mesililerde biwaste aliy mekteplerdin melumat élish pursitige érishkenlikini oqurmenliri bilen ortaqlashti.

yéngi shepeq géziti «kowidiyindin 5000 kishige tibbiy telim terbiye» serlewhilik xewiride, méditsina mehsulatliri saheside dunya boyiche eng küchlük shirketlerdin bolghan kowidiyining türkiyede tetqiqat merkizi achqanliqini yazdi. gézit istanbuldiki yéngi merkezning ilghar üsküne we téxnikilarni ishlitip rayon döletlirinimu tibbiy sahede mulazimet we téxnika bilen teminlesh üchün telim-terbiye kursliri tesis qilidighanliqlirini uqturdi. xewerde yéngi merkezning türkiye we rayon döletliridin yilda 5000 din artuq sehiye xadimigha kurs béridighanliqi qeyt qilindi.


خەتكۈچ:

مۇناسىۋەتلىك خەۋەرلەر