erdoghan bilen eliyéw: biz bir millet ikki döletimiz

jumhur reis rejep tayyip erdoghan bilen pirizédént eliyéw türkiye bilen ezerbeyjanning bir millet ikenlikini bildürdi.

erdoghan bilen eliyéw: biz bir millet ikki döletimiz

türkiye awazi radiyosi xewiri: jumhur reis rejep tayyip erdoghan birleshken döletler teshkilati medeniyetler ittipaqi 7-nöwetlik dunya munbirige ishtirak qilish üchün yétip barghan ezerbeyjanda, pirizédént ilham eliyéw bilen körüshti.

zagulba pirizédéntliq sariyda ishqa ashqan körüshüshte, erdoghan bilen eliyéw ikki dölet otturisidiki istiratégiyelik hemkarliqqa tayanghan dostluq we qérindashliq munasiwetlirining barliq sahelerde muwappiqiyetlik halda tereqqiy qiliwatqanliqidin tolimu xursen ikenliklirini bildürüshti.

dölet rehberlirining izchil alaqe ichide bolushlirining munasiwetlerning tereqqiyati nuqtisidin muhim rol oynaydighanliqini tekitlep ötken rehberler, munasiwetlerning buningdin kéyin téximu küchiyidighanliqigha chongqur ishinidighanliqlirini tekitleshti.

b d t medeniyetler ittipaqi 7-nöwetlik dunya munbirimu kéngesh qilinghan körüshüshte, bu qétimqi paaliyetning xelqaraliq hemkarliqqa zor paydisi tégidighanliqi bildürüldi.

erdoghan we eliyéw türkiye bilen ezerbeyjan hemkarliship élip bériwatqan anadolu tebiiy gaz turubba liniyesi layihesi bolup énérgiye sahesidiki barliq hemkarliqni kücheytish mesilisi bilen taghliq qarabaghning nöwettii weziyiti üstidimu kéngesh qilip, «bir millet, ikki dölet» chüshenchisini tekitlidi.

ikki rehberning körüshüshi axirlashqandin kéyin, eliyéw erdoghanning sheripige ziyapet berdi. pirizédént erdghoghanning repiqisi emine erdoghan bilen eliyéwning repiqisi mihriban eliyéwmu ishtirak qilghan ziyapet texminen bir yérim saet dawamlashti.


خەتكۈچ: erdoghan , eliyéw , türkiye , ezerbeyjan

مۇناسىۋەتلىك خەۋەرلەر