03.05.2016

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

03.05.2016

türkiye awazi radiyosi xewiri: «‹yéngi shepeq› géziti», «semimiyet nöwiti yawropa ittipaqida» serlewhilik xewiride, töwendiki melumatlargha orun ajratti: «türkiye puqralirining aridin 36 yil ötkendin kéyin wizisiz sayahet qilishini ishqa ashurushning aldinqi sherti bolghan 72 shertning axirqisi bügün türkiye büyük millet mejliside muzakire qilinidu. shunga nöwette hemmining diqqiti türkiyening mezkur shertlerni ada qilip qilmighanliqigha munasiwetlik doklatini ete élan qilidighan yawropa ittipaqi komitétigha aghduruldi. türkiye bolsa yawropa ittipaqining ete élan qilidighan doklatigha ijabiy qarimaqta.»

«‹sitar› géziti», «iranliq ministirdin türkiyege teklip: ortaq aptomobil ishlepchiqirayli!» serlewhilik xewiride, töwendiki bayanlargha orun ajratti: «émbargolardin xalas tapqan iran bilen türkiye otturisidiki soda munasiwetliri janlinishqa bashlidi. istanbul soda – sanaetchiler birleshmisi tarixiy tunji chet el  ziaritini iranda ishqa ashurdi. 70 kishilik heyet bilen birlikte téhrangha ketken istanbul soda – sanaetchiler birleshmisining ijraiye heyitining bashliqi erdal bahchiwan téxnologiye ministiri we sanaet ishliri ministiri bilen ayrim - ayrim körüshti. türk karxanichilirimu iranliq 202 shirket bilen ayrim - ayrim körüshti. iran soda – sanaet ishliri ministiri muhemmed riza németzade ikki dölet otturisida yéngi hemkarliq ornitish éhtimalliqining barliqini tekitlep, ‹% 50 ortaq hemkarliq layihesi dairiside yéngi aptomobil ishlepchiqirip, pütkül jahangha éksport qilishimiz mumkin› dédi.»

«‹höriyet› géziti», « Judith Libermandin keloghlan meselliri» serlewhilik xewiride, töwendiki mezmunlargha orun ajratti: «firansiyelik hékaye yazghuchisi Judith Liberman eqil – parasiti, jasariti we sapdilliqi bilen balilarning qelbidin chongqur orun alghan qehriman keloghlan medeniyet we sayahet ishliri ministirliqining ‹liwiye yolida meseller› témiliq layihesi dairiside 5 hékaye yazdi. bu meseller 9 – 14 – may künliri ötküzülidighan paaliyet arqiliq sirttin kelgen chet ellik zhurnalistlar teripidin dunyagha dangliq bloglar weInstagram  sahiblirigha tonushturulidu. paaliyet arqiliq oxshimighan nuqtilarda Liberman tonushturidighan mesellerning qisqiche widéoliri süretke élinidu we bu widéolar türkiyediki ammiwi taratqularda ‹likya yolidiki meseller› we ‹anadolu hékayiliri› témiliri astida élan qilinidu.»

«‹höriyet› géziti», «üzüki türk layihesi» serlewhilik xewiride, töwendiki jümlilerge orun ajratti: « Beyonce dunya muzikiliri tizimlikini astin – üstün qiliwetken ‹ Lemonade› naxshisigha oxshashla parchisimu tamashibinlarning qizghin alqishigha érishmekte. amérikiliq naxshichining parchisidiki türk layihechi milka qaraaghligha ait Monogram B  shekillik bir üzük türk tamashibinlarning diqqitini qozghidi.»

«‹weten› géziti», «chaqir rio dé zhanéyroda ötküzülidighan olimpik tenheriket musabiqiside répirliq qilidu» serlewhilik xewiride, töwendiki ibarilerge orun ajratti: « FIFA  kakarliq türk tirénér jüneyt chaqir biraziliyening rio dé zhanéyro shehiri sahibxaniliq qilidighan 2016 – yilliq olimpik tenheriket musabiqisidiki erler puybol musabiqiside répirliq qilidu. shuning bilen uFIFA  kulublar ara chémpiyonluqni talishish putbol musabiqisi, chémpiyonlar uchrishishi qatarliq musabiqilerdin kéyin olimpik tenheriket musabiqiliridimu répirliq qilidu.»

 


خەتكۈچ: 03.05.2016

مۇناسىۋەتلىك خەۋەرلەر