12.05.2016

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

12.05.2016

türkiye awazi radiyosi: «hörriyer géziti», türkiye bash ishtab bashliqi hulusi akarning 10 – nöwetlik balqan döletliri bash ishtab bashliqliri yighinining échilishida qilghan sözide, süriyediki p y d yaki y p g térrorluq teshkilatlirining p k k ning gumashtisi bolup otturigha chiqqanliqini éytqanliqini bildürdi. gézitning xewiride körsitilishiche, ishtab bashliqi hulusi akar: «bu ikki teshkilatning bir – biri bilen bolghan alaqisi we özara hemkarliqi opochuq otturida. bu ehwal, dunyadiki nurghunlighan döletler we xelqaraliq teshkilatlar teripidin bilinmekte. térrorluq teshkilati p k k bir tereptin, bigunah kishilerni öltürse, yene bir tereptin, xelqara jemiyette qanuniy salahiyetke érishishke urunmaqta» dégen.

«yéngi shepeq géziti», bash ishtab qarimiqidiki alahide qismigha qarashliq bir etretning yéqinqi künlerde chégra sirtida qilghan herbiy herikitidin kéyin, térrorluq teshkilati daéshning chégra boylirigha mina kömgenlikini xewer qildi. xewerde, térrorluq teshkilati daésh 8– apréldin bashlap, kontrol qiliwatqan rayonlarning chégra boylirigha we türkiye tereptin herqandaq herbiy heriket bashlinish éhtimaligha qarshi kilisning qarshisidiki texminen 50 kilométir uzunluqtiki yerge mina kömgenliki bildürüldi. xewerde, térrorluq teshkilati daésh we p k k ning süriyediki gumashta p y d arisida qatnash qanilining échilghanliqi eskertildi. xewerge asaslanghanda, daésh kontrol qiliwatqan aziz tewesidiki kefer yézisi bilen, p y d qozghilangchilarning qolidin tartiwalghan ahraz yézisi arisida soda karidori échilghan.

«xeber türk géziti», «putinning kiraliq eskerliri emdi ukrainada» serlewhiside xewer élan qildi. xewerde, rusiyening süriye bilen ukrainagha qanuniy asasi bolmighan «amanliq saqlash shirkiti» arqiliq kiraliq esker ewetkenliki ilgiri sürüldi. gézitning gérmaniyede chiqidighan «wélt géziti» diki bir xewerge asasen qeyt qilishiche, «wagnér» namidiki bir xususiy amanliq saqlash shirkitining kiraliq eskerliri, süriyede beshshar esed terepte urush qilsa, ukrainaning luxans shehiride rusiyeperestler terepte urush qilidiken.

«star géziti», «türkiye dora ishlepchiqirish bazisigha aylinidu» serlewhiside xewer élan qildi. gézitning xewiride, 1 – 3 – iyun künliri arisida istanbulda yawro – asiyada eng chong dora yermenkisi hésablinidighan üchinchi qétimliq «2016 – yilliq istanbul dora yermekisi we konféransi» ning échilidighanliqi bildürüldi. xewerde, yermenkige, 25 tin artuq dölettin kelgen 200 din artuq shirket we 40 tin artuq dölettiin kelgen ziyaretchining qatnishidighanliqining kütülgenliki qeyt qilindi. yermenkide, türkiyede tunji qétim uyushturulidighan «nishanliq döletlerde meblegh sélish we soda pursetliri» yighini arqiliq ziyaretchiliri we yighin ishtirakchilirigha yéngi bazarlarning ishikini échishqa tirishchanliq körsitilidiken. buningdin bashqa, bazarlarda küchke ige bolghan qaide – pirinsip we istratégiyeler sunulidiken. bu arqiliq türkiye rayonda dora ishlepchiqirish  we tetqiq qilish bazisigha aylinishni pilanlimaqta iken.

«sabah géziti», türkiye istatistika idarisining 2015 – yilliq aile sanliq melumatlirini élan qilghanliqini xewer qildi. xewerde, tetqiqat netijisining türkiyege xas bolghan aile türliri tunj qétim tizimgha élinghan nopusqa asasen chiqirilghan. buninggha asaslanghanda, türkiye nopusi dada – ana we perzenttin terkip tapqan mikro aile sheklige özgirishke bashlighan. türkiyediki aile nopusining %66.9 i mikro ailidin terkip tapidighan bolup, bir kishilik aile nopusining nisbiti %14.4 ni igileydiken. bir kishilik aile nopusi %23.5 lik nisbet bilen tunjeli wilayiti birinchi orunda, mikro aililerdin terkip tapqan nopusi %72.7 lik nisbet bilen, qeyseri shehiri birinchi orunda turidiken.     



مۇناسىۋەتلىك خەۋەرلەر