xelqaraliq tarixiy yadikarliqlar baziridiki uyghur qizi

xelqaraliq tarixiy yadikarliqlar bazirida uyghurlargha ait bir parche tarixiy resim kim artuq qilip sétildi.

xelqaraliq tarixiy yadikarliqlar baziridiki uyghur qizi

türkiye awazi radiyosi xewiri: melumatlargha qarighanda, 8 – aprél firansiyening paytexti parizhdiki xelqara asaretiqe soda bazirida qedimiy uyghurlargha dair bir parche süret sétilghan. parizh 9-rayondiki asaretiqiler soda baziridiki bayjan xanimning éytishiche, yipek shayi rextke chüshürülgen, duttar chélip olturghan uyghur qizining süriti kim artuq qilip sétish sodisigha qatnashturulup, sétilghan. uzundin buyan parizhdiki asaretiqe soda merkizide tijaret bilen shughulliniwatqan uyghur sodigerlerdin exet eli hajimning éytishiche, parizh 9-rayondiki tarixiy asaretiqiler soda baziri xelqaradiki eng chong soda merkezlerdin biri bolup, bu yerde künige dégüdek dunyaning herqaysi jayliridin toplanghan asaretiliqer kim artuq qilip sétilidiken. soda bazirida yene tibetlik sodigerler özlirige ait asaretiqilerni köplep sétiwalidiken.

yaponiyediki uyghur ziyaliyliridin doktor turmuhemmet hashimning eskertishiche, nöwette tokyodiki qedimki asaretiqe soda merkezlirigimu tarixiy uyghur gilemliri köplep qoyulghan bolup, uyghur gilemliri tarixining uzunluqi, rengdarliqi we özgiche toqulushidek alahidilikliri bilen yaponiyede keng tonulmaqta iken.

uyghur menbelerning bildürüshiche, yéqinda qedimki uyghur yéziqida yézilghan «tezkéreiy ewliya» namliq kitabning kopiye nusxisi bayqalghan bolup, nöwette bir qisim asaretiqe sodigerliri bu kitabning esli nusxisini izdeshke bashlighan.

uyghur élida neshr qilinghan tarixiy kitablarda eskertilishiche, parizhdiki sherq tilliri mektipining türkiy tillar kafédrasini bashqurghan fransuz sherqshunas étén katrémér 1841-yilli parizhda «sherqiy türk edebiyati xréstomatiyesi» ning birinchi qismini neshr qilghan bolup, uninggha nawayining «muhakimetul lugheteyin» we «tarixiy mülki ejem» namliq eserliri kirgüzülgen.



مۇناسىۋەتلىك خەۋەرلەر