2013 – yilighiche qoshumche 1 milyon adem ishqa orunlishidu

bilim, sanaet we pen – yéxnika ministiri fikri ishiq 2023 – yilighiche qoshumche 1 milyon ademni ishqa orunlashturushni kapaletke ige qilidighanliqlirini éytti.

2013 – yilighiche qoshumche 1 milyon adem ishqa orunlishidu

türkiye awazi radiyosi xewiri: bilim, sanaet we pen – yéxnika ministiri fikri ishiq adana sanaet rayonidiki fabrikilarning échilish murasimida söz qildi. u samsun mashina sanaet fabrikisi bilen qimmiti 1milyard 223 milyon liragha yétidighan jemiy 48 fabrikini échishning xushalliqini yashawatqanliqini bildürdi. u sözide, adananing türkiyening eng muhim sanaet sheherliridin biri ikenlikini eskertti. u haji sabanji sanaet rayonining ishqa orunlashturush iqtidarining 33 ming kishidin éship ketkenlikini, yette dane kichik sanaet rayonining 7 minggha yetkenlikini qeyt qildi.

u sanaetning tereqqiy qilishi nuqtisida sanaet rayonlirini we sanaet mehellirini berpa qilishqa ehmiyet bériwatqanliqlirini tekitlep mundaq dédi:

«hazir türkiyede 224 dane aktip paaliyet qiliwatqanlirini qoshqanda jemiy 285 sanaet rayoni bar. bu sanaet rayonlirida 1 milyon 600 ming kishi ishqa orunlashti. 2023 – yilighiche 79 dane sanaet rayoni qurup, qoshumche 1 milyon kishini ishqa orunlashturushni nishan qiliwatimiz. inshaallah 2016 – yili ichide sanaet rayonlirigha 75 milyon lira meblegh sélishni nishan qiliwatimiz. bolupmu, yéngi ewlad sanaet rayonlirining qurulushi üchün köp küch chiqirimiz.»



مۇناسىۋەتلىك خەۋەرلەر