yawropa ittipaqi türkiyediki süriyeliklerge yardem béridu

yawropa ittipaqi türkiyediki köchmenler üchün iyul éyining axirlirighiche 1 milyard yawro yardem bérishni pilanlimaqta.

yawropa ittipaqi türkiyediki süriyeliklerge yardem béridu

türkiye awazi radiyosi xewiri: yawropa ittipaqining türkiyediki köchmenlerge yardem bérish komitéti biryussélda yighin chaqirdi.

yighinda türkiyediki süriyelik musapirlargha bérilidighan yardemning yighilish süritini tézlitish qarari élindi.

yighindin kéyin yawropa ittipaqi komitétining kéngiyish we qoshnidarchiliq siyasetlirige mesul ezasi johanés han wedige asasen bérilidighan 3 milyard yawroning texminen 200 milyon yawroning türkiyege tapshurulidighanliqini eskertip mundaq dédi: «iyul éyining axirlirighiche 1 milyard yawro yighilishini ümid qilimen.»

yawropa ittipaqi 2015 – yili 29 – noyabir küni chaqirilghan türkiye – yawropa ittipaqi aliy derijilik rehberler yighinida, türkiyediki süriyelik köchmenler üchün 2017 – yilghiche türkiyege 3 milyard yawro bérishni wede qilghanidi.

18 – mart küni chaqirilghan yighinda bolsa, pilan orunlanghan teqdirde, 2018 – yilghiche qoshumche 3 milyard yawro bérish qarar qilinghanidi. bu pullarning türkiyediki süriyelik köchmenlerning sehiye, maarip, ul eslihe qurulushliri we bashqa éhtiyajlirini ishqa ashurushta ishlitilidighan layiheler üchün serp qilinishi pilanlanghanidi.



مۇناسىۋەتلىك خەۋەرلەر