somalidiki ayropilan weqesige bomba partlash seweb bolghan

somali paytexti muqdishuda 2 – féwral kökke kötürülüp uzun ötmey partlash yüz bergen ayropilan weqeside, bomba partlighanliqi élan qilindi.

somalidiki ayropilan weqesige bomba partlash seweb bolghan

türkiye awazi radiyosi xewiri: somali hökümet bayanatchisi abdurrahman osman bir yoluchining kompiyutérigha bomba orunlashturghan bolushi mumkin dep perez qiliniwatqanliqini eskertti. u kompiyutérni bergen ikki kishining birining üstide ayrodurum xizmetchiliri kiyidighan kiyim barliqini bildürdi. u kamérada körüngen ikki kishini öz ichige alghan 20 gumandarning tutulup, soraq qiliniwatqanliqini uqturdi.

muqdishuda ayrodurum we sheherdiki muhim jaylarda bixeterlik tedbirliri kücheytildi.

hujumgha hazirche héchqandaq teshkilat yaki shexs jawabkar bolidighanliqini élan qilmidi. biraq, hemmining diqqiti el qaidege chétishliq eshshabab teshkilatigha merkezleshmekte. ichide xizmetchi xadimlarni qoshqanda 75 kishi bar bolghan ayropilanda, kökke kötürülüp 15 minuttin kéyin partlash yüz bergen we ayropilanning gewdisidin échilghan töshüktin bir yoluchi étilip chiqip kétip hayatidin ayrilghan idi.



مۇناسىۋەتلىك خەۋەرلەر